अकोला वन्यजीव वनपरिक्षेत्रात ‘जागतिक वन्यजीव सप्ताहा’निमित्त विविध कार्यक्रमांद्वारे जनजागृती
रक्तदान, वृक्षारोपण, रांगोळी स्पर्धा व निसर्गभ्रमंतीचे आयोजन – वन्यजीव संवर्धनाचा उत्सव साजरा
शेलुबाजार : दरवर्षीप्रमाणे यंदाही ‘जागतिक वन्यजीव सप्ताह’ अकोला वन्यजीव (World Wildlife Week)विभागाच्या वतीने मोठ्या उत्साहात आणि जनसहभागातून साजरा करण्यात आला. वाशिम आणि अकोला जिल्ह्यांच्या सीमावर्ती भागात वसलेल्या काटेपूर्णा सोहळ अभयारण्यात हा विशेष सप्ताह साजरा करण्यात आला. या उपक्रमांद्वारे निसर्ग व वन्यजीव संवर्धनाविषयी समाजात जागरूकता निर्माण करण्याचा प्रयत्न करण्यात आला. विभागीय वनाधिकारी अनिल निमजे यांच्या मार्गदर्शनाखाली विविध उपक्रमांचे आयोजन करण्यात आले होते.
वृक्षारोपणाने सुरुवात
कार्यक्रमाची सुरुवात कारंजा-सोहळ अभयारण्यात वृक्षारोपणाने झाली. सहाय्यक वनसंरक्षक चेतन राठोड यांच्या हस्ते वृक्षारोपण करण्यात आले. या प्रसंगी स्थानिक नागरिक, विद्यार्थी आणि वनकर्मचारी मोठ्या संख्येने उपस्थित होते. पर्यावरण संवर्धनासाठी वृक्षारोपणाचे महत्त्व अधोरेखित करत चेतन राठोड यांनी सांगितले की, “प्रत्येकाने आपल्या परिसरात किमान एक तरी झाड लावून त्याचे संगोपन करावे, हाच खरा वन्यजीव संरक्षणाचा पाया आहे.”
Related News
५३ व्या तालुकास्तरीय विज्ञान प्रदर्शनाचे आस्की किड्स येथे दिमाखात आयोजन
वाडेगाव येथे धक्कादायक प्रकार उघड, संगणक चालकाची कबुली
Vidarbha Beauty Pageant Akola Auditions : 5 Powerful Reasons Behind Grand Success – अकोल्यातील ऑडिशन्स उत्साहात संपन्न
Nashik Leopard : 2 तासांचा ‘थरारक’ ऑपरेशन, नाशिककरांनी पाहिला अविस्मरणीय ड्रामा
ग्रामीण भागातील मेहनती विद्यार्थिनीचे यश!
पंतप्रधान Crop विमा योजनेतून मिळाले खिसेफाट पैसे; शेतकऱ्यांना फक्त ₹3-₹21 विमा भरपाई
अकोला वनविभागाचा आदर्श उपक्रम 4 मोरपिल्लांचे वाचले प्राण !
अकोला रोजगार मेळावा 2025 : करिअर मार्गदर्शन आणि रोजगार संधींचा भव्य सोहळा
बाळापुरच्या वैभवशाली इतिहासाला नवसंजीवनी
सर्पमित्र दिपक लोड यांचा वन्यजीव सप्ताहात सन्मान,15 वर्ष सेवेचा गौरव
लोहारी खु येथे ‘स्वच्छता हीच सेवा’ पंधरवाडा उत्साहात संपन्न
दिवाळीमध्ये वंचितांच्या चेहऱ्यावर हास्य!
रक्तदानातून समाजसेवेचा संदेश
‘जागतिक वन्यजीव सप्ताहा’ (World Wildlife Week) त सामाजिक बांधिलकी जोपासत अकोला येथे डॉ. हेडगेवार रक्त संकलन पेढी येथे रक्तदान शिबिराचे आयोजन करण्यात आले. या उपक्रमात वनविभागातील अधिकारी व कर्मचाऱ्यांनी सक्रिय सहभाग नोंदवला. निसर्ग कट्टा अकोला या संस्थेच्या प्रमुखांच्या मार्गदर्शनाखाली पार पडलेल्या या उपक्रमाद्वारे “निसर्ग आणि मानव यांच्यातील सहजीवन” या भावनेचा संदेश देण्यात आला.
रांगोळी स्पर्धेतून वन्यजीव संरक्षणाचा संदेश(World Wildlife Week )
मंगरूळपीर येथील यशवंतराव चव्हाण महाविद्यालयाच्या विद्यार्थ्यांनी काटेपूर्णा अभयारण्यात वन्यजीव विषयक आकर्षक रांगोळ्या साकारून जनजागृती केली. रंगांच्या माध्यमातून ‘वन्यजीव आमची संपत्ती’, ‘प्रत्येक प्राणी निसर्गाचा घटक’, ‘जतन करा वन, वाचवा जीवन’ अशा संदेशांनी परिसर उजळून निघाला.
या वेळी उपस्थित सर्पमित्र आदित्य इंगोले (वनोजा) यांनी विद्यार्थ्यांना आणि नागरिकांना सर्पांचे महत्त्व, त्यांच्या वर्तनाचा अभ्यास आणि विषारी व निरुपद्रवी सापांची ओळख याबाबत मार्गदर्शन केले. त्यांचा सर्पविषयक सादरीकरण सर्वांसाठी ज्ञानवर्धक ठरले.
