अकोला – अवैध सावकारी व्यवसायाविरोधात जिल्हा प्रशासनाने मोठी कारवाई करत मनोज वानखडे (रा. अकोला) यांच्याविरोधात गुन्हा दाखल केला आहे.
जिल्हा उपनिबंधक, सहकारी संस्था यांच्या मार्गदर्शनाखाली आलेल्या तक्रारीवरून 7 फेब्रुवारी 2024 रोजी तीन पथकांनी एकाच वेळी शहरातील विविध ठिकाणी धाड टाकली.
तीन पथकांची धाड कारवाई
पथक क्र. 1 – प्रमुख एस. डी. नरवाडे व सहकारी आर. एम. बोंद्रे, सतीश देशमुख, सुनील शालीग्राम बागडे यांनी जयहिंद चौकातील वानखडे यांच्या दुकानाच्या वरच्या मजल्यावर शोध घेतला.
पथक क्र. 2 – प्रमुख एम. एस. मनसुटे व सहकारी एस. बी. साखरे, जे. एस. सहारे, ए. एस. अढाऊ, सुनील ढोकळे यांनी जुने शहरातील त्यांच्या राहत्या घराची तपासणी केली.
पथक क्र. 3 – प्रमुख कु. अनिता भाकरे व सहकारी ए. बी. शिरसाट, बी. एच. पापळकर, जी. बी. कुलकर्णी, केशव गोंडचवर, दिनकर घोरड यांनी जुने शहरातील त्यांच्या दुसऱ्या दुकानावर छापा मारला.
जप्तीतील मुद्देमाल
धाडीत कोरे धनादेश, खरेदीखत, इसारपावती, बँक पासबुक, पॅनकार्ड, आधारकार्ड, कच्च्या पावत्या, कोरे लेटरहेड, डायरी इत्यादी आक्षेपार्ह कागदपत्रे जप्त करण्यात आली.
गुन्हा नोंद
सहाय्यक निबंधक (प्रशासन) अभयकुमार कटके यांनी चौकशीत अर्जदार अनीत मणियार आणि वानखडे यांच्यातील व्यवहार अवैध सावकारी असल्याचे स्पष्ट केले.
त्यानंतर सहकार अधिकारी विनोद खंदारे यांनी अधिकृतरित्या कारवाई करत महाराष्ट्र सावकारी (नियमन) अधिनियम 2024 चे कलम 39 अंतर्गत जुने शहर पोलीस ठाण्यात 14 ऑगस्ट 2025 रोजी एफआयआर दाखल केला.
