कष्ट, चिकाटी आणि स्वप्नांवर असलेला विश्वास याच्या जोरावर कोणतीही उंची गाठता येते, हे पुन्हा एकदा सिद्ध करून दाखवले आहे अकोट तालुक्यातील दीवठाणा गावचे सुपुत्र अतुलकुमार उत्तमराव शेंडे यांनी. भारत सरकारच्या डायरेक्टर जनरल ऑफ शिपिंग (DG Shipping) आणि मर्कंटाईल मरीन विभागामार्फत घेण्यात आलेल्या अत्यंत कठीण समजल्या जाणाऱ्या एमईओ (MEO) क्लास–१ परीक्षेत यश संपादन करत अतुल शेंडे यांनी मर्चंट नेव्हीतील सर्वोच्च पद असलेल्या ‘चिफ इंजिनिअर ऑफिसर’ पदावर निवड मिळविली आहे. या यशामुळे ते अकोट तालुक्यातील या पदावर पोहोचणारे पहिलेच व्यक्ती ठरले आहेत.
मर्चंट नेव्हीमध्ये ‘चिफ इंजिनिअर ऑफिसर’ हे पद अत्यंत प्रतिष्ठेचे, जबाबदारीचे आणि तांत्रिक कौशल्याची पराकाष्ठा मागणारे मानले जाते. जहाजावरील संपूर्ण इंजिन रूम, यांत्रिक व्यवस्था, देखभाल, सुरक्षितता आणि कार्यक्षम संचालनाची सर्वांत मोठी जबाबदारी या अधिकाऱ्यावर असते. अशा पदापर्यंत पोहोचण्यासाठी प्रदीर्घ प्रशिक्षण, अनुभव, अनेक टप्प्यांतील परीक्षा आणि आंतरराष्ट्रीय दर्जाचे ज्ञान आवश्यक असते.
अतुल शेंडे हे निवृत्त नायब तहसीलदार उत्तमराव शेंडे यांचे सुपुत्र असून, त्यांना शिस्त, प्रामाणिकपणा आणि कर्तव्यनिष्ठेचे संस्कार घरातूनच लाभले. ग्रामीण भागात जन्म असूनही आकाशाला गवसणी घालण्याचे स्वप्न त्यांनी लहानपणापासूनच पाहिले होते. त्यांचे प्राथमिक शिक्षण दीवठाणा येथील जिल्हा परिषद शाळेत, माध्यमिक शिक्षण अकोटच्या नरसिंग विद्यालयात, तर कनिष्ठ महाविद्यालयीन शिक्षण श्री शिवाजी ज्युनिअर कॉलेजमध्ये पूर्ण झाले. ग्रामीण शाळेपासून ते आंतरराष्ट्रीय समुद्री क्षेत्रापर्यंतचा त्यांचा प्रवास प्रेरणादायी ठरतो.
Related News
नितीन विद्यालय समोरील रस्त्यावर विद्यार्थ्यांचा जीव धोक्यात; अखिल भारतीय मराठा महासंघाचा तातडीने गतिरोधक बसवण्याचा इशारा
नाशिक भाविकांची बस कानपूरजवळ अपघातग्रस्त, एकाचा मृत्यू; ५० यात्रेकरूंपैकी अनेक जखमी
अपर मुख्य सचिव आभा शुक्ला यांचा आंतरराष्ट्रीय परिषदेत गौरव ; ऊर्जा क्षेत्रातील योगदानासाठी ‘वुमन इन एनर्जी अॅण्ड युटिलिटीज’ पुरस्कार
महावितरणतर्फे यशवंतराव चव्हाण यांना अभिवादन
ऑपरेशन ‘प्रहार’ची अकोट ग्रामीण पोलिसांची मोठी कारवाई, जुगार अड्ड्यावर धाड; सहा जण ताब्यात, १.२२ लाखांचा मुद्देमाल जप्त
स्मार्टफोन किंमतीत झटका: 16 मार्चपासून OPPO आणि OnePlus चे दर महागणार – ग्राहकांसाठी मोठा फटका
LPG Shortage Maharashtra : युद्धामुळे व्यावसायिक गॅस सिलेंडरचा तुटवडा – 5 मोठे शहर प्रभावित
‘कार्यालयीन कर्तव्यासोबतच स्वतःच्या आरोग्याची जपणूक करा’; महावितरणमध्ये उत्साहात साजरा जागतिक महिला दिन
पालकांची भीती; 12 वर्षांच्या मुलाने रचला अपहरणाचा बनाव, भंडाऱ्यातील पवनीतील धक्कादायक प्रकार
