गर्लफ्रेंडची निर्घृण हत्या, आणि दुसऱ्याच दिवशी पोलिस कोठडीत आरोपीचा मृत्यू; सौराष्ट्र हादरलं
आयुष्य किती क्षणभंगुर असतं याचं अंगावर शहारे आणणारं वास्तव पुन्हा एकदा समोर आलं आहे. एका तरुणानं रागाच्या भरात आपल्या प्रेयसीची निर्घृण हत्या केली, आणि अवघ्या काही तासांत त्याच तरुणानं पोलिस कोठडीत असतानाच अखेरचा श्वास घेतला. ही हृदयद्रावक घटना गुजरातमधील Morbi जवळील औद्योगिक परिसरात घडली असून संपूर्ण परिसरात खळबळ उडाली आहे.
लिव्ह-इन रिलेशनशिपमधून सुरू झालेली नात्याची कहाणी रक्तरंजित शेवटापर्यंत
मृत आरोपीचं नाव नरेंद्र सिंह ध्रुवेल (वय 25) असं असून तो मूळचा मध्य प्रदेशातील Dindori जिल्ह्याचा रहिवासी होता. त्याची प्रेयसी पुष्पा देवी (वय 20) ही मध्य प्रदेशातील Anuppur जिल्ह्यातील राहणारी होती. दोघंही रोजगाराच्या शोधात गुजरातमध्ये आले आणि मोरबीजवळील एका सिरेमिक कारखान्यात काम करू लागले.
नरेंद्र आणिप्रेयसी पुष्पा गेल्या तीन महिन्यांपासून एकत्र राहत होते. सुरुवातीला सगळं काही सुरळीत होतं. मात्र काही दिवसांपूर्वी मध्य प्रदेशात कुटुंबाला भेटून परतल्यानंतर त्यांच्या नात्यात सतत वाद होऊ लागले. छोट्या छोट्या गोष्टींवरून त्यांच्यात भांडणं व्हायची, आणि या वादांचं रूप हळूहळू हिंसकतेकडे वळू लागलं.
Related News
मूर्तिजापूरचे ‘देवदूत’ डॉक्टर गौरव गोसावी यांचे निधन
Dharashiv News : धाराशिव हादरलं! कळंब तालुक्यात ३६ वर्षीय तरुणाने भर चौकात जीवन संपवलं, नेमकं काय घडलं ?
नाईट क्लबमधील धक्कादायक प्रकार: वॉशरूमजवळ महिलेशी अश्लील कृत्याचा प्रयत्न, विरोध करताच पतीवर हल्ला
मुंबईतून 2 कुख्यात दहशतवाद्यांना अटक; Punjab पोलिसांची मोठी आंतरराज्यीय कारवाई
मोठी बातमी! Australiaत ज्यू धर्मीयांच्या कार्यक्रमात अंदाधुंद गोळीबार, दहा जणांचा मृत्यू
मग कसं बनतं जेवण ? कारण जाणून तुम्हीही थक्क व्हाल…
जगात कधीच असं घडलं नसेल… बाराबंकीतील भीषण अपघात आणि स्मशानभूमीत धक्कादायक घटना
OYO Viral Video: धक्कादायक 1 व्हिडीओने उडवली खळबळ! रस्त्यावर शिक्षिकेचा हाई-वोल्टेज ड्रामा
सासरकडून छळ आणि धमकी प्रकरण लग्नानंतर तरुणीची दुर्दैवी फसवणूक
गळफास घेऊन आत्महत्या बनाव उघड, पोलीसांनी आरोपीला अटक केली
अमरावतीत धक्कादायक प्रकार; नवविवाहितेचा निर्घृण खून
नाशिक जिल्ह्यातील मालेगाव तालुक्यातअसलेल्या डोंगराळेतील आमरण उपोषण संपुष्टात; शिक्षणमंत्री दादाजी भुसे यांनी दिले लेखी आश्वासन.
शुक्रवारी रात्रीचा तो भयानक क्षण
शुक्रवारी रात्री साधारण 8 वाजताच्या सुमारास दोघांमध्ये पुन्हा जोरदार वाद झाला. हा वाद इतका टोकाला गेला की नरेंद्रने रागाच्या, संतापाच्या भरात प्रेयसी पुष्पावर लाकडी दांडा आणि बेल्टने सपासप मारहाण केली. तिच्या पोटावर, छातीवर, पाठीत, हातांवर आणि चेहऱ्यावर वार झाले. इतकंच नव्हे तर निर्दयतेची हद्द ओलांडत त्याने तिच्या चेहऱ्यावर चावल्याचंही पोलिस तपासात समोर आलं आहे.
जखमी अवस्थेत प्रेयसी पुष्पा जीव वाचवण्यासाठी नरेंद्रसमोर अक्षरशः हात जोडून याचना करत होती. “थांब… मला वाचव…” अशी ती आर्ततेनं विनवणी करत होती. मात्र नरेंद्रचं मन द्रवलं नाही. काही वेळातच गंभीर दुखापतींमुळे तिचा जागीच मृत्यू झाला.
जखमी प्रेयसीला तिथेच टाकून केला पळ
हत्या केल्यानंतर घाबरलेल्या अवस्थेत नरेंद्र तिथून पळून गेला. पुष्पा रक्ताच्या थारोळ्यात बेशुद्ध पडली होती. काही वेळाने तिचा मृत्यू झाला. काही तासांनंतर नरेंद्र परत त्या खोलीत आला. जमिनीवर हालचाल न करता पडलेली पुष्पा पाहून त्याने तिला उठवण्याचा प्रयत्नही केला, मात्र तोपर्यंत उशीर झाला होता.
