देशातील एलपीजी गॅस वापरकर्त्यांसाठी महिन्याच्या सुरुवातीलाच मोठी अपडेट समोर आली आहे.
तेल विपणन कंपन्यांनी 19 किलोच्या कमर्शियल एलपीजी सिलेंडरच्या दरात तब्बल ₹33.50 ची कपात केली असून,
ही नवी किंमत 1 ऑगस्ट 2025 पासून लागू झाली आहे. मात्र, घरगुती वापरासाठी असणाऱ्या 14.2 किलोच्या एलपीजी
सिलेंडरच्या किमतीत मात्र कोणताही बदल करण्यात आलेला नाही, त्यामुळे सर्वसामान्य ग्राहकांना याचा थेट फायदा मिळणार नाही.
किंमतीत कपात का?
देशांतर्गत टॅरिफवरील तणाव आणि आंतरराष्ट्रीय बाजारातील स्थितीचा परिणाम म्हणून तेल
कंपन्यांनी ही किंमत कपात केली आहे. 31 जुलैच्या रात्री उशिरा ही घोषणा करण्यात आली आणि त्यानंतर लगेच 1 ऑगस्टपासून
ती अंमलातही आणली गेली. व्यावसायिक सिलेंडरचा वापर प्रामुख्याने हॉटेल्स, रेस्टॉरंट्स, कॅफे,
आणि लघुउद्योगांमध्ये मोठ्या प्रमाणावर होतो. त्यामुळे या क्षेत्रांना थोडा दिलासा मिळेल.
कुठल्या शहरात किती झाली कपात?
इंडियन ऑयल कॉर्पोरेशन लिमिटेड (IOCL) च्या वेबसाईटनुसार,
किंमती कपातीनंतर विविध शहरांमधील कमर्शियल सिलेंडरचे दर खालील प्रमाणे झाले आहेत:
दिल्ली : ₹1,665- ₹1,631.50
कोलकाता : ₹1,769- ₹1,735.50
मुंबई : ₹1,616.50- ₹1,583
चेन्नई : ₹1,823.50- ₹1,790
सामान्य ग्राहकांना फटका
या दर कपातीचा फायदा फक्त व्यावसायिक वापरकर्त्यांनाच मिळणार असल्यामुळे घरगुती ग्राहक मात्र नाराज आहेत.
सध्या देशातील विविध राज्यांमध्ये घरगुती एलपीजी सिलेंडर ₹900 ते ₹1100 या दरम्यान विकला जात आहे.
त्यामध्ये गेल्या काही महिन्यांपासून कोणताही मोठा दिलासा मिळालेला नाही.
या निर्णयामुळे लघुउद्योगांना थोडा श्वास घेता येणार असला तरी सामान्य गृहिणींना मात्र अपेक्षित दिलासा मिळालेला नाही.
तेल कंपन्या केवळ व्यावसायिक सिलेंडरच्या किमतीत कपात करत आहेत, तर घरगुती वापरकर्त्यांबाबत अजूनही निर्णयाची प्रतीक्षा आहे.
सरकारने यावर लक्ष देऊन सर्वसामान्यांनाही काहीसा दिलासा द्यावा, अशी अपेक्षा व्यक्त होत आहे.
Read Also :https://ajinkyabharat.com/railway-sthankawar-zagal-manvi-anti-trafficking-day/
