सिंदखेडराजा येथे जिजाऊ जन्मोत्सवाची जय्यत तयारी; शिवभक्तांना मोठ्या संख्येने सहभागी होण्याचे आवाहन
अकोट : मराठा साम्राज्याच्या आद्य जननी, राजमाता जिजाऊ माऊसाहेब यांचा जन्मोत्सव येत्या १२ जानेवारी रोजी मातृतीर्थ सिंदखेडराजा येथे अत्यंत उत्साहात साजरा होणार आहे. या पार्श्वभूमीवर मराठा सेवा संघाच्या अकोला जिल्हा शाखेचे अध्यक्ष डॉ. रणजीत कोरडे यांनी अकोला जिल्ह्यासह संपूर्ण परिसरातील शिवभक्त, इतिहासप्रेमी आणि समाजबांधवांना मोठ्या संख्येने उपस्थित राहण्याचे आवाहन केले आहे.
Related News
मनोज जरांगे पाटलांचा नवा बॉम्ब! ‘माझ्याविरोधात महिलांची टोळी तयार’; थेट फडणवीसांवर आरोप!
मुर्तिजापूरच्या शिरपेचात मानाचा तुरा! दीपक पाटील दांदळे यांना पुण्यात ‘हिंदूरत्न’ पुरस्काराने सन्मानित!
आपल्या मातीतील 30 रत्नांचा गौरव! अकोल्यात ‘अकोलारत्न’ पुरस्कार सोहळा उत्साहात संपन्न!
500 कोटींच्या ऑडिओ बॉम्बनंतर जरांगेंचं फडणवीस-शिंदेंना थेट चॅलेंज!
मनोज जरांगेंनंतर रामदास कदमांचाही पलटवार! ‘तुमच्या गुप्त बैठकीची क्लिप माझ्याकडे’
मनोज जरांगे पाटील यांचा सरकारला इशारा; ‘कितीही त्रास दिला तरी शरण येणार नाही’
Manoj Jarange Patilची रुग्णालयातून मोठी घोषणा; ‘आता पाटोद्यापासून पुढे मुंबईत आंदोलन’
Manoj Jarange Patil यांच्या सहकाऱ्यांच्या आर्थिक व्यवहारांची चौकशी; आयकर विभागाच्या रडारवर कोण?
मनोज जरांगे पाटलांनी आंदोलन मागे घेतल्यानंतर विनोद पाटील यांची पहिली प्रतिक्रिया; म्हणाले…
Manoj Jarange Patilना डिफेंडर देणारा भोसले कोण? २ लाखांचा मोबाईल, ७५० कोटींच्या कंत्राटांवर बारस्करांचे सवाल
Manoj Jarange Patilनी 20 दिवसांचं उपोषण सोडलं, पण वाद थांबेना; अजय महाराज बारस्करांचा खळबळजनक दावा
Manoj Jarange Patil : पॅरिसमधून रात्रभर सूत्रे हलली अन् जरांगेंनी उपोषण सोडलं; पडद्यामागे नेमकं काय घडलं?
या संदर्भात नुकतीच अकोट येथे आयोजित बैठकीत जन्मोत्सव सोहळ्याच्या तयारीचा आढावा घेण्यात आला. या बैठकीला मराठा सेवा संघ, जिजाऊ ब्रिगेड आणि संभाजी ब्रिगेडचे तालुका व शहर पातळीवरील पदाधिकारी व कार्यकर्ते मोठ्या संख्येने उपस्थित होते. बैठकीची सुरुवात राजमाता जिजाऊंच्या प्रतिमेचे पूजन आणि जिजाऊ वंदनेने करण्यात आली.
डॉ. रणजीत कोरडे यांनी उपस्थितांना संबोधित करताना सांगितले की, “राजमाता जिजाऊ या केवळ शिवरायांच्या माताच नव्हत्या, तर त्या संपूर्ण राष्ट्राच्या घडणीत मोलाची भूमिका बजावणाऱ्या प्रेरणास्थान होत्या. त्यांच्या विचारांचा आणि कार्याचा वारसा पुढील पिढीपर्यंत पोहोचवणे ही आपली सामूहिक जबाबदारी आहे.” त्यामुळे हा जन्मोत्सव केवळ उत्सव न राहता वैचारिक जागृतीचा सोहळा ठरावा, असे आवाहन त्यांनी केले.
यावेळी तालुकाध्यक्ष राममूर्ती वालसिंगे आणि किशोर हिंगणे यांनी सिंदखेडराजा येथे निघणाऱ्या रथयात्रेचे नियोजन, प्रवास व्यवस्था, शिस्तबद्ध मिरवणूक आणि सुरक्षा उपाययोजनांची सविस्तर माहिती दिली. अकोट तालुक्यातून मोठ्या प्रमाणावर कार्यकर्ते व शिवभक्त सहभागी होणार असून त्यासाठी वाहन व्यवस्था, संपर्क प्रमुख आणि स्वयंसेवकांची नेमणूक करण्यात येत असल्याचे त्यांनी स्पष्ट केले.
जन्मोत्सव सोहळ्यात महिलांचा सहभाग अधिकाधिक वाढावा यासाठी विशेष प्रयत्न करण्यात येणार आहेत. यासाठी लताताई चिकटे आणि भैरवी हिंगणकर यांची प्रमुख जबाबदारी राहणार असून महिला भगिनींना संघटनात्मक पातळीवर सहभागी करून घेण्याचा निर्धार व्यक्त करण्यात आला. जिजाऊंच्या मातृत्व, शौर्य आणि संस्कारांची परंपरा महिलांपर्यंत पोहोचवणे हा या उपक्रमाचा मुख्य उद्देश असल्याचे सांगण्यात आले.
या सोहळ्यात विविध सांस्कृतिक कार्यक्रम, जिजाऊंच्या जीवनावर आधारित प्रेरणादायी संदेश, पोवाडे आणि विचारमंथन सत्रांचे आयोजन करण्यात येणार आहे. यामुळे तरुण पिढीला इतिहासाची खरी ओळख होऊन राष्ट्रभक्ती आणि सामाजिक बांधिलकीची जाणीव निर्माण होईल, असा विश्वास आयोजकांनी व्यक्त केला.
अकोट तालुक्यातील हजारो कार्यकर्ते आणि शिवभक्त मातृतीर्थ सिंदखेडराजा येथे जिजाऊ जन्मोत्सवात सहभागी होणार असून हा सोहळा अभूतपूर्व ठरेल, असा निर्धार बैठकीत व्यक्त करण्यात आला. अखेरीस, “जिजाऊंच्या विचारांचा जागर आणि शिवरायांच्या स्वराज्य संकल्पनेचा प्रचार करण्यासाठी हा जन्मोत्सव महत्त्वाचा टप्पा ठरेल,” असे सांगत सर्वांनी एकत्र येऊन कार्यक्रम यशस्वी करण्याचे आवाहन करण्यात आले.
