पातुर तालुक्यातील पहिले शहीद, सन १९७१ च्या भारत–पाकिस्तान युद्धात सीमेवर वीरमरण आलेले पातुर येथील शहीद आनंदराव काळपांडे यांच्या स्मृतिदिनानिमित्त गुरुवार पेठ, पातुर येथे भव्य देशभक्तीपर गीतगायन कार्यक्रमाचे आयोजन करण्यात आले. दि. ५ डिसेंबर २०२५ रोजी सायंकाळी झालेल्या या कार्यक्रमाने पातुरकरांच्या मनात देशभक्तीची ज्योत अधिक प्रज्वलित केली.
‘एक शाम देश के नाम’ या संकल्पनेवर आधारित या कार्यक्रमात सुरुवातीपासून शेवटपर्यंत देशभक्तीचा ज्वलंत उत्साह अनुभवायला मिळाला. उपस्थितांनी “शहीद आनंदराव काळपांडे अमर राहो” अशा घोषणांनी परिसर दणाणून गेला. देशासाठी सर्वोच्च बलिदान देणाऱ्या शहीद जवानांच्या स्मृतींना अभिवादन करण्यासाठी नागरिक मोठ्या संख्येने उपस्थित होते.
या कार्यक्रमात पातूर येथील गायक-कलावंत कराओके ग्रुपच्या वतीने देवानंद गहिले, शेख मुक्तारभाई, विनोद भाऊ इंगळे, प्रा. करुणाताई गवई, प्रा. विठोबा गवई, शेख मेहबूब भाई, सलीम भाई, अविनाश काळपांडे, प्रभुदास बोंबटकर, प्रल्हाद गवई, शेख वसीम भाई आदी मान्यवर गायक-कलावंतांनी एकापेक्षा एक सकस देशभक्तीपर गीते सादर केली. त्यांच्या उत्कृष्ट गायकीमुळे संपूर्ण कार्यक्रम मंत्रमुग्ध करणारा ठरला.
Related News
हुतात्म्यांचे विचार नव्या पिढीपर्यंत पोहोचवणे गरजेचे; अमित आझाद यांचे प्रतिपादन
‘अंधभक्त’ म्हणणाऱ्यांना ईशा कोपिकरचं सडेतोड उत्तर; म्हणाली, ‘प्रेमात आंधळे होऊ शकता तर देशाच्या प्रेमात का नाही?’
‘तो तर धूर्त कोल्हा…’ कंगना रणौतने नसीरुद्दीन शाह यांना सुनावले; सोशल मीडियावर वाद पेटला
‘हर घर तिरंगा’साठी मोदींचं मोठं आवाहन; 3 खास संदेश देत म्हणाले, ‘हर मन में तिरंगा’!
अकोल्यात 5 लाखांची फसवणूक ! 3 किलो सोन्याच्या नाण्यांच्या नावाखाली हॉटेल व्यावसायिकाची अकोल्यात फसवणूक;
आसाम विमान दुर्घटना: 5 शूर जवानांचे वीरमरण! AN-32 क्रॅशमागील 7 धक्कादायक तथ्ये, देशभरातून शोक व्यक्त
राळेगणसिद्धीला भारतीय लष्कराकडून T-55 रणगाड्याची ऐतिहासिक भेट; 61 वर्षांच्या शौर्याचा गौरव!
साताऱ्याच्या भूमीचा अभिमान; मोदींच्या आवाहनाला शंभूराज देसाईंचा तात्काळ प्रतिसाद
ऐतिहासिक पाऊल: मोदी सरकारचा कडक निर्णय, ‘वंदे मातरम्’चा अपमान तर थेट तुरुंगवास
रणवीर सिंहचा धमाका! ‘Dhurandhar 2’ने बॉक्स ऑफिसवर उडवली धूळ
‘मातृभूमी’चा ‘चांद देख लेना’ टीझर रिलीज; प्रेम आणि प्रतीक्षेची भावनिक कहाणी उलगडली
‘इको-फ्रेंडली’ होळी आणि ‘सशस्त्र सेना ध्वज दिन’ निधी संकलन उपक्रम उत्साहात संपन्न
कार्यक्रमाची सुरुवात प्रा. करुणाताई गवई यांनी सादर केलेल्या अजरामर गीत “ए मेरे वतन के लोगो” या गीताने झाली. या गीताच्या मार्मिक सादरीकरणामुळे अनेकांच्या डोळ्यांत अश्रू तरळले. यानंतर विविध देशभक्तीपर गीतांनी संपूर्ण वातावरण देशभक्तीमय केले. समारोप सर्व उपस्थितांनी राष्ट्रगीत सन्मानपूर्वक गाऊन केला, ज्याने कार्यक्रमाची औपचारिकता आणि भावना दोन्ही अधिक प्रभावी बनवली.
या सोहळ्यात पंचफुलाबाई काळपांडे आणि पर्वताबाई काळपांडे, शहीद आनंदराव काळपांडे यांच्या नातेवाईकांच्या हस्ते सर्वप्रथम पूजन केले गेले, ज्याने कार्यक्रमाला अधिक औपचारिक आणि भावनिक स्पर्श मिळाला. कार्यक्रमाचे प्रभावी सूत्रसंचालन प्रभुदास बोंबटकर यांनी केले, तर प्रास्ताविक छत्रपती उर्फ गजानन गाडगे यांनी करून शहीद आनंदराव काळपांडे यांच्या शौर्याचा गौरवपूर्ण आढावा मांडला.
हा कार्यक्रम यशस्वीरीत्या पार पाडण्यासाठी प्रदीप उर्फ छोटू काळपांडे, छत्रपती गाडगे, प्रभुदास बोंबटकर, सचिन वारोकार, अविनाश काळपांडे, प्रकाश भाऊ निमकंडे, विजय इंगळे, कृष्णा बोंबटकर, उमेश काळपांडे, महेश काळपांडे एडवोकेट काळपांडे यांच्यासह गुरुवार पेठमधील सर्व युवक-युवतींनी विशेष परिश्रम घेतले.
शहीदांच्या बलिदानाची आठवण करून देणारा व नव्या पिढीत देशप्रेमाची जाणीव निर्माण करणारा हा कार्यक्रम पातूरच्या सांस्कृतिक जीवनात एक अविस्मरणीय ठसा उमटवून गेला. उपस्थितांचे उत्साहपूर्ण प्रतिसाद, भावनिक सादरीकरण आणि देशभक्तीची प्रखर भावना या सर्वांनी मिळून हा कार्यक्रम अत्यंत स्मरणीय ठरला.
