अकोट – नगरपालिकेतील सफाई कर्मचाऱ्यांनी आपल्यावरील अन्यायाच्या दृष्टीने 25 ऑगस्टपासून
नगरपालिकेच्या प्रवेशद्वारासमोर साखळी उपोषण सुरु केले आहे.
ही कारवाई राष्ट्रीय सफाई कर्मचारी मजदूर युनियनच्या पुढाकाराखाली करण्यात आली आहे.
सफाई कर्मचाऱ्यांच्या मागण्यांमध्ये कालबद्ध पदोन्नती,
80 वर्षांनंतर सेवानिवृत्त कर्मचाऱ्यांच्या वेतनात एरियस लावणे,
शासनाच्या जीआर प्रमाणे वर्ग तीन कर्मचाऱ्यांना पदोन्नती देणे,
सीपीएफ खात्याची माहिती देणे, मृत्यू झालेल्या कर्मचाऱ्यांच्या वारसांना रक्कम देणे
आणि 24 वर्ष सेवा पूर्ण झालेल्या कर्मचाऱ्यांसाठी पक्क्या घरांचे बांधकाम यांचा समावेश आहे.
साखळी उपोषणात राधेश्याम मर्दाने, करण महातो, अब्दुल सलीम, प्रमोद मर्दाने, मिथुन चावरे,
युवराज सारवान, जितेंद्र मर्दाने, विजय मोगरे, राहुल सत्याल, कुंदन सारवान,
शुभम हातेकर, सुखदेव मर्दाने, अरविंद मर्दाने, संदिप जुनगरे,
महेंद्र उसरबसे, अर्जुन मोगरे, सै. दस्तगीर, शे. आमीन, शे. इमरान, संतोष मोगरे,
नरेंद्र मर्दाने, हरीश मर्दाने, मुकेश चंडलिया, विकी सारसर, दिपक मर्दाने आदी कर्मचाऱ्यांचा सहभाग आहे.
नगरपालिकेतील कर्मचाऱ्यांच्या या साखळी उपोषणाकडे नागरिक आणि प्रशासनाचे लक्ष लागले असून,
मुख्याधिकारी नेमकी या संदर्भात काय पावले उचलतात, हे पाहण्यास उरले आहे.
read also :https://ajinkyabharat.com/jai-bajrang-arts-college-nep2020/
