पातूर : शहर पोलीस स्टेशन हद्दीतील आनंदानी पेट्रोल पंपासमोर पातूरकडून नागरतास येथे दर्शनासाठी वेगात जात असलेल्या क्रुझर वाहनाचा भीषण अपघात झाला. या घटनेत एक जण गंभीर असून सहा जखमी झाल्याची घटना घडली आहे.

        पातूर पासून दीड किलोमीटर अंतरावर असलेल्या आनंदानी पेट्रोल पंपासमोरील उडान पुलाखाली आज दि.7 ऑक्टोबर रोजी सकाळी 11 वाजताच्या सुमारास ही हृदय द्रावक घटना घडली.

भरधाव वेगात जात असलेल्या वाहन चालकाचे नियंत्रण सुटल्याने एम.एच. 29 एडी 5742 क्रमांकाची क्रुझर गाडीला दोन पलट्या झाल्याने जोरदार अपघात झाला.  या अपघातामध्ये गाडीतील प्रवासी बेबीबाई शेळके (वय 60) हे गंभीर जखमी असून सहप्रवासी असलेले प्रदीप महल्ले,प्रियंका शेळके (वय 27),सुनंदा शेळके (वय 52), ऊर्मिला राऊत(54),पार्थ शेळके (6),रेणुका शेळके(वय 44),मंदा शेळके(वय 65) सर्व राहणार सस्ती, ता.पातूर हे जखमी झाले आहेत.

         दरम्यान एन.एच.ए.आय व 108 या दोन रुग्णवाहिकेच्या मदतीने मदतीने सर्व जखमींना प्रथमोपचारासाठी प्राथमिक आरोग्य केंद्र पातूर येथे आणले. या अपघातात गंभीर असलेल्या जखमीस पुढील उपचारासाठी 108 रुग्णवाहिकेच्या डॉ.फैजान जहागीरदार यांनी सर्वोपचार रुग्णालय अकोला येथे हलविले आहे.