अकोट (जि. अकोला) | प्रतिनिधी
अकोट शहरात गेल्या चार दशकांपासून अस्तित्वात असलेल्या अतिक्रमणांवर स्थानिक
प्रशासनाने मोठी कारवाई करत ती हटवली असून,
त्यामुळे शहरात वाहतुकीस अडथळा निर्माण करणाऱ्या अडथळ्यांना पूर्णविराम मिळालाय.
वाहतूक कोंडी आणि नागरी अडचणी दूर करण्याच्या उद्देशाने ही मोहीम हाती घेण्यात आली होती.
प्रशासनाने यावेळी मुख्य रस्त्यांवर, बाजारपेठांमध्ये आणि सार्वजनिक
जागांवर झालेल्या अतिक्रमणांवर बुलडोझर चालवत कारवाई केली.
यामुळे वर्षानुवर्षे अतिक्रमण करून व्यवसाय करणाऱ्या व्यावसायिकांची
चांगलीच तारांबळ उडाली असून, काहींनी तीव्र नाराजी व्यक्त केली आहे.
तरीही, नियमित रहदारी करणाऱ्या नागरिकांनी या कारवाईचे स्वागत केले आहे.
त्यांच्या मते, अतिक्रमणामुळे रस्ते अरुंद झाले होते आणि वाहनचालक तसेच पादचाऱ्यांना मोठ्या अडचणींचा सामना करावा लागत होता.
अधिकाऱ्यांनी स्पष्ट केले की, ही कारवाई कोणत्याही राजकीय दबावाखाली न होता
सार्वजनिक हितासाठी केली जात आहे.
यानंतरही जर कुणी नवीन अतिक्रमण केल्याचे आढळल्यास त्यांच्या विरोधात कठोर पावले उचलण्यात येणार असल्याचेही प्रशासनाने सांगितले.
Read Also : https://ajinkyabharat.com/akola-sessions-court-senior-womens-most-of-the-women/
