सय्यद मुश्ताक अली ट्रॉफी 2025 मधील मुंबई (बडोदा) विरुद्ध पंजाब सामन्यात मैदानावर एक अविस्मरणीय क्षण पाहायला मिळाला. झंझावाती फलंदाजीसाठी चर्चेत असलेला हार्दिक पांड्या यावेळी आपल्या खेळासोबतच एका खास कृतीमुळेही चाहत्यांच्या मनात घर करून गेला. थेट खेळपट्टीवर धाव घेतलेल्या चाहत्याबाबत हार्दिकने दाखवलेल्या सौजन्यामुळे हा प्रसंग सध्या सोशल मीडियावर व्हायरल ठरत आहे.
नाणेफेक जिंकून पंजाबने प्रथम फलंदाजी स्वीकारली. अभिषेक शर्माच्या तुफानी खेळीमुळे पंजाबने अवघ्या 20 षटकात 8 बाद 222 धावांचा डोंगर उभा केला. अभिषेकने केवळ 18 चेंडूत अर्धशतक झळकावत सामन्याला रंगत आणली. या डावात हार्दिक पांड्याचा गोलंदाजीतील स्पेल मात्र महागडा ठरला. चार षटकांत 52 धावा देत त्याने फक्त एकच गडी बाद केला.
मात्र दुसऱ्या डावात हार्दिकने आपल्या बॅटने सगळी कसूर भरून काढली. अवघ्या 42 चेंडूंमध्ये 7 चौकार आणि 4 षटकारांच्या जोरावर त्याने नाबाद 77 धावांची झंझावाती खेळी केली आणि बडोद्याला अवघ्या 19.1 षटकांत थरारक विजय मिळवून दिला.
Related News
युजवेंद्र चहल व्हायरल व्हिडिओ : धावत्या कारमधून पेटती सिगरेट फेकल्याचा दावा, चाहत्यांमध्ये संतापाची लाट
खो-खोला मिळालं ‘महिला नेतृत्व’, सुनेत्रा पवार यांची ऐतिहासिक निवड; महाराष्ट्र क्रीडाक्षेत्रात नवा अध्याय
IPL 2026: विराट कोहलीने घरच्या मैदानावर रोहित शर्माचा रेकॉर्ड मोडला
IPL 2026 Points Table : पंजाब किंग्सचा जलवा, सलग दुसऱ्या विजयाने टॉपवर कब्जा; CSK ची दयनीय स्थिती
IPL 2026 Points Table: हैदराबादचा फायदा, KKR ची मोठी घसरण
IPL 2026: ऋषभ पंत खरंच सलामीवीर आहे का?
IPL दरम्यान धक्कादायक घटना! BCCI च्या ब्रॉडकास्ट इंजिनिअरचा हॉटेलमध्ये संशयास्पद मृत्यू
Hardik Pandya : एका महिन्यात 3 लक्झरी कार! गर्लफ्रेंडला कोट्यवधींची भेट, सोशल मीडियावर चर्चेचा विषय
MI vs KKR: मुंबईने टॉस जिंकला, केकेआरला बॅटिंगसाठी भाग पाडलं
पैलवान सोनाली महाडिकचा भावनिक व्हिडिओ व्हायरल, कुस्ती सोडण्याचा निर्णय मागे, प्रायोजकांवर गंभीर आरोप
धुरंधर शेन वॉर्नचा मास्टरस्ट्रोक! 18 वर्षांपूर्वीच्या ‘त्या’ अटीमुळे कुटुंबावर 460 कोटींचा पाऊस
IND vs SA Women’s T20I 2026: 7 वर्षांची प्रतीक्षा संपणार? भारती फुलमाळीच्या कमबॅककडे सर्वांचे लक्ष
याच खेळीदरम्यान एक विचित्र पण मजेशीर घटना घडली. हार्दिक फलंदाजी करत असताना एक चाहता सुरक्षारक्षकांना चुकवून थेट मैदानात घुसला. उद्देश एकच – हार्दिकसोबत सेल्फी! त्याला पकडण्यासाठी पोलिसही खेळपट्टीपर्यंत धावले. पोलिसांनी चाहत्याला ताब्यात घेत बाहेर नेत असतानाही तो सतत सेल्फीसाठी आग्रह धरत होता.
तेव्हा हार्दिकने आपल्या चाहत्याला थांबवलं, पोलिसांना विनंती केली आणि स्वतः पुढे येत चाहत्यासोबत सेल्फी काढून घेतला. हा क्षण पाहून मैदानात उपस्थित चाहत्यांनी जोरदार टाळ्यांच्या गजरात हार्दिकच्या कृतीचं स्वागत केलं. हा संपूर्ण किस्सा कॅमेऱ्यात कैद झाला असून त्याचा व्हिडीओ सध्या सोशल मीडियावर वेगाने व्हायरल होत आहे.
या सामन्यातील दमदार कामगिरीमुळे हार्दिक पांड्याला ‘सामनावीर’ पुरस्काराने गौरवण्यात आलं. दक्षिण आफ्रिकेविरुद्धच्या आगामी टी-20 मालिकेआधी त्याची ही खेळी भारतीय चाहत्यांसाठी उत्साहवर्धक ठरली आहे. बीसीसीआयच्या ‘सेंटर ऑफ एक्सलन्स’कडून त्याला नुकतीच गोलंदाजीसाठी परवानगी मिळाली असली, तरी अद्याप पूर्ण लय मिळवण्यासाठी त्याला वेळ लागणार असल्याचं तज्ज्ञांचं मत आहे.
हवी असलेली झंझावाती कामगिरी आणि चाहत्यांप्रती दाखवलेली आपुलकी – या दोन्ही गोष्टींमुळे हार्दिक पांड्या पुन्हा एकदा चर्चेच्या केंद्रस्थानी आहे.
