इराण-अमेरिका संघर्षामुळे जागतिक स्तरावर ऊर्जा संकट अधिक गंभीर होत चालले आहे. होर्मुज खाडीतील तणावामुळे कच्चे तेल आणि एलपीजी गॅसच्या वाहतुकीवर मोठा परिणाम झाला असून त्याचे पडसाद आता भारतातही उमटू लागले आहेत. देशात एलपीजी गॅसचा तुटवडा निर्माण होण्याची शक्यता व्यक्त केली जात असतानाच तेल कंपन्यांनी गॅस सिलेंडर संदर्भात अत्यंत महत्त्वाचे निर्णय घेतले आहेत. या निर्णयामुळे लाखो ग्राहकांना थेट आर्थिक फटका बसण्याची शक्यता आहे.
सरकारी नियमांनुसार आता ज्या ग्राहकांचे वार्षिक करपात्र उत्पन्न 10 लाख रुपये किंवा त्याहून अधिक आहे, त्या ग्राहकांना एलपीजी गॅसवरील सबसिडी मिळणार नाही. यामुळे अशा ग्राहकांना घरगुती सिलेंडर बाजारभावाने खरेदी करावे लागणार आहेत. तेल विपणन कंपन्यांनी देशभरातील उच्च उत्पन्न गटातील ग्राहकांची माहिती गोळा करण्यास सुरुवात केली असून त्यासाठी आयकर विभागाच्या डेटाबेसची मदत घेतली जात आहे.
विशेष म्हणजे, यापूर्वी अनेक उच्च उत्पन्न गटातील ग्राहक सबसिडीचा लाभ घेत असल्याचे समोर आले होते. त्यामुळे आता अशा ग्राहकांवर कारवाईचा बडगा उगारण्यात येत आहे. तेल कंपन्या संबंधित ग्राहकांना एसएमएस आणि ऑनलाइन लिंकद्वारे माहिती पाठवत आहेत. ग्राहकांची आर्थिक पात्रता तपासूनच पुढील सबसिडी दिली जाणार असल्याचे सांगितले जात आहे.
Related News
होर्मुज खाडीवरून तणाव शिगेला, जागतिक अर्थव्यवस्थेला धक्का बसण्याची शक्यता
Mumbai News: धारावीतील कामगारांचे पलायन, एलपीजी तुटवड्यामुळे वाढलेले संकट – लॉकडाऊनची भीती पुन्हा डोके वर काढतेय का?
मंगळवारी रात्री 8 वाजता हल्ल्याचा इशारा? ट्रम्प यांच्या धमकीने जगात खळबळ
Iran Hormuz Strait Crisis 2026 : धक्कादायक निर्णय! इराणने होर्मुज खाडीवर घेतला मोठा ऐतिहासिक निर्णय, जागतिक बाजारात खळबळ
व्यावसायिक सिलेंडर महागला! आता 2000+ रुपये
LPG Gas Shortage : बुकिंगची गरज नाही! ५ किलो ‘छोटू’ सिलिंडरने दिला दिलासा
LPG Crisis : PNG गॅस संपणार का?, पाइपलाइन गॅस कुठून येतो?, जाणून घ्या सविस्तर माहिती
भारतासाठी दिलासा ! इराणची मोठी घोषणा; 5 मित्र देशांना होर्मुज खाडी खुली
मोठी बातमी! LPG सिलिंडर 10 किलो होणार? सरकारचे स्पष्ट स्पष्टीकरण
इराण-इस्रायल युद्धात भारताची एन्ट्री; मोदींचा इराण राष्ट्रपतींना थेट कॉल
India Energy Crisis: इराणच्या ‘डेथ ट्रॅप’मध्ये भारताचे LPG, क्रूड आणि LNG अडकले ; सुटकेसाठी 1000 कोटींचा आराखडा
India Oil Tension : होर्मूझमध्ये 11 भारतीय जहाजे अडकली; इराण-यूएस संघर्षामुळे LPG व तेल पुरवठ्यावर मोठं संकट
याचबरोबर आणखी एक मोठा निर्णय घेण्यात आला आहे. मृत व्यक्तींच्या नावावर सुरू असलेले एलपीजी कनेक्शन आणि बनावट कनेक्शन शोधून त्यांच्यावर कारवाई सुरू झाली आहे. तेल कंपन्यांनी सुरू केलेल्या या विशेष मोहिमेमध्ये मृत ग्राहकांच्या कुटुंबीयांना कनेक्शन दुसऱ्या सदस्याच्या नावावर हस्तांतरित करण्याचा पर्याय दिला जात आहे. अन्यथा संबंधित कनेक्शन कायमचे बंद केले जाणार आहे.
सरकार आणि तेल कंपन्यांचा दावा आहे की, या मोहिमेमुळे एलपीजी सबसिडी व्यवस्थेत पारदर्शकता येईल आणि फक्त पात्र ग्राहकांनाच लाभ मिळेल. मात्र, दुसरीकडे सामान्य नागरिकांमध्ये भीतीचे वातावरण निर्माण झाले आहे. कारण देशात आधीच एलपीजी गॅसचा तुटवडा जाणवत असताना आता सबसिडी बंद झाल्यास घरगुती खर्चात मोठी वाढ होणार आहे.
विशेषतः मध्यमवर्गीय कुटुंबांवर याचा सर्वाधिक परिणाम होण्याची शक्यता व्यक्त केली जात आहे. गेल्या काही वर्षांत एलपीजी सिलेंडरच्या किंमतीत सातत्याने वाढ झाली आहे. त्यातच सबसिडीची रक्कम कमी होत गेल्याने सामान्य ग्राहक आधीच आर्थिक तणावात आहेत. आता नवीन नियमांमुळे अनेक कुटुंबांना पूर्ण बाजारभावाने सिलेंडर घ्यावा लागू शकतो.
दरम्यान, आंतरराष्ट्रीय परिस्थितीमुळे भारतातील ऊर्जा पुरवठ्यावर दबाव वाढत आहे. होर्मुज खाडीमार्गे मोठ्या प्रमाणात कच्चे तेल आणि एलपीजी आयात केली जाते. त्या मार्गावरील तणाव वाढल्यास पुरवठा साखळी विस्कळीत होऊ शकते. त्यामुळे येत्या काळात गॅस सिलेंडरच्या किंमतीत आणखी वाढ होण्याची शक्यता तज्ज्ञांकडून व्यक्त केली जात आहे.
तेल कंपन्यांनी ग्राहकांना वेळेत KYC आणि दस्तऐवज पडताळणी पूर्ण करण्याचे आवाहन केले आहे. तसेच बनावट आणि निष्क्रिय कनेक्शनविरोधातील मोहीम अधिक तीव्र करण्यात येणार असल्याचे संकेत देण्यात आले आहेत.या सर्व घडामोडींमुळे देशभरात एलपीजी ग्राहकांमध्ये संभ्रम आणि चिंता वाढली आहे. सरकारकडून अधिकृत स्पष्टीकरण आणि पुढील निर्णयांची प्रतीक्षा आता सर्वसामान्य नागरिक करत आहेत.
