Beed Crime News: वाढदिवसाच्या पार्टीतील वादातून पत्रकाराच्या मुलाचा खून 

बीड : बीड शहरात गुरुवारी रात्री घडलेल्या एका धक्कादायक घटनेने शहर हादरले आहे. स्थानिक पत्रकार देवेंद्र ढाका यांचा मुलगा यश ढाका (वय 22) याची धारदार शस्त्राने हत्या करण्यात आली. वाढदिवसाच्या पार्टीदरम्यान झालेल्या वादातून वैर निर्माण झाले होते आणि त्यातूनच या खुनाची पार्श्वभूमी तयार झाल्याचं समोर आलं आहे.:मिळालेल्या माहितीनुसार, माने कॉम्प्लेक्स परिसरात रात्री साडेआठच्या सुमारास यशवर त्याचाच मित्र सूरज काटे याने चाकूने वार केले. यशच्या छातीत दोन वार आरपार गेल्याने तो जागीच रक्तबंबाळ झाला. त्याला तातडीने जिल्हा रुग्णालयात नेण्यात आलं; मात्र डॉक्टरांनी त्याला मृत घोषित केलं.

महिनाभरापूर्वी झालेल्या वादातून वैर वाढलं
यश आणि सूरज यांच्यात साधारण महिनाभरापूर्वी वाढदिवसाच्या पार्टीदरम्यान वाद झाला होता. त्यातूनच वैर निर्माण झालं. गुरुवारी रात्री दोघांमध्ये पुन्हा भांडण झालं आणि रागाच्या भरात सूरजने धारदार चाकूने यशच्या छातीत वार केला.

पत्रकार पुत्रावर हल्ला; बीड शहरात खळबळ
यश ढाका हा स्थानिक पत्रकार देवेंद्र ढाका यांचा मुलगा असून तो अभियांत्रिकीचं शिक्षण घेत होता. वर्दळीच्या ठिकाणी झालेल्या या हत्येने शहरात खळबळ उडाली आहे. कायदा आणि सुव्यवस्थेचा प्रश्न पुन्हा एकदा ऐरणीवर आला आहे.

एक आरोपी ताब्यात, इतरांचा शोध सुरू
घटनेनंतर पोलिसांनी तातडीने एकाला अटक केली असून मुख्य आरोपी सूरज काटे फरार झाला आहे. सीसीटीव्ही फुटेजच्या आधारे इतर कुणाचा सहभाग आहे का, याचा तपास पोलिसांकडून सुरू आहे.

पोलिसांची तातडीची कारवाई
घटनास्थळी पोलीस दाखल झाले असून पंचनामा करण्यात आला आहे. मृतदेह शवविच्छेदनासाठी जिल्हा रुग्णालयात हलविण्यात आला आहे. पोलिसांकडून पुढील तपास सुरू असून शहरात सुरक्षा वाढविण्यात आली आहे.

घटनास्थळ: माने कॉम्प्लेक्स, बीड
मृत: यश देवेंद्र ढाका (वय 22)
आरोपी: सूरज काटे (फरार)
तपास: बीड शहर पोलीस स्टेशन

या घटनेने बीडमधील नागरिकांत संताप व्यक्त होत असून पोलिसांनी आरोपींवर कठोर कारवाईची मागणी केली आहे.

read also :  https://ajinkyabharat.com/life-beautiful/