आशिया कप 2025 स्पर्धेच्या पहिल्या सामन्यापूर्वी पाकिस्तान संघात धक्कादायक चर्चा रंगली आहे. 12 सप्टेंबर रोजी ओमानविरुद्ध होणाऱ्या सामन्यात पाकिस्तानचा कर्णधार सलमान आघा खेळणार की नाही, हे अद्याप निश्चित नाही.सलमान आघाला मानेत दुखापत झाल्यामुळे 10 सप्टेंबरच्या सराव सत्रात त्यांनी भाग घेतला नाही. सरावात उपस्थित राहूनही सरावातून दूर राहिल्याचे वृत्त आहे. मानेवर पट्टी लावलेली असल्याचे जिओ न्यूजने वृत्त दिले आहे.पाकिस्तान संघाला सलमानच्या अनुपस्थितीत कर्णधारपद कोण सांभाळेल, याची उत्सुकता आहे कारण उपकर्णधाराचे नाव अद्याप जाहीर केले गेलेले नाही. 14 सप्टेंबरला भारताविरुद्ध सामना असल्याने या परिस्थितीमुळे संघाला मोठा धोका निर्माण झाला आहे.पाकिस्तान क्रिकेट बोर्डाने मात्र स्पष्ट केले आहे की, सलमानची दुखापत गंभीर नाही आणि हा फक्त खबरदारीचा उपाय आहे. ते लवकरच संपूर्ण सरावात परततील आणि आशिया कपच्या महत्त्वाच्या सामन्यांसाठी कर्णधार तंदुरुस्त असेल, असा दावा केला आहे.ओमानविरुद्ध सामन्यातील नाणेफेकीवेळी सलमान आघा मैदानावर असेल की नाही, याकडे सर्व क्रीडाप्रेमींचे लक्ष लागले आहे.

READ ALSO : https://ajinkyabharat.com/manoj-jarang-yancha/