धाराशिव जिल्ह्यातील परांडा तालुक्यात घडलेल्या एका हृदयद्रावक घटनेने संपूर्ण महाराष्ट्राला हादरवून सोडले आहे. स्विमिंग पूलमध्ये पोहण्याचा अनुभव असलेल्या 19 वर्षीय तरुणाचा विहिरीतील खोल पाण्याचा अंदाज न आल्याने बुडून मृत्यू झाला. विशेष म्हणजे ही संपूर्ण घटना त्याच्या वडिलांच्या आणि बहिणीच्या डोळ्यासमोर घडली. या दुर्दैवी घटनेमुळे परिसरात शोककळा पसरली असून सर्वत्र हळहळ व्यक्त केली जात आहे.
मृत तरुणाचे नाव शुभम नागेश ननवरे असे असून तो मूळचा कुंभेजा गावचा रहिवासी होता. ननवरे कुटुंब कामानिमित्त आणि मुलांच्या शिक्षणासाठी पुण्यात स्थायिक झाले होते. उन्हाळ्याच्या सुट्ट्या आणि गावी आयोजित जागरण-गोंधळ कार्यक्रमासाठी संपूर्ण कुटुंब गावाकडे आले होते. आनंदात सुरू असलेला हा प्रवास काही क्षणांत दुःखात बदलला.
मिळालेल्या माहितीनुसार, शुभम हा त्याचे वडील नागेश ननवरे, बहीण शुभांगी ननवरे, चुलते सतीश ननवरे आणि मामाचा मुलगा ओंकार जाधव यांच्यासोबत भोंजा शिवारातील एका विहिरीवर पोहण्यासाठी गेला होता. घराशेजारील नाना ननवरे यांच्या विहिरीवर सर्वजण पोहोचले आणि काही वेळाने शुभम, शुभांगी आणि ओंकार हे तिघेही पाण्यात उतरले.शुभमला स्विमिंग पूलमध्ये पोहण्याचा अनुभव होता. मात्र विहिरीतील पाण्याची खोली, प्रवाह आणि नैसर्गिक परिस्थिती याचा त्याला अंदाज आला नाही. काही क्षणांतच तिघेही खोल पाण्यात अडकले आणि घाबरून त्यांनी एकमेकांचे हात घट्ट पकडले. मुलांचा जीव धोक्यात असल्याचे पाहताच वडील नागेश ननवरे आणि चुलते सतीश ननवरे यांनी जीवाची पर्वा न करता विहिरीत उड्या घेतल्या.
Related News
मोठी बातमी! भोंदू खरात प्रकरणात रोहित पवारांचा सर्वात मोठा गौप्यस्फोट; “पैसे घेऊन अनेकांना बाहेर काढलं जातंय”
ममतांच्या पराभवानंतर तृणमूलचा मास्टरस्ट्रोक; फिरहाद हकीम यांना मोठी जबाबदारी
धक्कादायक! अशोक खरात प्रकरणी रुपाली चाकणकरांची 2 तास कसून चौकशी; शिवनिका ट्रस्टबाबत मोठे खुलासे शक्य
मुख्यमंत्री होताच विजय यांचा 10 लाख कोटींच्या कर्जावर मोठा दावा; स्टॅलिन यांचा संतप्त पलटवार
‘कमळी’ मालिकेतील अभिनेत्री आहे KBC च्या पहिल्या विजेत्याची पत्नी; हर्षवर्धन नवाथे यांच्या आयुष्यातील प्रेरणादायी प्रवास
दहावीत सर्व विषयांत 35 मार्क्स; सांगलीच्या गजूभाईची सोशल मीडियावर जोरदार चर्चा, गावात लागले बॅनर
विजय थलपतींच्या शपथविधीत मोठा गोंधळ! प्रोटोकॉल विसरताच राज्यपालांनी थांबवलं; तामिळनाडूच्या राजकारणात खळबळ
CM विजयपेक्षाही ‘या’ महिला मंत्र्याची जोरदार चर्चा! 29 व्या वर्षी मोडले 2 ऐतिहासिक विक्रम
दोघांनी प्रसंगावधान राखत शुभांगी आणि ओंकार यांना सुखरूप बाहेर काढले. मात्र याच दरम्यान शुभमचा हात सुटला आणि तो खोल पाण्यात बुडाला. वडिलांसमोरच मुलगा पाण्यात गायब झाल्याने एकच आक्रोश उसळला. कुटुंबीयांचा आक्रोश आणि मदतीसाठीचा आवाज ऐकून परिसरातील ग्रामस्थ घटनास्थळी धावले.स्थानिक तरुणांनी तातडीने विहिरीत उतरून शुभमचा शोध सुरू केला. मात्र विहिरीत मोठ्या प्रमाणात पाणी असल्याने शोधकार्यात अडथळे येत होते. अखेर ग्रामस्थांनी एकाच वेळी तीन मोटारी लावून विहिरीतील पाणी उपसण्यास सुरुवात केली. अनेक तासांच्या अथक प्रयत्नांनंतर दुपारच्या सुमारास शुभमचा मृतदेह आढळून आला.
ही घटना समोर आल्यानंतर संपूर्ण धाराशिव जिल्ह्यात हळहळ व्यक्त होत आहे. गावात शोककळा पसरली असून ननवरे कुटुंबावर दुःखाचा डोंगर कोसळला आहे. काही क्षणांपूर्वी हसणारा आणि कुटुंबासोबत आनंदात वेळ घालवणारा शुभम आता कायमचा निघून गेल्याने गावकऱ्यांनाही अश्रू अनावर झाले.या घटनेनंतर नागरिकांकडून विहिरी, तलाव आणि धरण परिसरात सुरक्षेच्या उपाययोजनांची मागणी होत आहे. अनेकदा पोहता येत असूनही नैसर्गिक जलस्रोतांतील खोली आणि पाण्याचा अंदाज चुकल्याने अशा दुर्घटना घडतात. त्यामुळे पालकांनी मुलांना अशा ठिकाणी जाताना विशेष काळजी घेण्याचे आवाहनही करण्यात येत आहे.
विशेष म्हणजे उन्हाळ्याच्या सुट्ट्यांमध्ये ग्रामीण भागात विहिरी, नदी आणि तलावांमध्ये पोहण्यासाठी जाणाऱ्यांची संख्या वाढते. मात्र सुरक्षिततेचे नियम न पाळल्यास काही क्षणांत आनंदाचे वातावरण दुःखात बदलू शकते, हे या घटनेतून पुन्हा एकदा अधोरेखित झाले आहे.शुभमच्या मृत्यूमुळे ननवरे कुटुंब पूर्णपणे कोलमडून गेले आहे. गावात अंत्यसंस्कारावेळी मोठी गर्दी झाली होती. प्रत्येकाच्या ओठांवर एकच वाक्य होते — “अशी वेळ कुणावरही येऊ नये…”
