आशिया कपपूर्वी चिंता वाढली! रिंकूला क्लीन बोल्ड करणारा हा तरुण कोण?

लखनऊ | 20 ऑगस्ट 2025 – पुढील महिन्यात होणाऱ्या आशिया कप T20 स्पर्धेसाठी टीम इंडियात स्थान मिळवणाऱ्या स्फोटक फलंदाज रिंकू सिंहला

यूपी T20 लीगमधील दुसऱ्या सामन्यात मोठा धक्का बसला. मेरठ मॅवरिक्सचा कॅप्टन म्हणून मैदानात उतरलेल्या रिंकूला फक्त 20 वर्षीय फिरकीपटू पर्व

सिंहने क्लीन बोल्ड करत सर्वांना आश्चर्यचकित केले.

आशिया कपसाठी निवड झाल्यानंतर रिंकू सिंहकडून फॅन्सना दमदार खेळीची अपेक्षा होती. मात्र, लखनऊ फाल्कंसविरुद्धच्या

सामन्यात तो पूर्णपणे अपयशी ठरला.

या पराभवामुळे मेरठ मॅवरिक्सचा हा स्पर्धेतील पहिला पराभव ठरला.

या सामन्याचा व्हिडिओ सोशल मीडियावर जोरदार व्हायरल होत असून, चाहत्यांनी रिंकूच्या कामगिरीवर प्रश्नचिन्ह उपस्थित केले आहे.

UAE मधील खेळपट्ट्या प्रामुख्याने स्पिन-फ्रेंडली असतात.

तिथे आशिया कप खेळला जाणार असल्याने रिंकूच्या या कमकुवत खेळामुळे फॅन्सच्या मनात शंकेची पाल चुकचुकू लागली आहे.

मेरठ मॅवरिक्स : 150/8 (20 ओव्हर)

लखनऊ फाल्कंस : 151/5 (18.4 ओव्हर) – 5 विकेट राखून विजय

मेरठचा या सिझनमधील पहिला पराभव

रिंकू सिंहने फलंदाजीने टीमला निराश केले, तर दुसऱ्या बाजूला पर्व सिंहने आपल्या फिरकीच्या जादूने सामन्याचे चित्र पालटून टाकले.

आशिया कपच्या अगोदर रिंकूचा हा फॉर्म भारतीय संघासाठी चिंतेचा विषय ठरत आहे.

Live TV