बोरगाव मंजू, अकोला: राष्ट्रीय महामार्गालगत असलेल्या वाशिबा गावाच्या पडीक शेतात
२६ मार्च रोजी दुपारी अचानक भीषण आग लागल्याची घटना घडली.
आगीने काही वेळातच परिसर व्यापल्याने नागरिकांमध्ये खळबळ उडाली.
Related News
iPhone 18 Pro सिरीजचे मोठे लीक्स समोर: डिझाइनपेक्षा AI आणि परफॉर्मन्सवर भर
उन्हाळ्यात 40°C तापमानात पचन बिघडतंय? जाणून घ्या सोपे किचन स्वॅप्स
प्रेम कमी होण्याआधी मेंदू काय संकेत देतो? मानसशास्त्राचा धक्कादायक खुलासा
अग्निशमन दलाची तातडीची कारवाई
भरतीया गोडावूनच्या जवळील जंगल भागात लागलेली ही आग काही वेळातच गोडावूनच्या परिसरात पसरली.
अकोला अग्निशमन दलाच्या जवानांनी घटनास्थळी तातडीने धाव घेत अथक प्रयत्नांनंतर आग आटोक्यात आणली.
पोलिस प्रशासनाचा तातडीचा हस्तक्षेप
या घटनेची माहिती मिळताच बोरगाव मंजू पोलिस स्टेशनचे पोलिस उपनिरीक्षक निलेश चाटे,
संजय भारसाकडे, अमोल मोरे आणि त्यांच्या टीमने घटनास्थळी धाव घेत योग्य ती कारवाई केली.
मोठी दुर्घटना टळली
सुदैवाने या आगीत कोणतीही जीवितहानी झाली नाही.
नागरिकांनी वेळीच सतर्कता बाळगल्यामुळे मोठा अनर्थ टळला.
दरम्यान, आग नेमकी कशामुळे लागली याचा तपास सुरू आहे.
या घटनेनंतर परिसरात भीतीचे वातावरण पसरले असून,
प्रशासनाकडून सतर्कतेचे आवाहन करण्यात आले आहे.
