बाळापूर शहरातील ताप्र पोलीस स्टेशनलगत असलेल्या भिकुंड नदीपात्रात रविवारी सकाळी एक पुरुषाचा मृतदेह आढळून आल्याने परिसरात एकच खळबळ उडाली. नागरिकांनी ही घटना लक्षात येताच तात्काळ पोलिसांना कळविले.
घटनेची माहिती मिळताच बाळापूर पोलीस स्टेशनचे ठाणेदार व कर्मचारी घटनास्थळी दाखल झाले. त्यांनी पंचनामा करून मृतदेह नदीपात्रातून बाहेर काढला. याप्रकरणी मर्ग क्रमांक 69/25 अंतर्गत कलम 194 बी.एन.एन.एस. अन्वये नोंद करण्यात आली असून, पुढील तपास पोहवा गवळी मेजर (ब.नं. 394) यांच्याकडे आहे.
मृत व्यक्तीची ओळख मुशरिफ अहमद गुलाम अहमद (वय 39, रा. बडा मोमीनपुरा, बाळापूर, जि. अकोला) अशी झाली आहे. फिर्यादी अन्सारी अनिक अहमद रफी (वय 46, रा. बडा मोमीनपुरा, बाळापूर) यांनी दिलेल्या माहितीनुसार, मृतक हा त्यांचा चुलत भाऊ असून तो गेल्या 8 नोव्हेंबर रोजी घरातून काहीही न सांगता निघून गेला होता. त्यानंतर त्याच्या नातेवाईकांनी शोध घेतला पण तो मिळून आला नव्हता. याबाबत पोलीस ठाण्यात मिसिंग नोंद (क्रमांक 65/25) करण्यात आली होती.
Related News
विजेच्या ताराला स्पर्श झाल्याने वीज कामगाराचा मृत्यू, हातोला येथील घटना
NEET पेपरफुटी प्रकरणात मोठा ट्विस्ट: अकोल्यात मनसेचे आक्रमक आंदोलन, मोटेगावकर क्लासेससमोर तणावपूर्ण वातावरण | संपूर्ण माहिती 2026
4 दिवसांत 200 व्यवहार, 52 कोटींची रोकड आणि विदेशात पलायनाचा कट!अशोक खरातच्या अडचणी वाढल्या
प्रादेशिक वन विभागाच्या जंगलातील दुहेरी मृत्यूचे गूढ अखेर उलगडले.
बारावीत 44 टक्के गुण मिळाल्याने 17 वर्षीय विद्यार्थ्याची आत्महत्या; उमरखेड हादरले
“Warning! 22 वर्षांच्या तरुणाचा दुर्दैवी अंत – कौटुंबिक वाद ठरला जीवघेणा”
आज (दि. 9 नोव्हेंबर) सकाळी सुमारे 11 वाजताच्या सुमारास चार्जर हॉटेलजवळील भिकुंड नदीपात्रात एक मृतदेह दिसून आला. फिर्यादींनी मृतदेहाची ओळख मुशरिफ अहमद अशी पटवून दिली. प्राथमिक तपासात तो पाण्यात बुडून मृत्यू झाल्याचे दिसून आले आहे.
फिर्यादींच्या म्हणण्यानुसार, मृतक डोक्याने अस्वस्थ होता व त्याने स्वतःहून पाण्यात उडी मारून आत्महत्या केली असावी, असा अंदाज व्यक्त करण्यात आला आहे. पोलिसांनी घटनास्थळाचा पंचनामा करून मृतदेह उत्तरीय तपासणीसाठी रवाना केला असून, पुढील तपास सुरु आहे.
