मराठा आरक्षणामुळे ओबीसी अस्वस्थ

मोठी बातमी!

जरांगेंच्या आंदोलनानंतर छगन भुजबळ मैदानात

मुंबई : मराठा आरक्षणाचा मुद्दा दिवसेंदिवस पेटत चालला आहे.

मनोज जरांगे पाटील यांनी आझाद मैदानावर आमरण उपोषणाला सुरुवात

करताच राज्याच्या राजकारणात खळबळ उडाली आहे.

त्यांची ठाम मागणी म्हणजे सरसकट मराठा समाजाला ओबीसी प्रवर्गातूनच आरक्षण मिळावे.

या मागणीला अनेक आमदार-खासदारांनी उघड पाठिंबा दिला

असला तरी ओबीसी समाजात प्रचंड अस्वस्थता पसरली आहे.

राज्य सरकारने या प्रश्नावर तोडगा काढण्यासाठी

निवृत्त न्यायमूर्ती संदीप शिंदे यांच्या अध्यक्षतेखाली शिष्टमंडळ नेमले.

या मंडळाने जरांगे यांच्याशी चर्चा करण्याचा प्रयत्न केला, मात्र तो अपयशी ठरला.

“आरक्षण आम्हाला फक्त ओबीसीतूनच हवं,”

या मागणीवर जरांगे ठाम आहेत. यामुळे परिस्थिती अधिकच गुंतागुंतीची झाली आहे.

जरांगे यांचे आंदोलन तीव्र होत असतानाच पहिल्यांदाच

मंत्री छगन भुजबळ मैदानात उतरले आहेत.

ओबीसी समाजाचे प्रमुख नेते म्हणून ओळखले जाणारे भुजबळ

यांनी १ सप्टेंबर रोजी राज्यातील सर्व ओबीसी नेत्यांची मुंबईत तातडीची बैठक बोलावली आहे.

या बैठकीतून :

मनोज जरांगे यांनी मुंबईत आंदोलन सुरू केल्यानंतरच ओबीसी संघटना चांगल्याच हलल्या आहेत.

जरांगे यांच्या आंदोलनामुळे राज्यातील राजकीय समीकरणे बदलण्याची चिन्हे दिसत आहेत.

मराठा समाजाला ओबीसी आरक्षण दिल्यास इतर मागासवर्गीय समाजाचे हक्क धोक्यात येतील,

असा स्पष्ट इशारा ओबीसी नेत्यांनी दिला आहे.

दुसरीकडे, मराठा समाज आपली मागणी मागे घेण्याच्या मनःस्थितीत

नसल्याने संघर्ष अधिकच तीव्र होण्याची शक्यता आहे.

१ सप्टेंबर रोजी मुंबईत होणाऱ्या भुजबळांच्या बैठकीकडे राज्याचे राजकारण डोळे लावून बसले आहे.

ओबीसी नेत्यांनी सामूहिक आंदोलनाचा निर्णय घेतला तर राज्यभरात आंदोलनाची लाट उठू शकते.
जरांगे यांचे उपोषण सुरूच राहिल्याने सरकारवर दबाव वाढणार आहे.
आरक्षणाच्या या लढाईत ओबीसी विरुद्ध मराठा असा संघर्ष अधिक तीव्र होण्याची शक्यता आहे.