अकोला – हरितक्रांतीचे प्रणेते आणि ज्येष्ठ कृषी शास्त्रज्ञ भारतरत्न डॉ.एम.एस.स्वामीनाथन

यांच्या जन्मशताब्दी जयंतीनिमित्त त्यांचा जन्मदिन ७ ऑगस्ट हा राज्य शासनाच्या निर्णयानुसार ‘शाश्वत शेती दिन’ म्हणून साजरा करण्यात आला.

डॉ. पंजाबराव देशमुख कृषी विद्यापीठ, अकोला तर्फे राज्य शासनाच्या कृषी विभाग व प्रकल्प संचालक आत्मा यांच्या संयुक्त विद्यमाने हा कार्यक्रम कृषी महाविद्यालय,

अकोला येथील स्व.के.आर.ठाकरे सभागृहात आयोजित करण्यात आला.

कार्यक्रमाच्या अध्यक्षस्थानावरून बोलताना विद्यापीठाचे कुलगुरू डॉ.शरद गडाख यांनी सांगितले की,

कधीकाळी अन्नधान्यासाठी परावलंबी असलेल्या भारताने डॉ.स्वामीनाथन यांच्या गहू व तांदूळ

पिकांच्या उत्पादकतेवरील संशोधनामुळे स्वयंपूर्णता मिळवली.

आज कृषी वैज्ञानिकांच्या सततच्या संशोधनामुळे १४२ कोटी लोकसंख्येस पुरेसे सकस अन्नधान्य

उपलब्ध करून देत निर्यातही शक्य झाली आहे,हे त्यांच्या कार्याचे मोलाचे फळ आहे.

डॉ. गडाख यांनी शेतकरी बांधवांना आवाहन केले की,विद्यापीठाच्या काळानुरूप व फायदेशीर व्यावसायिक शेती तंत्रज्ञानाचा अवलंब करावा.

पिकवाण,तंत्रज्ञान शिफारसी,आधुनिक यंत्र-अवजारे,बियाणे व अन्य कृषी निविष्ठांचा प्रभावी वापर करून उत्पादन खर्चात बचत

उत्पादकता वाढ आणि विपणन प्रक्रियेपर्यंतची ‘कृषी प्रक्रिया साखळी’ या चतुसूत्रीचा अवलंब केल्यास खरी शाश्वत शेती व आर्थिक संपन्न ग्रामविकास साध्य होऊ शकतो.

या कार्यक्रमाला शेतकरी,अधिकारी,विद्यार्थी व नागरिक मोठ्या संख्येने उपस्थित होते.