शेंदुर्जन: सहायक स्तरावरील ई-पीक पाहणी मोहीम सुरू; शेतकऱ्यांनी नोंदणी करण्याचे आवाहन
शेंदुर्जन: सहायक स्तरावरील ई-पीक पाहणी मोहीम सुरू, शेतकऱ्यांना नोंदणीचे आवाहनरब्बी हंगाम २०२५-२६ मधील ई-पीक पाहणीची प्रक्रिया आता अंतिम टप्प्यात पोहोचली असून, अद्याप स्वतःहून पीक नोंदणी न केलेल्या शेतकऱ्यांसाठी ‘सहायक स्तरावरील ई-पीक पाहणी’ मोहीम हाती घेण्यात आली आहे. महसूल विभागाच्या जाहीर आवाहनानुसार, उर्वरित सर्व शेतकऱ्यांनी सात दिवसांच्या आत आपली पीक पाहणी सहाय्यकांमार्फत पूर्ण करणे अत्यंत आवश्यक आहे.
उपविभागीय अधिकारी प्राध्यापक संजय खडसे आणि सिंदखेडराजाचे तहसीलदार श्री. अजित दिवटे यांच्या मार्गदर्शनाखाली ही मोहीम राबवली जात आहे. ई-पीक पाहणी हा शासनाच्या विविध कल्याणकारी योजना, पीक विमा आणि भविष्यातील मदतीसाठी अत्यंत महत्त्वाचा आधार आहे. वेळेत नोंदणी न झाल्यास उद्भवणाऱ्या तांत्रिक अडचणी आणि संभाव्य नुकसानीस सर्व खातेदार जबाबदार राहतील, असा इशाराही महसूल विभागाने दिला आहे.
या मोहिमेच्या यशस्वी अंमलबजावणीसाठी मंडळ अधिकारी श्री. सर्जेराव साळवे, ग्राम महसूल अधिकारी (शेंदुर्जन भाग १) शिवानंद वाकदकर आणि ग्राम महसूल अधिकारी (शेंदुर्जन भाग २) सुशील शीलवंत विशेष प्रयत्न करत आहेत. गावागावातील शेतकऱ्यांना मदत करण्यासाठी महसूल सहायकांची नियुक्ती करण्यात आली आहे. शेंदुर्जन भाग १ साठी महसूल सेवक श्री. जगदीश पुरी, भाग २ साठी श्री. गजानन मुंडे, तर बाळसमुद्र व शिवणी कंकाळ गावासाठी सेतू केंद्रचालक श्री. पवन मेरत शेतकऱ्यांना सहकार्य करतील.
Related News
शेतकऱ्यांना मदत लवकरच? 10-12 ऑक्टोबरपर्यंत पंचनामे पूर्ण करण्याचे कृषिमंत्र्यांचे लक्ष्य
Green Teaने वाढवा त्वचेचा ग्लो; जाणून घ्या वापरण्याच्या 6 सोप्या पद्धती
दिनो मोरियाची EOWकडून चौकशी; मिठी नदी गाळ उपसा प्रकरणात मोठी अपडेट
मोठी बातमी! शरद पवार मुख्यमंत्र्यांची भेट घेणार; दुष्काळग्रस्त शेतकऱ्यांच्या मागण्या मांडणार
अवैध सावकारीच्या तावडीतून शेतकऱ्याची 2 हेक्टर 2 आर जमीन मुक्त; जिल्हा निबंधकांचा आदेश
Flydubai हल्ल्याला नवा ट्विस्ट; इराणचा नेतान्याहू आणि UAEवर गंभीर आरोप
सिंधुदुर्गात 900 कोटींच्या जमीन व्यवहाराचा आरोप; संजय राऊतांचा खळबळजनक दावा
‘पद्मभूषण कशाला? ज्ञानेश कुमारांना भारतरत्न द्या’; संजय राऊतांचा भाजपला खोचक टोला
अखेर राज्यात दुष्काळ जाहीर! 265 तालुक्यांना दुष्काळाची झळ; फडणवीस सरकारचा मोठा निर्णय
सणासुदीत मोठी खुशखबर! खाद्यतेलावरील आयात शुल्कात केंद्राची मोठी कपात
ज्ञानेश कुमारांचा ‘खापर पणजोबा’ कुठून आला? संजय राऊतांचा संतप्त सवाल; महाभियोगाची घोषणा
शेतात मेटल डिटेक्टर लावल्यावरून Rohit Pawar आक्रमक; मुख्यमंत्र्यांवर साधला निशाणा
ग्राम महसूल अधिकारी शिवानंद वाकदकर शेंदुर्जन भाग एक यांनी सर्व शेतकऱ्यांना आवाहन केले आहे की, सात दिवसांच्या आत आपल्या गावच्या नियुक्त सहायकांशी संपर्क साधून आपली पीक नोंदणी करावी. वेळेत नोंदणी न झाल्यास येणाऱ्या अडचणींची जबाबदारी खातेदारांची राहील.
शेतकऱ्यांनी या अंतिम संधीचा लाभ घेऊन आपल्या पीकांची नोंदणी वेळेत पूर्ण करणे गरजेचे आहे.
read also : https://ajinkyabharat.com/epfo-update-2026-5-important-changes-which-will-affect-your-pf-account-live/
