पालकमंत्री पदावरून महायुतीत नाराजीचे सावट; शिंदे-गोगावले कॅबिनेटला गैरहजर
पालकमंत्री पदावरून महायुतीत नाराजी?
शिंदे-गोगावले कॅबिनेट बैठकीला गैरहजर; ध्वजारोहण यादीवरून वादंग
मुंबई : राज्याच्या राजकारणात महायुती सरकारमध्ये पालकमंत्री पदांच्या वाटपावरून नाराजीचे वारे वाहू लागले आहेत.
Related News
मंत्रिमंडळ विस्तार करा : संजय शिरसाट
आरपीआयला विधानसभेच्या 12 जागा मिळाव्यात – रामदास आठवले
विधान परिषद; दोन अपक्षांसह एकूण 14 अर्ज..
तिकीट कापणं धक्कादायक आणि दुःखद-खासदार राजेंद्र गावित
स्वामी शांतिगिरी महाराजांच्या उमेदवारीबाबत आली मोठी अपडेट
नाशिक आणि रायगड जिल्ह्यांच्या पालकमंत्री पदांवरून शिंदे गटामध्ये नाराजी असल्याच्या चर्चांनी जोर धरला आहे.
विशेष म्हणजे, आज (मंगळवार) होणाऱ्या मंत्रिमंडळ बैठकीला उपमुख्यमंत्री एकनाथ शिंदे आणि आमदार भरत गोगावले दोघेही अनुपस्थित राहणार आहेत.
ध्वजारोहण यादीतून नाव वगळल्याने खदखद
आगामी स्वातंत्र्य दिनासाठी राज्यातील विविध जिल्ह्यांमध्ये ध्वजारोहण करणाऱ्या मंत्र्यांची यादी जाहीर करण्यात आली आहे.
या यादीनुसार, नाशिक येथे भाजप नेते गिरीश महाजन आणि रायगड येथे राष्ट्रवादी काँग्रेसच्या नेत्या अदिती तटकरे ध्वजारोहण करणार आहेत.
नाशिक जिल्ह्यासाठी शिंदे गटाचे दादा भुसे आणि रायगडसाठी भरत गोगावले यांचे नाव अपेक्षित होते. मात्र, यादीतून त्यांची नावे वगळण्यात आल्याने स्थानिक कार्यकर्त्यांमध्ये नाराजी पसरल्याची चर्चा आहे.
कॅबिनेट बैठकीला अनुपस्थिती
राजकीय वर्तुळात सुरू असलेल्या चर्चांदरम्यान, कॅबिनेट बैठकीतून शिंदे आणि गोगावले दोघांचीही गैरहजेरी लक्षवेधी ठरत आहे.
मुख्यमंत्री शिंदे हे श्रीनगर दौऱ्यावरून अद्याप मुंबईत न परतल्याने बैठकीला अनुपस्थित राहणार आहेत.
तर, भरत गोगावले यांनी “मी काही कामानिमित्त दिल्लीत आलो असून, त्यामुळे बैठकीला हजर राहू शकणार नाही.
आमच्यात नाराजी काहीही नाही, सर्व काही व्यवस्थित सुरू आहे,” असे स्पष्टीकरण दिले आहे.
चर्चांना पूर्णविराम की नव्या घडामोडी?
गोगावले यांनी नाराजीचे वृत्त फेटाळण्याचा प्रयत्न केला असला तरी, ध्वजारोहण यादीतील बदल आणि पालकमंत्रिपदांवरील
हालचालींमुळे महायुतीतील अंतर्गत समीकरणांवर प्रश्नचिन्ह उपस्थित झाले आहे.
आगामी काळात ही नाराजी मिटते की आणखी राजकीय नाट्य रंगते, याकडे सर्वांचे लक्ष लागले आहे.
Read also :https://ajinkyabharat.com/idea-pure-contributed-written-working-business-vadhel-business/
