भारतीय क्रिकेटच्या चाहत्यांसाठी गौतम गंभीर आणि महेंद्रसिंह धोनीचे नाव नेहमीच चर्चेत राहते. गेल्या वर्षी भारतीय टीमने गंभीरच्या मार्गदर्शनाखाली चॅम्पियन्स ट्रॉफी जिंकली आणि आता 2026 चा टी20 वर्ल्ड कपही जिंकून टीमने आपले वर्चस्व सिद्ध केले आहे. गंभीरच्या नेतृत्वाखाली भारतीय संघाने आयसीसी बाद फेरीतील कोणताही सामना गमावलेला नाही, जे त्यांच्या कारकिर्दीतील एक महत्वाचा विक्रम मानला जातो.
सध्या आंतरराष्ट्रीय सामन्यांपासून ब्रेक घेतला असल्यामुळे गंभीर कोलकात्यात एका कार्यक्रमासाठी आले होते. त्या कार्यक्रमात त्यांनी महेंद्रसिंह धोनीबद्दल मनातील काही गोष्टी उघड केल्या. सोशल मीडियावर गंभीरच्या हसण्यावर धोनीने प्रतिक्रिया दिली होती, जी आता चर्चेत आहे. वर्ल्ड कप जिंकल्यानंतर धोनीने टीमचं अभिनंदन करताना हसत म्हटलं होतं की ट्रॉफी जिंकल्यानंतर गंभीरच्या चेहऱ्यावर थोडं हसू पाहून त्यांना खूप आनंद झाला.
गंभीरने अहमदाबादमधील नरेंद्र मोदी स्टेडियमवर फायनल मॅच पाहायला आलेल्या धोनीचे आभार मानले. त्यांनी धोनीने हसण्यासाठी प्रोत्साहन दिल्याबद्दल कौतुक व्यक्त केले आणि यावेळी एक मोठं विधानही केलं. गंभीर म्हणाले, “धोनीने फायनल पाहायला येणं आणि मला हसायला सांगणं खूप चांगलं होतं. पण मला मनापासून असं वाटतं की, एक दिवस धोनीने माझ्या जागी भारतीय टीमचा हेड कोच म्हणून काम करावं. ज्या दिवशी धोनी डगआऊटमध्ये कोच म्हणून बसेल, त्या दिवशी मी त्याच्यासाठी काहीतरी लिहेन आणि तो हसताना मला दिसेल याची इच्छा आहे.”
Related News
Arjun Tendulkar वर लागणार बोली! 5 लाख बेस प्राईसने लिलावात एन्ट्री
‘ऐतिहासिक’ निर्णय! मणिपूरसह 5 राज्यांत क्रिकेट क्रांती, BCCI चा मोठा मास्टरस्ट्रोक
वानखेडेवर नाट्य! RCB च्या कृतीवर गावस्करांची कडक प्रतिक्रिया
IPL 2026: विराट कोहलीने घरच्या मैदानावर रोहित शर्माचा रेकॉर्ड मोडला
RCB vs CSK Live Score Updates: सुपर संडेचा थरार चिन्नास्वामीमध्ये
IPL 2026: ऋषभ पंत खरंच सलामीवीर आहे का?
PSL 2026: ऑस्ट्रेलियाचा एडम झॅम्पा आयपीएल ऐवजी पीएसएलची निवड, कारण काय?
IPL 2026 : नाणेफेकीचा कौल पंजाबकडं, श्रेयस अय्यरने प्रथम गोलंदाजीची निवड
IPL 2026 : मोहम्मद शमीची निवृत्ती आणि टी20 गोलंदाजीवर स्पष्ट भूमिका
RR vs CSK : 15 वर्षांच्या वैभवचा तडाखा! 15 चेंडूत अर्धशतक, चेन्नईचे गोलंदाज हैराण
MI vs KKR: मुंबईने टॉस जिंकला, केकेआरला बॅटिंगसाठी भाग पाडलं
गंभीरच्या या विधानामुळे भारतीय क्रिकेटविश्वात चर्चेला उधाण आलं आहे. धोनी भविष्यात टीमचा हेड कोच होणार का, याबाबत चाहत्यांमध्ये उत्सुकता आहे. दोघांच्या मैत्रीपूर्ण आणि आदरयुक्त संवादामुळे क्रिकेट चाहत्यांसाठी ही बातमी अधिकच रोमांचक ठरली आहे.
