मुख्यमंत्री समृद्ध पंचायत राज
बाळापुर: मुख्यमंत्री समृद्ध पंचायत राज योजनेअंतर्गत चालविण्यात येणाऱ्या पंधरवडा उपक्रमांतर्गत “स्वच्छ गाव, जलयुक्त गाव” हा उपक्रम बाळापुर तालुक्याच्या प्रत्येक गावात राबविण्याचे उद्दिष्ट आहे. बाळापुर पंचायत समितीचे गटविकास अधिकारी पजई यांनी खतीब हॉलमध्ये आयोजित कार्यशाळेत ग्रामपंचायत अधिकारी, सरपंच, उपसरपंच आणि रोजगार सेवकांना आदेश दिले होते की गाव आणि तालुक्याचे समृद्धीकरण सुनिश्चित करावे.परंतु, गेल्या महिनाभरात तालुक्यातील परिस्थिती नागरिकांच्या अपेक्षेपेक्षा उलट दिसून येत आहे. विशेषतः देगाव येथे अनेक समस्या अद्याप न सोडवल्यामुळे गावकऱ्यांमध्ये नाराजी आहे. गटविकास अधिकारी यांची यापूर्वीची भेट असून त्या वेळी गावकऱ्यांनी गावातील अडचणींचा सविस्तर अहवाल दिला होता, आणि अधिकारी यांनी समस्या तात्काळ सोडवण्याचे आश्वासन दिले होते.सध्या परिस्थिती तशीच राहिल्याने नागरिकांच्या मनात “मुख्यमंत्री समृद्ध पंचायत राज योजनेतील उपक्रम प्रत्यक्षात राबवले जातील की फक्त कागदोपत्रांपुरते मर्यादित राहतील?” असा प्रश्न निर्माण झाला आहे. गावकऱ्यांच्या मते, उपक्रमाची खरी यशस्विता प्रशासनाच्या सक्रियतेवर अवलंबून आहे, आणि स्थानिक पातळीवरील निर्णय आणि अंमलबजावणी सुधारली नाही तर योजना फक्त घोषणापत्रात मर्यादित राहणार आहे.गावकऱ्यांनी प्रशासनाकडे अपेक्षा व्यक्त करत म्हटले की, “योजना प्रत्यक्षात राबवली गेली पाहिजे; फक्त कार्यक्रम आणि आदेश घेण्यापुरते मर्यादित राहू नये.”तालुका प्रशासनाने स्थानिक समस्यांकडे तत्परतेने लक्ष देऊन, उपक्रमाची खरी अंमलबजावणी करून नागरिकांमध्ये विश्वास निर्माण करण्याची गरज असल्याचे बऱ्याच जणांनी ठामपणे सांगितले आहे.
read also : https://ajinkyabharat.com/naib-tehsidarrani-shetatch-bharwale-court/
