बातमी:मुंबई – महाराष्ट्राचे परिवहन मंत्री प्रताप सरनाईक यांनी देशातील पहिली टेस्ला कार खरेदी केली आहे. 15 जुलै रोजी मुंबईतील बीकेसीमध्ये टेस्ला शोरुमचे उद्घाटन झाले होते. आज (5 सप्टेंबर) पासून कार वितरित करण्याची प्रक्रिया सुरु झाली आहे, आणि सरनाईक यांची ही कार देशातील पहिली टेस्ला ठरली.सरनाईक म्हणाले, “भारतामध्ये सर्वात पहिली टेस्ला कार मला विकत घेता आली याचा मला अभिमान आहे. ही कार मी कोणतेही डिस्काऊंट न देता पूर्ण रक्कम भरून घेतली आहे. कार मी माझ्या नातवाला देणार आहे. तो शाळेत ही कार घेऊन जाईल आणि पर्यावरणपूरक कारचा संदेश सर्वांपर्यंत पोहोचवेल.”टेस्ला Model Y ही कंपनीची सर्वाधिक विक्री होणारी इलेक्ट्रिक कार असून, Model 3 RWD फक्त 5.6 सेकंदात शून्य ते 100 किमी/तास वेग गाठू शकते. LR RWD व्हर्जन एकदा चार्ज केल्यावर 622 किलोमीटर प्रवास करू शकतो, तर स्टँडर्ड RWD 500 किलोमीटर अंतर पार करते. नवीन Model Y मध्ये मागील सीटसाठी स्वतंत्र टचस्क्रीन व इलेक्ट्रिक अॅडजस्टेबल फंक्शन देखील आहेत.Model Y ची भारतातील किंमत RWD व्हर्जनसाठी ₹61.07 लाख आणि LR RWD व्हर्जनसाठी ₹69.15 लाख आहे. रंगासाठी अतिरिक्त रक्कम मोजावी लागेल: पर्ल व्हाइट/डायमंड ब्लॅक ₹95,000, ग्लेशियर ब्लू ₹1,25,000 आणि क्विक सिल्व्हर/अल्ट्रा रेड ₹1,85,000.Model Y ची स्पर्धा BMW X1, Volvo C40, BYD Sealion 7 आणि Mercedes-Benz EQA यांच्याशी होणार आहे. जगभरात अत्याधुनिक आणि सुरक्षित मानली जाणारी ही कार आता भारतातही उपलब्ध आहे, आणि सरनाईक यांनी तिचा पहिला स्वाभाविक अनुभव घेतला.
READ ALSO :https://ajinkyabharat.com/state-governmentcha-motha-decision/
