कामरगाव –पर्यावरणपूरक गणेशोत्सव साजरा करण्याचा संदेश देत जि.प. विद्यालय,
कामरगाव येथे इको क्लब व स्काऊट-गाईड विभागाच्या संयुक्त विद्यमाने
शाडू गणपती मूर्ती कार्यशाळा आयोजित करण्यात आली.
या कार्यशाळेत तब्बल १०० विद्यार्थ्यांनी उत्साहाने सहभाग नोंदवला.
कार्यशाळेचे आयोजन :
या उपक्रमात इको क्लबचे गोपाल खाडे व गाईड युनिटच्या दिपाली खोडके यांनी प्रमुख भूमिका बजावली.
विद्यालयाचे मुख्याध्यापक प्रा. सुरेश राठोड यांच्या मार्गदर्शनाखाली संपूर्ण कार्यशाळा पार पडली.
विशेष उपस्थिती :
केंद्रप्रमुख सै. कलीम सै. नसीर, विषयतज्ञ सचिन घुले व निरज खोरदडे
यांनी कार्यशाळेला भेट देऊन विद्यार्थ्यांच्या कलाकृतींचे कौतुक केले.
विद्यार्थ्यांचा उपक्रम :
विद्यार्थ्यांनी शाडू मातीपासून कल्पकतेने विविध रूपातील गणराय साकारले.
या उपक्रमातून त्यांच्यामध्ये “निसर्गाशी एकरूप राहूनही सण साजरा करता येतो” ही जाणीव रुजली.
प्लॅस्टर ऑफ पॅरिसमुळे होणारे पाणी प्रदूषण व
रासायनिक रंगांचे दुष्परिणाम टाळण्याचा संदेशही या कार्यशाळेतून देण्यात आला.
read also: https://ajinkyabharat.com/mangrupeer-polisanchi-dhadkebaz/
