देशभरातील हवामानात मोठा बदल होत असून महाराष्ट्रासह अनेक राज्यांमध्ये अवकाळी पावसाचा जोर वाढण्याची शक्यता आहे. भारतीय हवामान विभाग (IMD) ने दिलेल्या माहितीनुसार, एकाच वेळी तब्बल सहा ठिकाणी Cyclonic Circulation सक्रिय झाल्यामुळे वातावरण अस्थिर झाले आहे. यामुळे पुढील काही दिवस मुसळधार पाऊस, वादळी वारे, विजांचा कडकडाट आणि काही भागांत गारपीटीचा धोका निर्माण झाला आहे.
महाराष्ट्रात विशेषतः मराठवाडा, विदर्भ आणि पश्चिम महाराष्ट्रातील काही भागांमध्ये 29 मार्च ते 2 एप्रिल दरम्यान अवकाळी पावसाचा धुमाकूळ पाहायला मिळू शकतो. हवामान खात्याने नागरिकांना सतर्क राहण्याचे आवाहन केले आहे. शेतकऱ्यांसाठी हा काळ विशेषतः चिंतेचा ठरणार आहे, कारण या अवकाळी पावसामुळे पिकांचे नुकसान होण्याची शक्यता आहे.
Related News
हवामान खात्याचा अलर्ट! महाराष्ट्रातील अनेक जिल्ह्यांना हाय अलर्ट जाहीर
पुन्हा पावसाचे संकट! 5 जिल्ह्यांमध्ये मोठा धोका; पुढील 24 तासांसाठी हवामान विभागाचा इशारा
पुन्हा कोसळणार पाऊस! मराठवाड्यासह मध्य महाराष्ट्रावर संकट; शेतकरी चिंतेत
मुंबईत पुन्हा उन्हाचा कहर! मार्चमध्ये चौथ्यांदा ‘हीट अलर्ट’; तर पुण्यासह राज्यात पावसाचा इशारा
“पुन्हा अवकाळीचं संकट! ‘या’ 13 जिल्ह्यांमध्ये मुसळधार पावसाचा इशारा; शेतकऱ्यांची चिंता वाढली”
पुन्हा कोसळणार पाऊस! 7 जिल्ह्यांवर यलो अलर्ट, 51 हजार हेक्टर शेतीचे नुकसान
IMDचा इशारा : पुढील 48 तास धोक्याचे! महाराष्ट्रात पावसाचा कहर; 7 जिल्ह्यांना हाय अलर्ट
बिल गेट्सच्या प्रयोगांमुळे दिल्लीत पाऊस? दिल्लीतील अचानक पावसामागे ‘क्लायमेट एक्सपेरिमेंट’?
राज्यात हवामानाचा अचानक बदल: नाशिकसह काही जिल्ह्यांमध्ये ऑरेंज अलर्ट
IMD Weather Alert : महाराष्ट्रावर गारपीटचे संकट, 22 जिल्ह्यांमध्ये हाय अलर्ट
Maharashtra Weather Alert : अवकाळी पावसाचा धक्कादायक इशारा! पुढील 5 दिवस रब्बी पिकांसाठी धोकादायक
पाऊस पुन्हा कोसळणार! राज्यातील 8 जिल्ह्यांत येलो अलर्ट; पुढील 24 तासांत वादळी पावसाचा इशारा
अवकाळी पावसामागील नेमके कारण काय?
अचानक पडणाऱ्या या पावसामागे दोन मुख्य कारणे आहेत. पहिले म्हणजे पश्चिमी विक्षोभ (Western Disturbance) आणि दुसरे म्हणजे देशातील विविध भागांमध्ये तयार झालेले Cyclonic Circulation. पश्चिमेकडून येणारे ओलसर वारे आणि स्थानिक वातावरणातील उष्णता यांचा मिलाफ झाल्याने ढगांची निर्मिती वेगाने होते आणि त्यामुळे अवकाळी पाऊस पडतो.
देशभरात पावसाचा इशारा
IMD च्या अंदाजानुसार, राजस्थान, ओडिशा, आसाम, पश्चिम बंगाल आणि कर्नाटक या राज्यांमध्ये कमी दाबाचे क्षेत्र तयार झाले आहेत. त्यामुळे या भागांमध्ये पुढील काही दिवस मुसळधार पावसाची शक्यता आहे. केवळ पाऊसच नाही तर वाऱ्याचा वेगही ताशी 30 ते 50 किमीपर्यंत जाऊ शकतो.
उत्तर भारतात बर्फवृष्टी आणि पाऊस
उत्तर भारतातील जम्मू-काश्मीर, लडाख, हिमाचल प्रदेश आणि उत्तराखंड या राज्यांमध्ये पावसासोबतच बर्फवृष्टी होण्याचा अंदाज आहे. 29 आणि 30 मार्च तसेच 2 ते 4 एप्रिल दरम्यान या भागांमध्ये हवामान अधिकच खराब राहण्याची शक्यता आहे.
ईशान्य भारतातही अलर्ट
ईशान्य भारतातील आसाम, मेघालय, नागालँड, मणिपूर, मिझोराम आणि त्रिपुरा या राज्यांमध्ये 29 मार्च ते 2 एप्रिल दरम्यान मुसळधार पावसाची शक्यता आहे. काही भागांत जोरदार वादळी वाऱ्यासह विजांचा कडकडाट होऊ शकतो.
दक्षिण भारतातही बदलते वातावरण
दक्षिण भारतातील केरळ, आंध्र प्रदेश, तेलंगणा, कर्नाटक आणि तामिळनाडू या राज्यांमध्येही पावसाची शक्यता वर्तवण्यात आली आहे. येत्या काही दिवसांत येथे वातावरण ढगाळ राहून अधूनमधून पाऊस पडू शकतो.
