विदर्भातील संग्रामपूर तालुक्यातील धामणगाव गोतमारे येथील युवा लेखिका मैथिली लक्ष्मी पुरुषोत्तम गोतमारे हिने अवघ्या १४ व्या वर्षी साहित्य क्षेत्रात उल्लेखनीय कामगिरी करत आपले पहिले कादंबरीरूप पुस्तक “The Boon of Divine Blood” प्रकाशित केले आहे. नववीत शिक्षण घेणाऱ्या या चिमुकल्या लेखिकेच्या यशामुळे संपूर्ण संग्रामपूर तालुक्याच्या शिरपेचात आणखी एक मानाचा तुरा रोवला गेला आहे.
मैथिलीचे वडील पुरुषोत्तम गोतमारे हे व्यवसायाने शेतकरी असून, त्यांनी मुलीच्या शिक्षणाबाबत सुरुवातीपासूनच विशेष लक्ष दिले. नर्सरीपासूनच तिला शेगाव येथील माऊली स्कूल ऑफ स्कॉलर्समध्ये दाखल करण्यात आले. सध्या ती तेथेच नववीच्या वर्गात शिक्षण घेत आहे. शालेय जीवनातच वाचनाची आवड जोपासत असताना तिने लेखन क्षेत्रात पाऊल टाकले आणि आपल्या कल्पनाशक्तीला आकार देत ही कादंबरी साकारली.
“The Boon of Divine Blood” ही कादंबरी प्रवास आणि रहस्य यांच्या धाग्यांनी विणलेली आहे. कथानक चंद्राच्या कन्येच्या शोधाभोवती फिरते आणि वाचकाला एका कल्पनारम्य, रोमांचक विश्वात घेऊन जाते. विविध अनुभव, संघर्ष आणि अनपेक्षित वळणांनी कथा पुढे सरकते. मानवी जिज्ञासा, ध्येयभावना आणि अंतर्मनाचा शोध या संकल्पना कथेमधून प्रभावीपणे उलगडतात. इतक्या लहान वयात एवढ्या परिपक्व कल्पनाशक्तीने साकारलेले हे लेखन वाचकांचे विशेष लक्ष वेधून घेत आहे.
Related News
6 खासदारांच्या फुटीनंतर ठाकरे गटाचा मोठा डाव; 2029 साठी 40 लोकसभा मतदारसंघांत संपर्कप्रमुखांची नियुक्ती
नागपूर पदवीधर निवडणुकीसाठी भाजपची मोठी फिल्डिंग; रविंद्र चव्हाणांचा 2 दिवसांचा विदर्भ दौरा
अनुप धोत्रेंची 10 महत्त्वपूर्ण मागणी; अकोला-ढोण दुहरीकरणासह 4 नवीन सुपरफास्ट ट्रेनची मागणी
OnePlus स्वातंत्र्य दिन सेल 2026 जाहीर! फ्लॅगशिप स्मार्टफोन्सवर हजारोंची सूट
IMDचा मोठा इशारा! महाराष्ट्रात पावसाचा तांडव, 10 जिल्ह्यांना रेड-ऑरेंज अलर्ट
7 धक्कादायक इशारे! भेसळयुक्त अन्नामुळे कॅन्सरचा धोका वाढतोय? श्रेयस तळपदे म्हणाले- आता जागे होण्याची वेळ आली
Top 7 दमदार फीचर्स! Lava Virat V1 5G 24 जुलैला भारतात लाँच; 120Hz डिस्प्ले, 6000mAh बॅटरी आणि जबरदस्त परफॉर्मन्स
जयंत पाटील काय निर्णय घेणार? शिंदे गटाच्या बड्या नेत्याचं सूचक वक्तव्य; म्हणाले, ‘लवकरच कळेल’
OPPO Reno 16C मध्ये 7000mAh बॅटरी, 50MP कॅमेरा, 12GB RAM; जाणून घ्या 7 पॉवरफुल फीचर्स आणि किंमत
AI Stock Market Crash 2026: फक्त 2 वैज्ञानिकांनी बदलली नोकरी आणि तब्बल 250 अब्ज डॉलरचा धक्कादायक फटका!
3 लोकप्रिय iPhone सीरिज Amazon-Flipkart वरून अचानक गायब ; अचानक Out of Stock
Donald Trump Tariff Threat: फ्रान्सच्या वाईनवर 100% शुल्काची मोठी धमकी; 3% डिजिटल करामुळे G7 आधी व्यापारयुद्धाचा धोका
या यशामागे तिचे आई-वडील — पुरुषोत्तम गोतमारे आणि लक्ष्मी गोतमारे — यांचा अखंड विश्वास, सातत्यपूर्ण प्रोत्साहन आणि भक्कम पाठिंबा महत्त्वाचा ठरला आहे. त्यांच्या साथीतूनच मैथिलीच्या लेखनाला दिशा आणि बळ मिळाले. तसेच या कादंबरीच्या प्रकाशनासाठी के. डी. ढोले सर यांचे मार्गदर्शन लाभले असून, शाळेच्या प्राचार्या मृणाल पाटील मॅडम यांनीही वेळोवेळी प्रोत्साहन देत तिच्या साहित्यप्रवासाला चालना दिली.
ही कादंबरी दिल्लीस्थित Bluerose Publishers Limited या नामांकित प्रकाशन संस्थेतर्फे प्रकाशित करण्यात आली आहे. पुस्तक Amazon, Flipkart तसेच इतर ऑनलाइन विक्री मंचांवर उपलब्ध आहे.
मैथिलीच्या या यशामुळे ग्रामीण भागातील विद्यार्थ्यांनाही मोठी स्वप्ने पाहण्याची प्रेरणा मिळाली आहे. शिक्षणासोबत छंद जोपासला तर यश निश्चित मिळू शकते, याचे ज्वलंत उदाहरण म्हणजे मैथिली गोतमारे होय. तिच्या पुढील साहित्यप्रवासासाठी सर्व स्तरातून शुभेच्छांचा वर्षाव होत आहे.
read also : https://ajinkyabharat.com/shiv-jayanti-festive-decorations-in-district-school-lohari-khurd/
