Delhi Metro : मोठी बातमी! दिल्लीतील 16 मेट्रो स्टेशन बंद; पुढील आदेशापर्यंत प्रवेश-एक्झिटला ब्रेक, सुरक्षा व्यवस्था कडक
Delhi Metro News : राजधानी दिल्लीमध्ये सुरू असलेल्या कॉकरोच जनता पार्टीच्या आंदोलनाच्या पार्श्वभूमीवर सुरक्षा व्यवस्थेचा मोठा निर्णय घेण्यात आला आहे. Delhi Metroरेल कॉर्पोरेशन अर्थात DMRC कडून दिल्लीतील तब्बल 16 मेट्रो स्थानके पुढील आदेश मिळेपर्यंत बंद ठेवण्यात आली आहेत. या स्थानकांवर प्रवाशांना प्रवेश किंवा बाहेर पडता येणार नाही. आंदोलनाच्या पार्श्वभूमीवर कोणतीही अनुचित घटना घडू नये आणि प्रवाशांच्या सुरक्षिततेला धोका निर्माण होऊ नये, यासाठी हा निर्णय घेण्यात आल्याचे सांगितले जात आहे.
दिल्लीतील जंतर-मंतर परिसरात कॉकरोच जनता पार्टीकडून आंदोलन सुरू आहे. या आंदोलनाची तीव्रता वाढत असल्याने दिल्ली पोलिसांकडून मोठ्या प्रमाणावर सुरक्षा व्यवस्था तैनात करण्यात आली आहे. आंदोलनकर्त्यांकडून संसद परिसराच्या दिशेने मोर्चा काढण्याचा प्रयत्न होण्याची शक्यता लक्षात घेऊन दिल्लीतील महत्त्वाच्या भागांमध्ये पोलिसांचा बंदोबस्त वाढवण्यात आला आहे. याच पार्श्वभूमीवर दिल्ली मेट्रोच्या 16 स्थानकांवर प्रवाशांसाठी प्रवेश आणि बाहेर पडण्याची सुविधा बंद करण्यात आली आहे.
Delhi Metro रेल कॉर्पोरेशनने सोशल मीडिया प्लॅटफॉर्मवरून याबाबत माहिती दिली. सुरक्षा कारणास्तव काही मेट्रो स्थानके पुढील निर्देश मिळेपर्यंत बंद राहणार असल्याचे DMRC कडून स्पष्ट करण्यात आले आहे. या निर्णयामुळे दिल्ली मेट्रोने प्रवास करणाऱ्या लाखो प्रवाशांना काही प्रमाणात अडचणींचा सामना करावा लागू शकतो.
Related News
Manoj Jarange Patil : ‘जंतर-मंतर सोडू नका, वेळ पडली तर मराठा बांधव दिल्लीत येणार’; मनोज जरांगेंची मोठी घोषणा
मोठी बातमी! ठाकरेंच्या 6 बंडखोर खासदारांना सुप्रीम कोर्टाचा झटका; थेट नोटीस, दोन आठवड्यांत उत्तर द्या!
NEET पेपरफुटीवर कतरिना गप्प का? नाराज चाहत्यांनी कतरिनाला अनफॉलो करण्याचा घेतला निर्णय
मोठी बातमी! विद्यार्थ्यांवर बॅलेट गनचा वापर झाल्याचा आरोप; दिल्ली पोलिसांनी दिलं धक्कादायक स्पष्टीकरण
Farmer Loan Waiver : शेतकऱ्यांची प्रतीक्षा संपली! आज दुपारी 3 वाजता कर्जमाफीची पहिली यादी जाहीर
सर्वात मोठी बातमी! शरद पवारांची पंतप्रधान मोदींसोबत भेट; विद्यार्थी आंदोलनावर झाली मोठी चर्चा?
धर्मेंद्र प्रधानांचा राजीनामा मोदी सरकार का घेत नाही? समोर आली ‘ही’ 5 मोठी कारणं!
मुसळधार पावसाचा Mumbai ला मोठा फायदा; विहार आणि तुळशी तलाव 100 टक्के भरले
Naseeruddin Shah : ‘अज्ञानी व्यक्ती देशाचं नेतृत्व करत असेल तर…’; नसीरुद्दीन शाह यांचा मोदींवर घणाघात
मात्र, प्रवाशांची गैरसोय पूर्णपणे वाढू नये यासाठी तीन महत्त्वाच्या इंटरचेंज स्थानकांवर मेट्रो लाइन बदलण्याची सुविधा सुरू ठेवण्यात आली आहे. राजीव चौक, मंडी हाऊस आणि केंद्रीय सचिवालय या तीन स्थानकांवर प्रवाशांना एका मेट्रो मार्गावरून दुसऱ्या मार्गावर जाण्याची सुविधा उपलब्ध राहणार आहे. मात्र, या स्थानकांवरही सामान्य प्रवाशांसाठी प्रवेश आणि बाहेर पडण्याची सुविधा बंद असू शकते. त्यामुळे प्रवाशांनी प्रवास करण्यापूर्वी मेट्रो सेवेबाबतची ताजी माहिती तपासणे आवश्यक ठरणार आहे.
Delhi Metro : कोणती 16 मेट्रो स्थानके बंद?
