एस.एस. राजामौलींच्या *‘वाराणसी’*ची अधिकृत रिलीज डेट जाहीर झाली आहे. भारतीय चित्रपटसृष्टीतील सर्वात मोठे आणि दूरदृष्टी असलेले दिग्दर्शक एस.एस. राजामौली यांच्या बहुप्रतिक्षित मेगा फिल्म ‘वाराणसी’ अखेर ७ एप्रिल २०२७ रोजी जगभरातील चित्रपटगृहांमध्ये प्रदर्शित होणार आहे. “Let it bang…” या दमदार टॅगलाइनसह झालेल्या घोषणेनं प्रेक्षकांमध्ये प्रचंड उत्साह निर्माण केला आहे.
हा चित्रपट *काशी (वाराणसी)*च्या पारंपरिक आणि आध्यात्मिक वातावरणावर आधारित असून भावनिक गहराई, संस्कृती आणि आधुनिक कथाकथन शैली यांचा संगम सादर करतो. कथेबाबत सध्या गोपनीयता राखण्यात आली असली, तरी चित्रपटामध्ये खोल भावनिक आशय, भव्य दृश्यभाषा आणि प्राचीन नगरीच्या सामाजिक-सांस्कृतिक आत्म्याला स्पर्श करणारी प्रभावी कथा पाहायला मिळणार आहे.
रिलीज डेट जाहीर होताच ट्रेड सर्कल्स आणि प्रेक्षकांमध्ये मोठी खळबळ उडाली आहे. ७ एप्रिल २०२७ ही तारीख अनेकांसाठी मोठ्या सिनेमॅटिक इव्हेंटप्रमाणे पाहिली जात आहे. भारतासोबतच आंतरराष्ट्रीय स्तरावरही *‘वाराणसी’*ने आपली छाप पाडायला सुरुवात केली आहे. पॅरिसमधील प्रतिष्ठित Le Grand Rex थिएटरमध्ये ट्रेलर फेस्टिव्हलदरम्यान चित्रपटाची पहिली झलक दाखवण्यात आली, आणि संपूर्ण हॉल टाळ्या, जल्लोष आणि उत्साहाने गजरला—माहोल अक्षरशः इलेक्ट्रिक झाला होता.
Related News
2026 Varanasi : महेश बाबू–प्रियंका चोप्रा स्टारर चित्रपटाची आंतरराष्ट्रीय स्तरावर चर्चा
व्ही. शांतारामच्या जीवनावर आधारित चित्रपटात तमन्ना भाटियाची ‘जयश्री’ भूमिका प्रेक्षकांना भाववेल
चित्रपटातील पात्रांचे फर्स्ट लुक आधीच सोशल मीडियावर प्रचंड चर्चेत आहेत. पृथ्वीराज सुकुमारनचा ‘कुंभा’ या उग्र अवतारात, प्रियंका चोप्रा जोनसची ‘मंदाकिनी’ या भूमिकेत प्रभावी उपस्थिती, आणि महेश बाबूचा ‘रुद्र’ या शक्तिशाली लुकमध्ये प्रेक्षकांची उत्सुकता अनेक पटींनी वाढली आहे.
सिनेमाची भव्यता, कथानकाची गहराई आणि पात्रांची जबरदस्त उपस्थिती यामुळे प्रेक्षकांच्या अपेक्षा अत्यंत उंचावल्या आहेत. ‘वाराणसी’ फक्त एक चित्रपट नाही, तर एक सिनेमॅटिक अनुभव ठरणार आहे, जो २०२७ मध्ये मोठ्या पडद्यावर जबरदस्त धमाका करायला सज्ज आहे.
