मराठी चित्रपटसृष्टीतील लोकप्रिय अभिनेते, दिग्दर्शक आणि निर्माते महेश मांजरेकर यांच्या पहिल्या पत्नी दीपा मेहता यांचे निधन झाले आहे. प्रसिद्ध कॉस्च्युम डिझायनर असलेल्या दीपांनी २५ सप्टेंबर रोजी अखेरचा श्वास घेतला. त्यांच्या निधनाचे कारण अद्याप स्पष्ट झालेले नाही. दीपा यांच्या निधनानंतर मराठी चित्रपटसृष्टीत हळहळ व्यक्त केली जात आहे. दीपा आणि महेश मांजरेकर यांचा मुलगा सत्या मांजरेकर यांनी आपल्या सोशल मीडिया अकाऊंटवरून आईच्या निधनाची माहिती दिली आहे. त्याने आईचा जुना फोटो शेअर करत “मिस यू मम्मा” अशी भावनिक पोस्ट लिहिली आहे.
दुसऱ्या पोस्टमध्ये सत्याने म्हटले आहे – “ती माझ्यासाठी आईपेक्षाही जास्त होती… ती माझ्यासाठी एक प्रेरणा होती. तिची शक्ती, धैर्य इतर मुलींसाठी कायम प्रेरणादायी ठरेल.” दीपा मेहता यांच्या निधनानंतर अनेक कलाकार, सहकारी आणि चाहत्यांनी श्रद्धांजली व्यक्त केली आहे.
महेश आणि दीपा यांचा प्रवास:महेश मांजरेकर आणि दीपा मेहता यांचे १९८७ मध्ये लग्न झाले होते. कॉलेजपासूनच दोघांची ओळख होती आणि त्यातूनच लग्नाचा निर्णय झाला.
त्यांना दोन मुले आहेत – सत्या मांजरेकर आणि अश्वमी मांजरेकर. परंतु काही वर्षांनंतर या दोघांचा घटस्फोट झाला. त्यानंतर महेश मांजरेकर यांनी मेधा मांजरेकर यांच्याशी लग्न केले. त्यांना सई मांजरेकर ही मुलगी आहे. दीपा मेहता यांनी आपल्या कारकिर्दीत अनेक चित्रपटांसाठी कॉस्च्युम डिझायनर म्हणून काम केले. त्यांच्या निधनाने चित्रपटसृष्टीने एक संवेदनशील, कलावंत व्यक्तिमत्त्व गमावले आहे
दीपा मेहता यांच्या आत्म्याला शांती लाभो, हीच ईश्वरचरणी प्रार्थना.
read also:https://ajinkyabharat.com/chaysagavat-purnah-serious/
