अकोट (ता. २० जुलै २०२५): अकोट ग्रामीण पोलीस स्टेशन अंतर्गत एका महिलेसोबत विनयभंग करणाऱ्या आरोपीविरोधात पोलिसांनी अवघ्या २४ तासांत दोषारोपपत्र दाखल करत जलद आणि ठोस कारवाई केली आहे.
प्राप्त माहितीनुसार, पीडित महिला आपल्या मुलांसह घरात झोपलेली असताना दिनांक १८ जुलै रोजी रात्री सुमारास यशवंत विनायक वानखडे (वय ३५, रा. बोचरा, ता. अकोट, जि. अकोला) हा तिच्या घरात घुसला आणि वाईट उद्देशाने तिचा हात पकडत विनयभंग केला. पीडित महिलेने आरडाओरडा केल्यावर आरोपी घटनास्थळावरून फरार झाला.
Related News
अकोट नगरपालिकेतील 9 कामं अपूर्ण, तरी बिले मंजूर – प्रशासनात संताप
शेतकरी आता हरभऱ्याच्या पेरणीत व्यस्त खरीप हंगाम ‘घाट्याचा सौदा’, पण रब्बीमध्ये नफ्याची आशा
फराह खान डायना पेंटीच्या बंगल्याने भारावली मुंबईच्या मध्यभागी 100 वर्ष जुने स्वर्गीय घर!
बसीर अलीचा सलमान खानवर गंभीर आरोप, शोच्या नैतिकतेवर प्रश्नचिन्ह Bigg Boss 19 : धक्कादायक खुलासा!
केस गळणे आणि कोंडा संपवण्यासाठी हा एकच नैसर्गिक उपाय – 7 दिवसांत दिसेल फरक!
शिल्पा शेट्टीचा बास्टियन : 1.5 लाखांची वाइन आणि 920 रुपयांची चहा पाहून ग्राहकही चकित!
Tata Trusts संकटात! 3 प्रमुख विश्वस्तांनी मेहली मिस्त्रींना हटवले, समूहात निर्माण झाली अस्थिरता
Sensex Today LIVE: बाजारात अस्थिरता! Sensex 300 अंकांनी खाली, Nifty 25,950 जवळ — IT आणि Realty क्षेत्रात दबाव
सतीश शाहची अंतिम आठवण: 10 वर्षांच्या आठवणींचा प्रवास आणि एका गाण्याने भारावलेले हृदय
‘पूजा’ ते मृत्यू : 8 थरकाप उडवणारे पुरावे समोर – सातारा प्रकरण हादरले
Amazon चा धक्कादायक निर्णय : तब्बल 30,000 कर्मचाऱ्यांना सोडवणार कंपनी!
मायक्रो मेडिटेशनचा ‘जादुई’ प्रभाव फक्त 5 मिनिटांत तणावाला करा रामराम!
या घटनेवरून अकोट ग्रामीण पोलीस स्टेशनमध्ये भादंवि २०२३ मधील कलम ७४ अन्वये गुन्हा (गु. र. नं. ३४४/२०२५) दाखल करण्यात आला. गुन्हा दाखल होताच पोलिसांनी तात्काळ तपास पथक तयार करून फिर्यादीचे १८३ बीएनएसएस अंतर्गत जबाब न्यायालयात नोंदविले. घटनास्थळी पंचनामा करण्यात आला असून साक्षीदारांचे जबाबही नोंदविण्यात आले.
या प्रकरणात केवळ २४ तासांत दोषारोपपत्र तयार करून दिनांक १९ जुलै २०२५ रोजी न्यायालयात दाखल करण्यात आले आहे.
सदर जलद आणि ठोस कारवाई अकोला जिल्हा पोलीस अधीक्षक अर्चित चांडक, अपर पोलीस अधीक्षक रेड्डी, उपविभागीय पोलीस अधिकारी गजानन पडघन यांच्या मार्गदर्शनाखाली अकोट ग्रामीण पोलीस स्टेशनचे ठाणेदार किशोर जुनघरे, पोहेकॉ. वासुदेव ठोसरे, शिवकुमार तोमर, पोकॉ. सागर नागे, गोपाल जाधव आणि महिला पोलीस कॉ. स्वाती भेंडेकर यांच्या संयुक्त प्रयत्नातून पार पडली.
या प्रकरणातील पोलिसांच्या तात्काळ कारवाईमुळे महिलांमध्ये विश्वासाचे वातावरण निर्माण झाले.
