खामगाव येथे राष्ट्रवादी शरद पवार गटाचे आंदोलन, कार्यकर्त्यांचा पुलावर चढून इशारा

खामगाव शहरात रेल्वे मार्गावरील अर्धवट स्थितीत असलेला अंडर पास रद्द करण्यात यावा, या मागणीसाठी राष्ट्रवादी काँग्रेस पार्टी (शरद पवार गट) च्या कार्यकर्त्यांनी आज आक्रमक आंदोलन छेडले. हे आंदोलन पक्षाचे जिल्हा उपाध्यक्ष डॉ. संतोष तायडे यांच्या नेतृत्वाखाली करण्यात आले.

गेल्या अनेक महिन्यांपासून अंडर पासचे काम रखडले असून, त्यामुळे नागरिकांना दररोज वाहतुकीस अडचणींना सामोरे जावे लागत आहे. या पार्श्वभूमीवर २२ सप्टेंबर रोजी राष्ट्रवादीच्या कार्यकर्त्यांनी अंडर पासजवळ आंदोलन करत प्रशासनाचा जाब विचारला. मागणी मान्य न झाल्यास थेट अंडर पास पुलावर उड्या घेण्याचा इशारा देत कार्यकर्ते पुलावर पोहोचले होते.

या आंदोलनामुळे परिसरात तणावपूर्ण वातावरण निर्माण झाले होते. रेल्वे पोलिस व आंदोलकांमध्ये तीन तास चाललेल्या चर्चेनंतर, रेल्वे विभागाने ६ महिन्यांत अंडर पास पूर्ण करून देण्याचे लेखी आश्वासन दिले. हे आश्वासन मिळाल्यानंतर राष्ट्रवादीने आंदोलन मागे घेतले.

अंडर पासचा प्रश्न मिटवण्यासाठी उचललेल्या पावलाबद्दल स्थानिक नागरिकांनी राष्ट्रवादी शरद पवार गटाचे आभार मानले आहेत. आंदोलनादरम्यान खालील पदाधिकारी उपस्थित होते:

संजय बगाडे – तालुका अध्यक्ष

शेख अयाज – अल्पसंख्यांक विभाग

संतोष पिसोडे – तालुका कार्याध्यक्ष

उमेश बाहुळकर – सामाजिक न्याय तालुका अध्यक्ष

ज्ञानेश्वर रावनकार, मोहन खोटरे – ओबीसी सेल तालुका अध्यक्ष

शंकर बगाडे – ओबीसी उपाध्यक्ष

वीरेंद्र वानखडे – कार्यकर्ता

हा अंडर पास रद्द करावा की पूर्ण करावा, यावरून निर्माण झालेला वाद आता रेल्वे विभागाच्या लेखी आश्वासनानंतर काही काळासाठी थांबलेला दिसत आहे. मात्र येत्या सहा महिन्यांत अंडर पास पूर्ण झाला नाही, तर पुन्हा आंदोलन पेटण्याची शक्यता नाकारता येणार नाही.

read also:https://ajinkyabharat.com/brahmacharini-pujnache-importance/