भागवत धर्मप्रचारक व वारकरी साहित्य परिषद माजी अध्यक्ष गणेश गीरी महाराज यांचे अल्पशा आजाराने निधन
हिरपूर –सोनोरी (बपोरी) येथील प्रख्यात भागवताचार्य तसेच वारकरी साहित्य परिषद, मुर्तीजापूर तालुका माजी अध्यक्ष गणेश गीरी महाराज (वय ७४) यांचे दिनांक ७ सप्टेंबर २०२५ रोजी अल्पशा आजाराने निधन झाले.
त्यांच्या निधनाने वारकरी संप्रदायात व भागवत समाजात हळहळ व्यक्त होत असून, त्यांच्या सेवाभाव व धर्मप्रचार कार्याला मान्यवरांनी श्रद्धांजली वाहिली आहे.
गणेश गीरी महाराज यांनी संपूर्ण आयुष्य भागवत धर्माचा प्रसार, कीर्तन, प्रवचन, तीर्थक्षेत्र दर्शन व चातुर्मासातील ग्रंथ वाचनाद्वारे केला. त्यांच्या जीवनात वारकरी परंपरेचा अखंड प्रचार व भक्तीच्या मार्गदर्शनासाठी अपार योगदान राहिले.
त्यांच्या पश्चात पत्नी, एक मुलगा, दोन मुली आणि मोठा परिवार आहे.
पार्थिवावर सोनोरी येथे भाविक व चाहत्यांच्या मोठ्या उपस्थितीत अंत्यसंस्कार करण्यात आले.
या कार्यक्रमात प्रमुख उपस्थिती :
आमदार हरीशभाऊ पिंपळे
वारकरी साहित्य परिषद जिल्हा अध्यक्ष शिवशंकर पाटील
तालुका अध्यक्ष अजाबराव महाराज वहिले
उपाध्यक्ष पुरुषोत्तम महाराज बोळे
सुभाष राऊत, गोपाल काळे, बुरघाटे सर, गजानन वैद्य
माजी सभापती बबनराव डाबेराव आदी मान्यवर उपस्थित होते.
ह.भ.प. विष्णुपंत खरड यांच्या मार्गदर्शनाखाली निघालेल्या दिंडीतूनही गीरी महाराजांना श्रद्धांजली अर्पण करण्यात आली.
दरम्यान, दिनांक ६ सप्टेंबर रोजी बापूराव महाराज पुण्यतिथीच्या प्रसंगी त्यांच्या पट्टशिष्य व दिंडी चालक माधव भाकरे यांचा सत्कारही करण्यात आला होता.
वारकरी परंपरेच्या उज्ज्वल भविष्याला वाटचाल करत असलेल्या भागवताचार्य गणेश गीरी महाराजांच्या योगदानाची सदैव आठवण राहील. त्यांच्या निधनामुळे संप्रदायात व समाजात मोठी अपूर्णता जाणवली आहे.
read also :https://ajinkyabharat.com/gajanan-pohankar-yancha-sanman/
