समाजकारणात ठोस भूमिका मांडणारी आणि इतिहास जपण्याची धुरा वाहणारी संभाजी ब्रिगेडची भव्य सभा मेहकर येथे उत्साहात पार पडली. सभेचे अध्यक्षस्थान मराठा सेवा संघाचे रविंद्र चेके यांनी भूषविले. यावेळी नवीन जिल्हा कार्यकारिणी जाहीर करून संघटनेचा नवा कारभार सुरु होण्याची माहिती दिली.सभेत पत्रकारांचा शाल, श्रीफळ आणि पुष्पगुच्छ देऊन सन्मान करण्यात आला. समाजप्रबोधन आणि जनजागृतीमध्ये पत्रकारांची भूमिका महत्त्वाची असल्याचे मान्यवरांनी व्यक्त केले.कार्यक्रमाला रविंद्र चेके, जिल्हा सचिव सचिन तायडे आणि संभाजी ब्रिगेडचे जिल्हा सचिव योगेश पाटील प्रमुख उपस्थित होते. मान्यवरांच्या उपस्थितीमुळे कार्यक्रमाला विशेष उर्जा आणि बळ मिळाले.सभेच्या शेवटी आयोजित पत्रकार परिषदेत विविध सामाजिक, शैक्षणिक आणि ऐतिहासिक विषयांवर खुली चर्चा झाली. यावेळी जिल्हाध्यक्ष पांडुरंग पाटील यांनी स्पष्ट केले की, “संभाजी ब्रिगेड समाजाच्या प्रत्येक प्रश्नावर ठामपणे भूमिका घेईल. शैक्षणिक, सामाजिक, शेतकरी व कामगार चळवळींना वेग देत इतिहासाच्या जतनासाठी ठोस आंदोलन उभारले जाईल.”मेहकर तालुक्यातील शेकडो कार्यकर्त्यांच्या उपस्थितीत झालेल्या सभेमुळे संघटनेची ताकद आणि संघटनशक्ती अधोरेखित झाली. कार्यकर्त्यांनी या सभेमुळे संभाजी ब्रिगेडच्या पुढील वाटचालीस नवचैतन्य मिळाल्याचे समाधान व्यक्त केले.