DMRC कडून बंद करण्यात आलेल्या स्थानकांमध्ये दिल्लीच्या मध्यवर्ती भागातील अनेक महत्त्वाची स्थानके आहेत. त्यामध्ये लोक कल्याण मार्ग, राजीव चौक, पटेल चौक, रामकृष्ण आश्रम मार्ग, बाराखंभा रोड, सुप्रीम कोर्ट, सेवा तीर्थ, जनपथ, मंडी हाऊस, केंद्रीय सचिवालय, आयटीओ, दिल्ली गेट, इंद्रप्रस्थ, खान मार्केट, जोर बाग आणि शिवाजी स्टेडियम या स्थानकांचा समावेश आहे.
या सर्व स्थानकांवर प्रवाशांना प्रवेश करता येणार नाही तसेच बाहेरही पडता येणार नाही. त्यामुळे या भागात ये-जा करणाऱ्या प्रवाशांना पर्यायी मार्गांचा वापर करावा लागू शकतो. विशेषतः दिल्लीच्या मध्यवर्ती भागात कामानिमित्त किंवा इतर कारणांसाठी येणाऱ्या नागरिकांनी मेट्रो प्रवासाचे नियोजन करताना काळजी घेण्याचे आवाहन करण्यात येत आहे.
राजीव चौक, मंडी हाऊस आणि केंद्रीय सचिवालयात इंटरचेंज सुविधा सुरू
Delhi Metro स्थानके बंद असली तरी प्रवाशांच्या सोयीसाठी राजीव चौक, मंडी हाऊस आणि केंद्रीय सचिवालय या तीन इंटरचेंज स्थानकांवर मेट्रो लाइन बदलण्याची सुविधा सुरू ठेवण्यात आली आहे. त्यामुळे ज्या प्रवाशांना एका मार्गावरून दुसऱ्या मार्गावर जायचे आहे, त्यांना या स्थानकांवरून इंटरचेंज करता येणार आहे.
मात्र, या स्थानकांवरून बाहेर पडणे किंवा स्थानकात प्रवेश करणे शक्य नसल्याने प्रवाशांनी ही बाब लक्षात घेणे गरजेचे आहे. मेट्रोच्या प्रवासासाठी एखाद्या स्टेशनवर उतरून रस्त्याने पुढील प्रवास करण्याचा विचार करणाऱ्या प्रवाशांना पर्यायी स्थानकांचा वापर करावा लागू शकतो.
यापूर्वीही बंद करण्यात आली होती मेट्रो स्थानके
कॉकरोच जनता पार्टीच्या आंदोलनामुळे दिल्ली मेट्रो सेवा प्रभावित होण्याची ही पहिलीच वेळ नाही. यापूर्वी 20 आणि 21 जुलै रोजीही आंदोलनकर्त्यांनी संसद भवनाच्या दिशेने मोर्चा काढण्याचा प्रयत्न केल्यानंतर दिल्ली मेट्रोच्या अनेक स्थानकांवर प्रवेश आणि बाहेर पडण्याची सुविधा बंद करण्यात आली होती.
त्यानंतर परिस्थिती नियंत्रणात आल्यानंतर आणि सुरक्षा व्यवस्थेचा आढावा घेतल्यानंतर मेट्रो स्थानके पुन्हा प्रवाशांसाठी खुली करण्यात आली होती. मात्र, आंदोलन पुन्हा तीव्र झाल्याच्या पार्श्वभूमीवर आता 16 स्थानके पुढील आदेशापर्यंत बंद ठेवण्याचा निर्णय घेण्यात आला आहे.
दिल्लीमध्ये सुरक्षा व्यवस्था कडक
दरम्यान, आंदोलनाच्या पार्श्वभूमीवर दिल्ली पोलिसांकडून राजधानीतील महत्त्वाच्या ठिकाणी सुरक्षा व्यवस्था वाढवण्यात आली आहे. जंतर-मंतर, संसद परिसर आणि त्याच्या आसपासच्या भागात मोठ्या प्रमाणावर सुरक्षा कर्मचारी तैनात करण्यात आले आहेत. आंदोलनकर्त्यांची वाढती संख्या आणि संसदेकडे मोर्चा काढण्याच्या शक्यतेमुळे प्रशासनाकडून विशेष खबरदारी घेतली जात आहे.
मेट्रो स्थानके बंद करण्याचा निर्णय हा प्रवाशांच्या सुरक्षिततेच्या दृष्टीने घेण्यात आल्याचे सांगितले जात आहे. परिस्थितीचा आढावा घेतल्यानंतर पुढील निर्णय घेतला जाणार आहे. त्यामुळे ही स्थानके नेमकी किती काळ बंद राहतील, याबाबत सध्या स्पष्ट माहिती देण्यात आलेली नाही.
या निर्णयामुळे Delhi Metro च्या प्रवाशांना मोठा फटका बसण्याची शक्यता आहे. विशेषतः मध्य दिल्लीतील कार्यालये, सरकारी संस्था आणि महत्त्वाच्या भागात जाणाऱ्या नागरिकांना पर्यायी वाहतुकीचा आधार घ्यावा लागू शकतो. त्यामुळे प्रवाशांनी दिल्ली मेट्रोच्या अधिकृत सूचनांकडे लक्ष ठेवावे आणि प्रवास करण्यापूर्वी संबंधित मेट्रो स्थानकाची स्थिती तपासावी, असे आवाहन करण्यात येत आहे.
आंदोलनाची परिस्थिती आणि सुरक्षा व्यवस्थेचा आढावा घेतल्यानंतर बंद करण्यात आलेली 16 मेट्रो स्थानके पुन्हा कधी सुरू केली जातात, याकडे आता दिल्लीकरांचे लक्ष लागले आहे
