मराठी टेलिव्हिजन विश्वात गेल्या काही वर्षांत काही मालिकांनी प्रेक्षकांच्या मनावर अक्षरशः अधिराज्य गाजवलं. त्यापैकी एक नाव म्हणजे ‘ठरलं तर मग’. कौटुंबिक नातेसंबंध, भावना, प्रेम आणि संघर्ष यांचा सुंदर संगम असलेल्या या मालिकेने महाराष्ट्रातील घराघरात आपली वेगळी ओळख निर्माण केली आहे. मालिकेतील सायली, अर्जुन आणि प्रिया यांसारख्या प्रमुख पात्रांइतकंच एक पात्र प्रेक्षकांच्या मनात घर करून बसलं आणि ते म्हणजे ‘मधुभाऊ’.
हे पात्र अभिनेते Narayan Jadhav यांनी साकारलं असून, त्यांच्या अभिनयाने प्रेक्षक अक्षरशः भारावून गेले आहेत. विशेष म्हणजे, गेल्या काही दिवसांपासून मालिकेत मधुभाऊ दिसत नसतानाही प्रेक्षक त्यांची सतत आठवण काढत आहेत. नुकत्याच दिलेल्या एका मुलाखतीत नारायण जाधव यांनी ‘ठरलं तर मग’मुळे त्यांच्या आयुष्यात कसा मोठा बदल झाला आणि लोकांचं प्रेम किती वाढलं याचे अनेक रंजक आणि भावनिक किस्से सांगितले.
नारायण जाधव म्हणाले की, “मी अनेक वर्ष अभिनय क्षेत्रात काम करत आहे. याआधी मी ‘खुलता कळी खुलेना’ मालिकेत ‘मधू काका’ ही भूमिका केली होती. त्यामुळे ‘मधू’ हे नाव माझ्यासोबत कायम राहिल्यासारखं वाटतं. ‘गमन’मध्ये माझं नाव भाऊ मालवणकर होतं. त्यातलाही मधू लोकांच्या लक्षात राहिला. पण ‘ठरलं तर मग’मधील मधुभाऊ या पात्राने माझं आयुष्यच बदलून टाकलं.”
Related News
साताऱ्यातील बिचुकले गावाचा भन्नाट प्रयोग! प्रत्येक घरावर ‘चांगलं चाललंय’; 5 सवयी बदलू शकतात तुमचं आयुष्य
जान्हवी किल्लेकरचा ट्रोलर्सना सडेतोड जवाब! नवऱ्यासोबत फोटो शेअर न करण्यामागचं ‘धक्कादायक’ कारण
दोघांपासून तिचं मन नाही भरलं, मग तिसरा पुरुष; एका चुकलेल्या कॉपीने उघड केला रीना किरारचा थरारक चेहरा
महागाईवर अभिनेत्री कुनिका संतापल्या! “लोक उपाशी झोपतायत, सरकार काय करतंय?”
कोल्हापुरातील हृदयद्रावक घटना! पत्नी आणि दोन मुलांना गमावलेल्या व्यक्तीने त्याच घाटात संपवलं आयुष्य
तुम्हीच नाही तर जगून काय करू? पत्नी-मुलांना गमावल्यानंतर वडिलांनीही संपवलं जीवन
6 आत्म्यांच्या ताब्यात असल्याचा दावा, 67 एक्सॉर्सिझमनंतर तरुणीचा दुर्दैवी अंत
शेफाली शाहचा धक्कादायक खुलासा! “मुलांपेक्षा कुत्रे पाळा”, नात्यांबद्दल अभिनेत्रीचं मोठं विधान
ते पुढे म्हणाले की, “आज मी कुठेही गेलो तरी लोक मला माझ्या खऱ्या नावाने नाही, तर ‘मधुभाऊ’ म्हणूनच ओळखतात. लोक सायलीबद्दल विचारतात, आश्रमाबद्दल चौकशी करतात. काही प्रेक्षक इतके मालिकेत गुंतलेले असतात की ते मला सल्लेही देतात. ‘प्रिया’सोबत तुम्ही सुरुवातीपासूनच कठोर वागायला हवं होतं, असं काही महिला मला सांगतात.”
