दानापुर- मागील काही दिवसांपासून दानापुर परिसरातील विविध मोबाइल कंपन्यांचे नेटवर्क वारंवार
कट होत असल्याच्या तक्रारी ग्राहकांकडून वाढल्या आहेत.
सध्या मोबाइल आणि इंटरनेट सेवा हे दैनंदिन जीवनातील अत्यावश्यक साधन बनले असून,
नेटवर्क न मिळाल्यामुळे नागरिकांचे कामकाज मोठ्या प्रमाणात प्रभावित होत आहे.
डिजिटल सेवा, शेतकरी, विद्यार्थी आणि सामान्य नागरिक या नेटवर्क समस्यांमुळे अनेक अडचणींना सामोरे जात आहेत.
तसेच, व्यवसायिकांनाही या अडचणींमुळे मोठा धोका निर्माण होत असून,
प्रशासनाने तातडीने सुधारणा करावी, अशी मागणी ग्राहकांकडून करण्यात येत आहे.
ऑनलाइन सेवांवर परिणाम
मोबाइल नेटवर्कच्या विस्कळीतपणामुळे बँकिंग, पोस्ट, ग्रामपंचायत आणि इतर
कार्यालयीन कामे व्यवस्थित पार पडत नाहीत. नेटवर्कमध्ये अडचणींमुळे महत्त्वाची कामे ठप्प पडत आहेत,
ज्यामुळे नागरिकांचे दैनंदिन कामकाज ठप्प झाले आहे.
पैसे मोजूनही सेवा मिळत नाही
ग्राहकांचे म्हणणे आहे की, “माझ्याकडे दोन-तीन कंपनीचे सिम कार्ड असूनही नेटवर्कच्या अडचणींना सामोरे जावे लागते.
शुल्क भरावे लागते, परंतु अपेक्षित सेवा मिळत नाही,” असे दानापुरचे ग्रामपंचायत सदस्य रविंद्र तायडे यांनी सांगितले.
कॉल ड्रॉप, आवाज न ऐकू येणे आणि अचानक नेटवर्क कट होणे यासारख्या समस्यांमुळे ग्राहक त्रस्त आहेत.
ग्राहकांनी प्रशासनाकडे त्वरित उपाययोजना करण्याची मागणी केली आहे,
जेणेकरून नागरिक आणि व्यवसायिकांचा दैनंदिन कामकाज सुरळीत पार पडू शकेल.