यानंतर नरेंद्रने कंपनीच्या सुपरवायझर आणि क्वार्टरमास्तरला बोलावून घेतलं. त्यांनी तातडीने पोलिसांना माहिती दिली. पोलिसांनी घटनास्थळी धाव घेत मृतदेह ताब्यात घेतला आणि शवविच्छेदनासाठी पाठवला.
शवविच्छेदन अहवालातून धक्कादायक सत्य समोर
डॉक्टरांच्या प्राथमिक अहवालानुसार, पुष्पाचा मृत्यू तीव्र शारीरिक मारहाण, अंतर्गत जखमा आणि असह्य वेदनांमुळे झाला आहे. तिच्या शरीरावर अनेक गंभीर जखमा आढळून आल्या. हाडांना तडे, अंतर्गत अवयवांना झालेले गंभीर इजा आणि जबर मारहाणीच्या खुणा स्पष्टपणे दिसून आल्या.
नरेंद्रला अटक, कबुलीजबाबही दिला
हत्या झाल्यानंतर पोलिसांनी नरेंद्रला ताब्यात घेतलं. चौकशीत त्याने गुन्ह्याची कबुली दिली. त्याच्यावर खुनाचा गुन्हा दाखल करण्यात आला होता आणि त्याला पोलिस कोठडीत ठेवण्यात आलं.
सर्वकाही सुरळीत सुरू असताना, रविवारी पहाटे सुमारे 4 वाजताच्या सुमारास नरेंद्रच्या छातीत तीव्र वेदना सुरू झाल्या. तो अस्वस्थ होऊ लागला. पोलीस कर्मचाऱ्यांनी तातडीने त्याला जवळच्या रुग्णालयात दाखल केलं. मात्र डॉक्टरांनी तपासणीनंतर नरेंद्रचा मृत्यू झाल्याचं जाहीर केलं.
डॉक्टरांच्या प्राथमिक अंदाजानुसार, नरेंद्रला तीव्र हार्ट अटॅक आल्यामुळे त्याचे निधन झाले असावे. तरीही मृत्यूची नेमकी कारणे स्पष्ट करण्यासाठी त्याचा मृतदेहही शवविच्छेदनासाठी पाठवण्यात आला आहे.
एका दिवसात दोन मृत्यू, परिसर सुन्न
एका दिवसात प्रेयसीची हत्या, आणि दुसऱ्याच दिवशी आरोपीचाही मृत्यू – या घटनेने संपूर्ण परिसर हादरून गेला आहे. औद्योगिक वसाहतीतील कामगार, स्थानिक नागरिक आणि प्रशासन यांच्यात भीतीचं वातावरण आहे.
काही जण हा “दैवी न्याय” असल्याचं म्हणत आहेत, तर काहींनी या घटनेवर तीव्र दुःख व्यक्त केलं आहे. एका तरुण मुलीचा जीव गेला, तर एका कुटुंबाचा मुलगाही कायमचा हरपला – अशा दुहेरी शोकांतिकेमुळे दोन्ही कुटुंबांवर दुःखाचा डोंगर कोसळला आहे.
पुष्पाच्या कुटुंबीयांवर दुःखाचा डोंगर
प्रेयसी पुष्पा ही गरीब कुटुंबातील मुलगी होती. घरची परिस्थिती हलाखीची असल्यामुळे ती गुजरातमध्ये कामासाठी आली होती. तिच्या आई-वडिलांना एकुलती एक मुलगी गमवावी लागली. “आमची मुलगी मेहनती होती… तिला कधीच कुणाशी भांडण करायला आवडत नव्हतं… असं काय घडलं की तीचा जीव गेला, आम्हाला अजूनही विश्वास बसत नाही,” अश्रूंनी डोळे भरून पुष्पाच्या आईनं माध्यमांशी बोलताना सांगितलं.
नरेंद्रच्या कुटुंबालाही दुहेरी धक्का
एका बाजूला मुलगा हत्या प्रकरणात अडकलेला, आणि दुसऱ्या बाजूला त्याचाच अचानक मृत्यू या दुहेरी संकटामुळे नरेंद्रच्या कुटुंबीयांनाही मोठा धक्का बसला आहे. “मुलगा चुकला असेल, पण तो असा मरेल याची आम्हाला कल्पनाही नव्हती,” अशी प्रतिक्रिया त्याच्या नातेवाईकांनी दिली आहे.
पोलीस तपास आणि पुढील प्रक्रिया
पोलीस प्रशासन या प्रकरणाचा प्रत्येक पैलू तपासत आहे. पुष्पाच्या हत्येप्रकरणी आता आरोपी मृत झाल्याने कायदेशीर कारवाई आपोआपच थांबणार आहे. मात्र पोलीस संपूर्ण प्रकरणाचा अंतिम अहवाल न्यायालयात सादर करणार आहेत.
नरेंद्रच्या मृत्यूबाबतही कोणताही संशय राहू नये म्हणून सीसीटीव्ही फुटेज, वैद्यकीय अहवाल आणि पोलिस रेकॉर्ड तपासले जात आहेत. कोठडीत कोणतीही मारहाण झाली नाही, असा प्राथमिक दावा पोलिसांनी केला आहे.
ही घटना काय संदेश देते?
ही संपूर्ण घटना समाजासाठी खूप मोठा इशारा आहे. राग, संशय, अहंकार आणि असंयम यांचे परिणाम किती भयंकर असू शकतात याचं हे जिवंत उदाहरण आहे. प्रेम, मतभेद, नातेसंबंध – सगळं काही एका क्षणात रक्तरंजित शेवटापर्यंत जाऊ शकतं, हे पुन्हा एकदा अधोरेखित झालं आहे.
read also:https://ajinkyabharat.com/tata-motors-and-mahindra-mahindra-will-launch-3/
