अमृता फडणवीस यांच्या जेवणाच्या निमंत्रणावर मनोज जरांगे पाटील यांचे स्पष्ट उत्तर; म्हणाले, “भाऊ संकटात असताना जेवायला कसं जाणार?”
Manoj Jarange on Amruta Fadnavis: मराठा आरक्षणाच्या मागणीसाठी मनोज जरांगे पाटील यांच्या नेतृत्वाखाली आंदोलन सुरू असतानाच अमृता फडणवीस यांच्या एका वक्तव्याची जोरदार चर्चा सुरू झाली आहे. “मनोज जरांगे पाटील हे माझे भाऊ आहेत,” असे म्हणत अमृता फडणवीस यांनी त्यांना घरी जेवणाचे निमंत्रण दिले होते. या निमंत्रणावर आता मनोज जरांगे पाटील यांनी स्पष्ट भूमिका मांडली आहे. त्यांनी अमृता फडणवीस यांच्या भावनेचा आदर करत जेवणाचे निमंत्रण स्वीकारण्याची तयारी दर्शवली असली, तरी सध्या आंदोलन सुरू असल्याने ही वेळ जेवणासाठी योग्य नसल्याचे त्यांनी स्पष्ट केले.
अंतरवाली सराटी येथे माध्यमांशी संवाद साधताना मनोज जरांगे पाटील यांनी अमृता फडणवीस यांच्या वक्तव्यावर प्रतिक्रिया दिली. यावेळी त्यांनी त्यांना “ताई” असा उल्लेख करत आपले मत स्पष्ट केले.
“ताईंनी सांगितलं आहे ना, मग जेवायला पण जाऊ”
मनोज जरांगे पाटील म्हणाले की, अमृता फडणवीस यांनी आपल्याला भाऊ मानले आहे आणि जेवणासाठी घरी येण्याचे निमंत्रण दिले आहे, त्यामुळे त्यामागील भावना आपण समजू शकतो. मात्र, सध्याची परिस्थिती वेगळी आहे.
Related News
MPSC प्रकरणावरून अभिजीत दिपके आक्रमक; राज्य सरकारला दिला मोठा इशारा!
डाग-मुरुमांनी त्रस्त आहात? तांदळाचं पाणी ठरू शकतं त्वचेच्या काळजीचा सोपा उपाय!
‘Prasad Oak’ म्हटलं की ‘धर्मवीर आनंद दिघे’! फडणवीसांच्या कौतुकाने अभिनेता भावूक
IDBI Bank Sale: सरकारी बँक विकणार? 60.72% हिस्सेदारी विक्रीची प्रक्रिया अंतिम टप्प्यात
बँकेत जाण्याची गरज नाही! आता थेट ATM मधून मिळणार नवीन डेबिट कार्ड
Devendra Fadnavisची मोठी घोषणा! मराठी चित्रपटांसाठी अधिकाधिक चित्रपटगृहे, आधुनिक फिल्म सिटी उभारणार
क्रूड ऑईलने 100 डॉलरचा टप्पा ओलांडला; भारताच्या अर्थव्यवस्थेवर संकटाचे ढग!
Rani Mukerji : राणी मुखर्जीचं अस्खलित मराठी भाषण; ‘जय हिंद… जय महाराष्ट्र’ म्हणत जिंकली महाराष्ट्राची मनं!
इंडोनेशियात एकाच वेळी 6 ज्वालामुखींचा उद्रेक! विद्यार्थ्यांची जीव वाचवण्यासाठी धावाधाव
6 खासदारांच्या फुटीनंतर ठाकरे गटाचा मोठा डाव; 2029 साठी 40 लोकसभा मतदारसंघांत संपर्कप्रमुखांची नियुक्ती
iPhone Duo लॉन्च होताच Apple ला मोठा झटका! एका दिवसात 9.5 लाख कोटींचं नुकसान
भारतविरोधी कारवायांना श्रीलंकेची ‘नो एंट्री’! राजनाथ सिंह यांना दिला मोठा शब्द
“हे बघा, ताईंनी सांगितलं आहे ना, मग जेवायला पण जाऊ ना. ताईंनी सांगितलं ना, पण भाऊबीजेच्या वेळी. आता आंदोलन सुरू आहे. आता बहिणीने या वेळी बोलवू नये. भाऊ मैदानात असताना बोलवू नये. भाऊ संकटात जातो,” अशी भूमिका जरांगे पाटील यांनी मांडली.
आंदोलनाच्या काळात आपण आपल्या मागणीसाठी संघर्ष करत असून अशा परिस्थितीत आंदोलनाच्या मैदानातून उठून जेवणासाठी जाणे योग्य ठरणार नाही, असे त्यांनी सूचित केले.
“भाऊ संकटात असताना जेवायला कसं जाणार?”
मनोज जरांगे पाटील यांनी आपल्या आणि अमृता फडणवीस यांच्या नात्याच्या उल्लेखाला सकारात्मक प्रतिसाद दिला. मात्र, हे नाते जपण्याची योग्य वेळ त्यांनी भाऊबीजेची असल्याचे सांगितले.
“आज मात्र जेवायला बोलवू नये. आमच्या बहिणींनी आम्हाला भाऊबीजेला बोलवावं. साडी-चोळी घेऊन जातो. दिलेला शब्द आहे मनोज जरांगेचा. साडी-चोळी घेऊन जातो, जेवायला जातो,” असेही ते म्हणाले.