भिवंडीमध्ये दत्तक मुलीवर अमानुष अत्याचार; ‘मम्मा’ म्हटल्याच्या रागातून सावत्र आईने डोळ्यात मिरची पूड टाकली
प्रदेशाध्यक्षांच्या गृहजिल्ह्यात काँग्रेसला धक्का, अनेक नेते भाजपात प्रवेश
पातूरची रेणुका केकन UPSC पास, तालुक्याच्या इतिहासात पहिली मुलगी IAS बनली
पुढे अतुल यांनी शासकीय अभियांत्रिकी महाविद्यालयातून मेकॅनिकल अभियांत्रिकीचे शिक्षण पूर्ण केले. अभियांत्रिकी शिक्षण घेत असतानाच तांत्रिक क्षेत्रात नवनवीन आव्हाने स्वीकारण्याची त्यांची तयारी दिसून आली. शिक्षण पूर्ण झाल्यानंतर त्यांनी टाटा आणि एसकेएफ यांसारख्या नामांकित औद्योगिक कंपन्यांमध्ये काम करून औद्योगिक यंत्रणा, व्यवस्थापन आणि तांत्रिक शिस्तीचा मौल्यवान अनुभव मिळविला.
तथापि, पारंपरिक औद्योगिक क्षेत्रापलीकडे जाऊन वेगळ्या आणि आव्हानात्मक क्षेत्रात करिअर घडवण्याची ओढ त्यांना मर्चंट नेव्हीकडे घेऊन गेली. त्यासाठी त्यांनी मरीन इंजिनिअरिंग अँड रिसर्च इन्स्टिट्यूट (MERI) मधील कठोर प्रशिक्षण पूर्ण केले. यानंतर भारतीय नौदलातील अनुभव, विविध प्रकारच्या जहाजांवरील सेवा आणि आंतरराष्ट्रीय समुद्री नियमांचे सखोल ज्ञान याच्या बळावर त्यांनी एमईओ क्लास–१ परीक्षेची तयारी केली.
एमईओ क्लास–१ परीक्षा ही केवळ ज्ञानाचीच नव्हे, तर मानसिक ताकद, निर्णयक्षमता आणि अनुभवाची कसोटी असते. अनेक वर्षांच्या सातत्यपूर्ण प्रयत्नांनंतर आणि अथक परिश्रमातून अतुल शेंडे यांनी ही परीक्षा उत्तीर्ण करत सर्वोच्च पदावर झेप घेतली. सध्या ते अमेरिकेत कार्यरत असून, आंतरराष्ट्रीय पातळीवर भारतीय प्रतिभेचे प्रतिनिधित्व करत आहेत.
परदेशात कार्यरत असतानाही अतुल शेंडे यांनी आपल्या गावाशी, मातीशी आणि माणसांशी असलेली नाळ कायम जपली आहे. त्यांच्या या यशामुळे दीवठाणा, अकोट तालुका आणि संपूर्ण अकोला जिल्ह्यात अभिमानाचे वातावरण निर्माण झाले आहे. गावातील युवकांसाठी त्यांचा प्रवास आदर्श ठरत असून, “ग्रामीण भागातूनही जागतिक पातळीवर यश मिळवता येते” हा विश्वास त्यांनी दृढ केला आहे.
अतुल शेंडे यांच्या या घवघवीत यशाबद्दल विविध सामाजिक, शैक्षणिक आणि प्रशासकीय स्तरांतून अभिनंदनाचा वर्षाव होत आहे. त्यांच्या या यशामागे कुटुंबाचा पाठिंबा, शिक्षकांचे मार्गदर्शन आणि स्वतःची मेहनत हे महत्त्वाचे घटक असल्याचे मत व्यक्त केले जात आहे.
दीवठाण्याच्या या सुपुत्राने मर्चंट नेव्हीतील सर्वोच्च पद गाठत ग्रामीण महाराष्ट्राच्या कर्तृत्वाची नवी ओळख निर्माण केली असून, त्यांची ही भरारी येणाऱ्या पिढीसाठी निश्चितच प्रेरणादायी ठरणार आहे.
READ ALSO : https://ajinkyabharat.com/vht-2025-26-mumbais-third-consecutive-victory-under-the-leadership-of-shardul/
