कल्याण/ठाणे : कल्याण-डोंबिवली महापालिका क्षेत्रात एकनाथ शिंदे यांच्या नेतृत्वाखालील शिवसेनेने मोठा राजकीय डाव साधला आहे. महाराष्ट्र नवनिर्माण
सेनेला (मनसे) मोठं खिंडार पाडत शेकडो पदाधिकारी व कार्यकर्त्यांनी शिंदे गटात प्रवेश केला आहे. यामध्ये माजी नगरसेवक, नगरसेविका, पदाधिकारी यांचा
समावेश असून मनसेला मोठा झटका बसला आहे.
शिंदे गटात प्रवेश करणारे प्रमुख चेहरे
राजन मराठे – माजी नगरसेवक (मनसे, कल्याण-डोंबिवली)
ज्योति राजन मराठे – माजी नगरसेविका (मनसे, कल्याण-डोंबिवली)
किशोर कोशिमकर – मनसे उपशहराध्यक्ष
सुरज मराठे – मनसे विद्यार्थिसेना
रविंद्र बोबडे – मनसे विभाग सचिव
संजय तावडे – मनसे उपविभाग प्रमुख
केतन खानविलकर – मनसे शाखा अध्यक्ष
सुधीर थोरात – एकता मित्र मंडळ माजी अध्यक्ष
तसेच ठाणे महानगरपालिका क्षेत्रातील बाबाजी पाटील (माजी नगरसेवक, राष्ट्रवादी शरद पवार गट) यांच्यासह
अनेक कार्यकर्त्यांनी शिंदे गटात प्रवेश केला.
शिंदेंची प्रतिक्रिया
“विधानसभेप्रमाणेच स्थानिक स्वराज्य संस्थांच्या निवडणुकांमध्येही आम्हाला मोठं यश मिळेल. नगरसेवकांना विकास हवा असतो, आणि तो आम्ही करून
दाखवला आहे. कल्याण, ठाणे आणि MMR क्षेत्राच्या विकासासाठी आम्ही नेहमीच कटिबद्ध राहू,” असं मुख्यमंत्री एकनाथ शिंदे म्हणाले.
नगरविकास खात्यावर नाराजीबाबत विचारलं असता शिंदे म्हणाले –
“नगरविकास विभागासह महाराष्ट्रातील अनेक खाती देशात आघाडीवर आहेत. उद्योग, गुंतवणूक, स्टार्टअपमध्ये महाराष्ट्र नंबर एकला आहे. आम्ही कधीही
विकासात राजकारण केलं नाही; महाराष्ट्राचा सर्वांगीण विकास हाच आमचा अजेंडा आहे.”
Read also : https://ajinkyabharat.com/chinese-kurapati-suru-akikade-maitri-tar-magoon-bharatacha-motha-game/