शालेय विद्यार्थ्यांसाठी निसर्गशिक्षण
कासमार, फेट्रा आणि वाघा या गावांतील जिल्हा परिषद प्राथमिक शाळांमध्ये ‘वन्यजीव सप्ताहा’निमित्त स्लाईड शोद्वारे निसर्ग संरक्षणाचे महत्त्व विद्यार्थ्यांना समजावून सांगण्यात आले. दृश्य माध्यमातून दिलेले सादरीकरण विद्यार्थ्यांमध्ये प्रचंड उत्सुकता निर्माण करणारे ठरले. शिक्षक आणि पालकांच्या उपस्थितीत या सत्रांना विशेष प्रतिसाद मिळाला.
निसर्गभ्रमंती – जंगलातील जीवसृष्टीची ओळख
‘निसर्गकट्टा अकोला’ आणि अकोला वन्यजीव विभागाच्या संयुक्त विद्यमाने श्री शिवाजी विज्ञान महाविद्यालयाच्या विद्यार्थ्यांसाठी काटेपूर्णा अभयारण्यात निसर्गभ्रमंती आयोजित करण्यात आली. हिरव्यागार वनराईत विद्यार्थ्यांनी पक्ष्यांचे किलबिलाट, फुलपाखरांचे सौंदर्य आणि वन्यप्राण्यांच्या खुणा अनुभवत प्रत्यक्ष निसर्गाचा सहवास घेतला. मार्गदर्शकांनी विद्यार्थ्यांना विविध प्राणी, पक्षी, झाडे आणि औषधी वनस्पतींबद्दल माहिती दिली.
वनशास्त्र विद्यार्थ्यांसाठी ‘कॅमेरा ट्रॅप’ सत्र
डॉ .पंजाबराव देशमुख कृषी विद्यापीठातील वनशास्त्र विभागातील विद्यार्थ्यांसाठी सामाजिक वनीकरण विभाग, अकोलाचे विभागीय वनाधिकारी महेश खोरे यांनी ‘कॅमेरा ट्रॅप तंत्रज्ञान’ यावर माहितीपर सत्र घेतले. त्यांनी वन्यजीवांच्या हालचालींचे निरीक्षण आणि अभ्यास करण्यासाठी कॅमेरा ट्रॅपचा वापर कसा केला जातो, हे प्रत्यक्ष उदाहरणांसह स्पष्ट केले. विद्यार्थ्यांनी या नव्या तंत्रज्ञानाविषयी उत्साहाने प्रश्न विचारले.
महाविद्यालयीन विद्यार्थ्यांचा सहभाग
गुलाब नबी आझाद महाविद्यालय, बार्शीटाकळी तसेच आर.एल.टी. महाविद्यालय अकोला येथील विद्यार्थ्यांनीही काटेपूर्णा अभयारण्याला भेट देऊन वन्यजीव संवर्धनाविषयी माहिती जाणून घेतली. निसर्गप्रेम वाढवण्यासाठी अशा शैक्षणिक भेटी आवश्यक असल्याचे मत अनेक शिक्षकांनी व्यक्त केले.
अधिकारी व कर्मचाऱ्यांचा समन्वय
‘जागतिक वन्यजीव सप्ताह’(World Wildlife Week) यशस्वी करण्यासाठी काटेपूर्णा वन्यजीव अभयारण्याचे वनपरिक्षेत्र अधिकारी अमित शिंदे यांच्यासह वनपाल तुपकर, करवाडे, कांबळे, पोटे, सुरणे, राठोड, पाथरकर, गिरी आणि कु. यादव यांनी विशेष परिश्रम घेतले. कार्यक्रमांची आखणी, शाळा-महाविद्यालयांशी समन्वय, तसेच जनजागृती साहित्याचे वितरण या सर्व बाबींमध्ये त्यांचा सक्रिय सहभाग राहिला.
जनजागृतीचा ठोस परिणाम(World Wildlife Week )
या संपूर्ण सप्ताहादरम्यान (World Wildlife Week )विविध गावांतील नागरिक, शालेय विद्यार्थी, महाविद्यालयीन युवक-युवती आणि स्थानिक संस्थांनी वनविभागाच्या उपक्रमांना उत्स्फूर्त प्रतिसाद दिला. वन्यजीव आणि निसर्ग संरक्षणाबद्दल समाजात सजगता निर्माण होणे, हे या कार्यक्रमांचे प्रमुख यश मानले जात आहे.विभागीय वनाधिकारी अनिल निमजे यांनी सांगितले, “वन्यजीव संवर्धन ही केवळ वनविभागाची जबाबदारी नसून, ती प्रत्येक नागरिकाची नैतिक जबाबदारी आहे. निसर्गाचा समतोल राखण्यासाठी प्राणी, वनस्पती आणि मानव या तिन्ही घटकांचा परस्पर सहजीवन महत्त्वाचा आहे.”
‘जागतिक वन्यजीव सप्ताहा’(World Wildlife Week ) च्या निमित्ताने अकोला वन्यजीव विभागाने राबवलेल्या उपक्रमांनी केवळ वन्यजीव संरक्षणाचाच नव्हे, तर सामाजिक जबाबदारी, शिक्षण आणि पर्यावरण जागरूकता यांचा एकत्रित संदेश दिला आहे.काटेपूर्णा अभयारण्याच्या सान्निध्यात साजरा झालेला हा सप्ताह अकोला जिल्ह्यातील पर्यावरणप्रेमींसाठी प्रेरणादायी ठरला आहे.
