महानायक अमिताभ बच्चन यांच्या पत्नी आणि अभिनेत्री जया बच्चन यांचे व्हिडीओ सोशल मीडियावर कायम व्हायरल होत असतात. त्यांच्या रागीट स्वरूपामुळे अनेकदा चाहत्यांमध्ये चर्चा होत असते. नुकतेच, भोजपुरी सिनेमातील सुपरस्टार दिनेश लाल यादव उर्फ निरहुआ यांनी जया बच्चनबद्दल एक थक्क करणारा खुलासा केला आहे. 2012 मध्ये प्रदर्शित झालेल्या भोजपुरी सिनेम ‘गंगा देवी’ मध्ये अमिताभ बच्चन आणि जया बच्चन यांनी महत्त्वाची भूमिका साकारली होती. निरहुआ यांनी या सिनेमातील काही किस्से नुकत्याच मुलाखतीत सांगितले. निरहुआ म्हणाले, “शूटिंग दरम्यान एक सीन होता ज्यात मला माझ्या पत्नीला ओरडायचं आणि मारायचं होतं. त्या दरम्यान जया बच्चन यांनी खरंच काठीने मला मारलं. मी विचारलं, ‘का मारलं?’ त्यांनी उत्तर दिलं, ‘तू माझ्या सूनेला का मारलास?’ त्या प्रचंड रागीट आहेत. त्यांनी मला दोन-तीन वेळा काठीने मारलं.” निरहुआ पुढे म्हणाले, “जया बच्चन आणि अमिताभ बच्चन माझ्यासाठी देवसमान आहेत. ज्या कलाकारांना त्यांच्यासोबत काम करण्याची संधी मिळते, ते भाग्यवान आहेत. त्यांना समोर पाहिल्यानंतर मी शब्द हरवून गेलो, पण बिग बी यांनी वातावरण मजेशीर बनवलं आणि मला सहजतेने काम करता आलं.” जया व अमिताभ बच्चन यांनी फक्त बॉलिवूड सिनेमांमध्ये नाही तर, दाक्षिणात्य आणि भोजपुरी सिनेमांमध्येही काम केले आहे. त्यांच्या एकत्रित सिनेमांमध्ये ‘गंगा देवी’, ‘गंगा’ आणि ‘गंगोत्री’ यांचा समावेश होतो.
read also:https://ajinkyabharat.com/jantechaya-sampark-raha-karyakarna-guidance/
