बाळापूर : तालुक्यातील वाडेगाव येथे स्टेट बँक ऑफ इंडिया समोर घडलेल्या धक्कादायक चोरीप्रकरणाने परिसरात प्रचंड खळबळ उडाली आहे. दिनांक 18 नोव्हेंबर रोजी दुपारी साडेतीनच्या सुमारास घडलेल्या या प्रकारात 2 लाख 80 हजार रुपये क्षणार्धात लंपास करण्यात आल्याची माहिती समोर आली असून संपूर्ण प्रकरण सीसीटीव्ही कॅमेऱ्यात कैद झाल्याचे प्राथमिक तपासातून स्पष्ट झाले आहे.
मिळालेल्या माहितीनुसार, वाडेगाव येथीलच 40 वर्षीय शेख मुद्दसिर शेख असलम कुरेशी यांनी SBI बँक आणि त्याच शेजारील एटीएममधून मिळून 2 लाख 80 हजार रुपये काढले. त्यांनी पैसे ठेवलेली पिशवी गाडीच्या पुढील भागावर ठेवून निघण्याची तयारी सुरू केली असतानाच तोंडाला रुमाल बांधून तीन ते चार संशयित युवक त्यांच्या जवळ आले.
“तुमचे काही पैसे खाली पडलेत,” असे सांगत त्यांनी लक्ष विचलित केले. पीडित व्यक्ती गाडीकडे पाहण्यासाठी खाली उतरले तोच बाजूलाच उभे असलेले दुसरे युवक गाडीवरील पैशांची पिशवी उचलून पोबारा करत पळून गेले. हा प्रकार बँकेसमोर उसळलेल्या गर्दीतच घडला.
Related News
अजित पवारांच्या शेवटच्या सीसीटीव्ही फुटेजचा रहस्य उलगडणार का? सुनील तटकरे यांची प्रतिक्रिया
डोंबिवली हायप्रोफाईल सोसायटीत भयंकर भांडण: शेजाऱ्यांवर पाळीव कुत्र्याचा हल्ला, दोघे गंभीर जखमी
कल्याण बातमी: आंबिवली पाटील नगरमध्ये रात्री सुतळी बॉम्ब हल्ला, नागरिकांमध्ये भीतीचे वातावरण
मूर्तिजापूरमध्ये बेपत्ता इसमाचा कुजलेल्या अवस्थेतील मृतदेह सापडला
जि. प. शाळेत मोफत दंतचिकित्सा शिबिर संपन्न विद्यार्थ्यांसह शिक्षकांनी नोंदविला उत्स्फूर्त सहभाग
मुदत संपलेल्या ग्रामपंचायतींवर प्रशासकांची नियुक्ती
हाता येथे मध्यरात्री घरफोडींचा धुमाकूळ; ८ ते ९ लाखांचा ऐवज लंपास , उरळ पोलिसांसमोर मोठे आव्हान, श्वान पथक व फॉरेन्सिक टीमकडून तपास सुरू
कोल्हापूरी बंधाऱ्याचे गेट फोडले; मोठ्या प्रमाणात पाण्याचा विसर्ग, नागरिकांमध्ये तीव्र संताप
पशुवैद्यकीय विभाग झाला जागा; त्वचा रोगग्रस्त कुत्र्यांचा प्रश्न मात्र कायम
Johannesburg जवळील टाउनशिपमध्ये अंदाधुंद गोळीबार; 10 ठार, 10 जखमी
बिहारमध्ये रसगुल्ल्यावरून भांडण; लग्न समारंभ थांबला हाणामारीत
घटनेची माहिती मिळताच वाडेगाव पोलीस चौकीचे प्रभारी पोलीस उपनिरीक्षक संभाजी हिवाळे आणि त्यांचे कर्मचारी तातडीने घटनास्थळी दाखल झाले. त्यांनी बँकेतील सीसीटीव्ही फुटेज तपासून सविस्तर माहिती गोळा केली. तर बाळापूर पोलिस स्टेशनचे पोलीस निरीक्षक प्रकाश झोडगे यांनीदेखील घटनास्थळी भेट देऊन परिस्थितीचा आढावा घेतला. वृत्त लिहेपर्यंत पोलिसांकडून पंचनामा सुरू असल्याची माहिती मिळाली आहे.
एका महिन्यात दुसरी मोठी घटना ! गावात भीतीचं सावट
वाडेगाव परिसरात अशा प्रकारच्या चोरीच्या सलग घटना घडत असल्याने ग्रामस्थांमध्ये चिंतेचे वातावरण निर्माण झाले आहे. त्याच गावात साधारण महिन्याभरापूर्वी मटन विक्रेत्याच्या दुकानासमोर पातूर तालुक्यातील तुलंगा येथील बाळू मामनकार यांच्या दुचाकीवर ठेवलेली पैशांनी भरलेली पिशवी लंपास करण्यात आली होती. त्यात तब्बल 2 लाख रुपये गेले होते.
ताज्या घटनेमुळे गावात भीतीचे वातावरण अधिकच दाटले असून नागरिकांमध्ये असुरक्षिततेची भावना वाढली आहे. पोलिसांनी संशयितांचा तपास गतीने सुरू केला असून सीसीटीव्ही फुटेजच्या आधारे आरोपींच्या हालचालींचा शोध घेतला जात आहे.
