बारामती : अजित पवार यांनी पक्ष फोडून ज्यावेळी भाजपसोबत जाण्याचा निर्णय घेतला, त्यावेळचे प्रसंग आम्ही टीव्हीवर पाहत होतो. त्यादरम्यान काही प्रश्न मी पवारसाहेबांना विचारत होतो, त्या प्रश्नांची उत्तरे साहेब देत होते. स्वाभिमानी महाराष्ट्र घडविण्यासाठी जोपर्यंत नवी पिढी घडवत नाही तोपर्यंत मी डोळे मिटणार नाही, असे पवारसाहेबांनी मला सांगितले, अशी आठवण राष्ट्रवादीचे आमदार रोहित पवार यांनी सांगितली. ही आठवण सांगताना ते कमालीचे भावुक झाले. मंचावरील कार्यकर्ते पदाधिकाऱ्यांनी त्यांना शांत केले.
संपूर्ण देशाचे लक्ष वेधून घेतलेल्या आणि कौटुंबिक आरोप-प्रत्यारोपांचा धुरळा उडालेल्या बारामती लोकसभा मतदारसंघातील प्रचाराच्या तोफा आज, रविवारी (दि. ५) सहा वाजता थंडावणार आहेत. शरद पवार आणि अजित पवार या दोघांची प्रचाराची शेवटची सभा बारामतीत वेगवेगळ्या ठिकाणी होत आहे. सुप्रिया सुळे यांच्या प्रचारसभेत सुरूवातीला अमोल कोल्हे यांनी तडफदार भाषण केलं. त्यानंतर रोहित पवार यांनीही आक्रमक पण तितकंच भावनिक भाषण करून सुप्रिया सुळे यांना मतदान करण्याचे आवाहन केले.
रोहित पवार म्हणाले, अजितदादांसोबत गेलो असतो तर मलाही मंत्रिपद मिळालं असतं पण मला सत्ता महत्त्वाची नव्हती. मला विचार महत्त्वाचे आहेत. वटवृक्षाला पारंब्या असतात, त्यातल्या एकदोन पारंब्या घेऊन गेले म्हणजे झाड घेऊन गेले असे होत नाही. आपला वटवृक्ष पवारसाहेब आहेत. त्यामुळे आपण लढू आणि जिंकू, असा विश्वास व्यक्त करतानाच रोहित पवार यांनी पक्षफुटीवेळचा भावनिक प्रसंग सांगितला.
Related News
Ladki Bahin Yoajana : मोठी बातमी : पुण्यात एक-दोन नव्हे तब्बल 10 हजार लाडक्या बहिणी अपात्र
-
By
अजिंक्य भारत
गेल्या मंत्रीमंडळात जो फॉर्म्युला होता तोच यावेळी लागू असायला हवा; गृहमंत्रीपदाबाबत शंभूराज देसाई स्पष्टच बोलले
-
By
अजिंक्य भारत
अकोला जिल्ह्यातील 5 ही विधानसभेत मतदान शांततेत पार पडलं…
सुशांत सिंह राजपूतची ‘ती’ इच्छा अपूर्णच राहिली; त्याच्यासोबत स्क्रिन शेअर केलेल्या अभिनेत्याचा खुलासा, काय म्हणालेला सुशांत त्याला?
शिंदेगट आणि ठाकरेगट आमनेसामने; प्रताप सरनाईक आणि नरेश मणेरा यांच्यात चुरशीची लढत
मुंबईतील बीकेसीमधील अंडरग्राऊंड मेट्रोला भीषण आग; प्रवाशांमध्ये गोंधळ
Manoj Jarange : हिंदू खतरे में तर मग मराठ्यांचे काय?
अकोट आगार बनले समस्यांचे माहेर घर!
-
By
अजिंक्य भारत
शरद पवार दुबईमध्ये दाऊद इब्राहिमला भेटले
हरियाणात अमित शहा केंद्रीय निरीक्षक
हरयाणात वीरेंद्र सेहवागची ‘बॅटिंग’ फ्लॅाप, प्रचार केला तो उमेदवार पिछाडीवर
नवी पिढी घडवत नाही तोपर्यंत मी डोळे मिटणार नाही
अजित पवार यांनी भाजपसोबत जाण्याचा निर्णय घेतला. त्यावेळी आम्ही टीव्हीवर बातम्या पाहत होतो. एक एक नेता त्यांच्याकडे जात होता. त्यादरम्यान साहेबांना मी काही प्रश्न विचारत होतो. साहेब मला त्या प्रश्नांची उत्तरे देत होते. त्यावेळी स्वाभिमानी महाराष्ट्र घडविण्यासाठी जोपर्यंत नवी पिढी घडवत नाही तोपर्यंत मी डोळे मिटणार नाही, असे पवारसाहेबांनी म्हटल्याची भावनिक आठवण रोहित पवार यांनी सांगितली. ही आठवण सांगताना त्यांच्या डोळ्यात अश्रू आले होते. ते हुंदक्यांनी दाटले होते. त्यावेळी मंचावरील कार्यकर्त्यांनी त्यांना शांत केले.
मला माझ्या पोरांनी विचारलं, तू आजोबांसोबत की काकासोबत?
ज्यावेळी पक्षात फूट पडली त्यावेळी मी आजोबाबरोबर की काकाबरोबर आहे? हे मला माझ्या मुला-मुलीने विचारले. त्यावेळी मी आजोबांसोबत असल्याचे मी त्यांना सांगितले. माझ्या मुलीने आणि मुलाने माझे स्वागत केले, बाबा म्हणून तुझा अभिमान असल्याचे त्यांनी मला सांगितले. १० वर्षांच्या मुलाला जे कळतं ते ६५ वर्षाच्या माणसाला का कळत नाही? असा टोलाही रोहित पवार यांनी अजित पवार यांना लगावला.
….तर गाठ पवारसाहेबांची आणि आमच्याशी आहे
मी पळणारा व्यक्ती नाही, पळणारा असतो तर कधीच गेलो असतो, माझ्या कार्यकर्त्यांना हात लावला तर गाठ पवारसाहेबांची आणि आमच्याशी आहे, असा दमही रोहित पवार यांनी अजितदादांना दिला.