यातून त्यांनी एकीकडे अमृता फडणवीस यांच्या आपुलकीच्या भावनेचा स्वीकार केला, तर दुसरीकडे आंदोलनाच्या भूमिकेशी कोणतीही तडजोड करणार नसल्याचे स्पष्ट केले.
“लढायच्या मैदानातून जेवायला गेलो तर हार पत्करावी लागेल”
जरांगे पाटील यांनी पुढे बोलताना आंदोलनाच्या काळात कार्यकर्त्यांनी आणि नेत्यांनी आपली भूमिका ठाम ठेवण्याची गरज व्यक्त केली. सध्या आपण मराठा आरक्षणाच्या मागणीसाठी लढत असून या संघर्षाच्या काळात आंदोलन सोडून दुसऱ्या ठिकाणी जाणे योग्य ठरणार नाही, असे त्यांनी म्हटले.
“फक्त आज लढायच्या मैदानातून तुम्ही जेवायला या म्हणाल तर हार पत्करावी लागेल ताई. ताईंनी तो विचार आणि दृष्टिकोन आणि ती मायेची भावना आमच्या बाजूने ठेवावी,” असे जरांगे पाटील म्हणाले.
त्यांच्या या वक्तव्यामुळे अमृता फडणवीस यांच्या निमंत्रणावर त्यांनी नकारात्मक प्रतिक्रिया न देता सध्याची परिस्थिती आणि आंदोलनाचे गांभीर्य लक्षात घेऊन योग्य वेळेची प्रतीक्षा करण्याचे संकेत दिले आहेत.
“चांगल्या भावनेने बोललं असेल तर आडव्यात घुसण्याची गरज नाही”
मनोज जरांगे पाटील यांनी अमृता फडणवीस यांच्या वक्तव्यावर राजकीय वाद निर्माण करण्याची आवश्यकता नसल्याचेही सांगितले. एखाद्या व्यक्तीने चांगल्या भावनेने एखादी गोष्ट मांडली असेल, तर त्याचा चुकीचा अर्थ काढण्याची गरज नसते, असे ते म्हणाले.
“एखादा माणूस चांगल्या भावनेनं एखादा विषय म्हणाला तर माणसाने प्रत्येक वेळी आडव्यात घुसायची गरज नाही. प्रश्न आणि त्याचे उत्तर ताईंनी ज्या भावनेने आपल्याला आवाहन केले आहे, ज्या मायेने, दयेने केले आहे, त्याच मायेने, दयेने आपण दिले आहे,” असे जरांगे पाटील यांनी स्पष्ट केले.
मात्र, सध्या आंदोलन सुरू असल्यामुळे जेवणासाठी जाणे शक्य नसल्याचे त्यांनी पुन्हा अधोरेखित केले.
“शिकारीच्या टायमाला इकडे-तिकडे जाणं योग्य नाही”
आपल्या भूमिकेचे स्पष्टीकरण देताना जरांगे पाटील यांनी ग्रामीण भाषेतील उदाहरण देत सध्याची वेळ संघर्षाची असल्याचे सांगितले. “शिकारीच्या टायमाला इकडे-तिकडे जाणे योग्य नाही,” असे ते म्हणाले.
त्यांच्या मते, आंदोलनाच्या काळात लक्ष विचलित होऊ नये आणि ज्या उद्देशाने संघर्ष सुरू आहे, तो पूर्ण होईपर्यंत त्यावरच लक्ष केंद्रित करणे आवश्यक आहे.
“ताईकडे जातो ना, साडी-चोळी घेऊन जातो”
मनोज जरांगे पाटील यांनी शेवटी पुन्हा एकदा अमृता फडणवीस यांच्यासोबतच्या “भाऊ-बहिणीच्या” नात्याचा उल्लेख केला. हे नाते मान्य असल्याचे सांगतानाच भेटीची वेळही त्यांनी सूचित केली.
“भावाचं नातं लावल्यानंतर आपण भाऊबीजेला जाऊ ना. त्यात अडचण नाही. पण आज भाऊ इकडे संकटात आहे. कोणाच्या तरी गरीबाच्या लेकरासाठी लढत आहे. त्यावेळी जेवायला गेल्यावर कसं होणार? ताईकडे जातो ना. साडी-चोळी घेऊन जातो, पण भाऊबीजेच्या वेळी,” असे जरांगे पाटील म्हणाले.
दरम्यान, अमृता फडणवीस यांनी जरांगे पाटील यांना “भाऊ” म्हटल्याने या प्रकरणाला वेगळे महत्त्व प्राप्त झाले आहे. मात्र, जरांगे पाटील यांनी आपल्या उत्तरातून वैयक्तिक नात्यापेक्षा सध्या सुरू असलेल्या मराठा आरक्षणाच्या आंदोलनाला प्राधान्य असल्याचे स्पष्ट केले आहे. त्यामुळे भविष्यात भाऊबीजेच्या निमित्ताने दोघांची भेट होते का, याकडे आता राजकीय आणि सामाजिक वर्तुळाचे लक्ष लागले आहे.
Read Also : https://ajinkyabharat.com/6-2/
