सलमान खान–जॅकी श्रॉफ वाद : ‘बंधन’ चित्रपटाच्या सेटवर उफाळला होता राग, संगीता बिजलानीने मिटवला वाद
मुंबई – बॉलीवूडमधील दबंग अभिनेता सलमान खान आपल्या चित्रपटांसोबतच वैयक्तिक आयुष्यामुळेही कायम चर्चेत राहिला आहे.
त्याच्या अनेक अभिनेत्रींसोबत नाव जोडले गेले असून, त्यातील काही नात्यांबद्दलचे किस्से आजही चाहत्यांमध्ये रंगतात.
अशाच एका प्रकरणात अभिनेता जॅकी श्रॉफसोबत त्याचा वाद झाला होता आणि त्यामागे कारण ठरली होती सलमानची त्या काळातील प्रेयसी संगीता बिजलानी.
घटना आहे ‘बंधन’ चित्रपटाच्या शूटिंगदरम्यानची. या चित्रपटात सलमान खानसोबत जॅकी श्रॉफ, रंभा आणि अश्विनी भावे मुख्य भूमिकेत होते.
जॅकीने चित्रपटात सलमानच्या मेहुण्याची भूमिका साकारली होती. मात्र, चित्रपट सुरु होण्यापूर्वीच सलमानने जॅकीसोबत काम करण्यास नकार दिला होता.
कारण – संगीता बिजलानी आणि जॅकी श्रॉफ एकत्र इज्जत चित्रपट करत असताना, दोघे डेट करत असल्याच्या चर्चा पसरल्या होत्या. त्या वेळी संगीता आणि सलमान रिलेशनशिपमध्ये होते, त्यामुळे सलमान प्रचंड नाराज झाला होता.
शूटिंगदरम्यान सलमान आणि जॅकी यांच्यात वाद झाले. रिपोर्ट्सनुसार, सलमानच्या रागामुळे वातावरण तापले होते.
मात्र योग्य वेळी संगीता बिजलानी सेटवर आली आणि तिने दोघांना समजावून गैरसमज दूर केले. तिने स्पष्ट केले की जॅकीसोबतच्या चर्चांमध्ये काहीही तथ्य नाही, त्या केवळ अफवा आहेत.
संगीताच्या मध्यस्थीनंतर सलमानने चित्रपटासाठी होकार दिला. बंधनच्या चित्रीकरणानंतर दोघांमधील मतभेद संपले आणि आजही सलमान खान व जॅकी श्रॉफ एकमेकांचा आदर करतात.
READ ALSO :https://ajinkyabharat.com/rj-chawre-hyy-school-and-convhant/