मालिकेचा प्रभाव प्रेक्षकांवर किती खोलवर झाला आहे, याचं आणखी एक उदाहरण सांगताना त्यांनी एक मजेशीर अनुभव शेअर केला. “लोक मला विचारतात की तुम्ही कोमामधून बाहेर कधी येणार? आता बाहेर या, तुमच्यावर खूप अन्याय झाला आहे, असं लोक प्रेमाने सांगतात. हे ऐकून कधी कधी मलाच भीती वाटते की लोक मालिकेला किती खरं मानतात.”
कोकणातील एक अनुभव सांगताना नारायण जाधव भावूक झाले. ते म्हणाले, “काही दिवसांपूर्वी आम्ही कोकणात शूटिंगसाठी गेलो होतो. शाळा सुटल्यावर काही मुलांनी मला पाहिलं आणि मोठमोठ्याने ‘मधुभाऊ आले’ असं ओरडायला सुरुवात केली. काही क्षणांतच तिथे गर्दी जमली. सगळ्यांना फोटो काढायचे होते. त्या वेळी आमचे सिनेमॅटोग्राफर माझ्याकडे पाहून म्हणाले की, ‘मधुभाऊ एवढे प्रसिद्ध आहेत का?’ तेव्हा मी हसत म्हणालो, ‘हो, मधुभाऊ खूप पॉप्युलर आहेत.’”
त्या मुलांनी मालिकेबद्दल दाखवलेलं प्रेम पाहून संपूर्ण टीम भारावून गेली होती. “मी मुलांना विचारलं की तुम्ही मालिका पाहता का? तर सगळ्यांनी एकाच आवाजात ‘हो’ असं ओरडलं. त्या क्षणी मला जाणवलं की कलाकार म्हणून आपण लोकांच्या मनात किती खोलवर पोहोचलो आहोत,” असं ते म्हणाले.
पंढरपूरातील एक प्रसंग सांगताना नारायण जाधव यांच्या आवाजात विशेष भावुकता जाणवत होती. “मी पंढरपूरला गेलो होतो. तिथे एक छोटी मुलगी माझ्याकडे आली आणि म्हणाली, ‘मधुभाऊ ना तुम्ही? टिळा लावू का?’ सुरुवातीला मी नकार दिला. पण पुढे गेल्यावर मला खूप वाईट वाटलं. ती लहान मुलगी इतक्या प्रेमाने आली होती. मग परत येताना मी तिला शोधलं आणि स्वतः तिला टिळा लावायला सांगितलं.”
ते पुढे म्हणाले, “टिळा लावल्यानंतर त्या मुलीने मला सायलीबद्दल विचारलं. ती म्हणाली, ‘आमचा तिला नमस्कार सांगा.’ त्या क्षणी मला जाणवलं की प्रेक्षक या पात्रांना स्वतःच्या कुटुंबाचा भाग समजू लागले आहेत.”
मुंबईतला आणखी एक अनुभव सांगताना त्यांनी चाहत्यांचं प्रेम किती निरपेक्ष असतं हे स्पष्ट केलं. “मी कुर्ल्यात सिग्नलवर उभा होतो. तेव्हा एका महिलेने मला थांबवलं आणि म्हणाली, ‘सायलीला हा गजरा द्या.’ मी सांगितलं की मी सध्या शूटिंगला जात नाहीये. पण त्यांनी आग्रहाने गजरा दिला. मी पैसे देण्याचा प्रयत्न केला, पण त्यांनी घेतले नाहीत. हे प्रेम खूप मोठं आहे.”
‘ठरलं तर मग’ या मालिकेतील मधुभाऊ आणि सायली यांच्यातील नातं प्रेक्षकांना विशेष भावत असल्याचंही त्यांनी सांगितलं. “लोकांना आमचं बॉण्डिंग खूप आवडतं. म्हणूनच ते आम्हाला इतकं प्रेम देतात,” असं ते म्हणाले.
मराठी मालिकांमधील कलाकार आणि प्रेक्षक यांचं नातं किती भावनिक आणि जवळचं असू शकतं, याचं उत्तम उदाहरण म्हणजे नारायण जाधव यांचा हा प्रवास आहे. एका भूमिकेमुळे कलाकाराचं आयुष्य कसं बदलू शकतं आणि लोक त्याला किती आपलंसं करू शकतात, हे ‘मधुभाऊ’च्या लोकप्रियतेतून स्पष्ट दिसून येतं.
