मुंबई – मुसळधार पावसाचा तांडव सुरू असताना मुंबईतील मोनोरेलची सेवा पुन्हा विस्कळीत झाली आहे. ही यंदाच्या पावसाळ्यात मोनोरेलच्या सेवा बिघडण्याची दुसरी घटना असून, प्रवाशांना सुरक्षितरित्या रेस्क्यू करण्यासाठी अग्निशमन दलाला पाचारण करावं लागलं.
मुसळधार पाऊस व मोनोरेल सेवा विस्कळीत
काल रात्रीपासून मुंबईत जोरदार पाऊस सुरू आहे. पावसामुळे सखल भागात पाणी साचण्याची समस्या निर्माण झाली असून, त्याचा प्रभाव मोनोरेल सेवेकडेही जाणवला आहे. आज सकाळी वडाळा भागात मोनोरेल अचानक थांबली. मोनोरेल चेंबूरच्या दिशेने जात असताना तांत्रिक बिघाडामुळे सेवा विस्कळीत झाली.
फायर ब्रिगेडची धावपळ
मोनोंरेलचा ट्रॅक जमिनीलगत नसून काही फूट उंचीवर एलिवेटेड असल्यामुळे प्रवाशांना बाहेर काढणे अत्यंत कठीण होते. फायर ब्रिगेडच्या जवानांनी धैर्याने कार्य करत अडकलेल्या प्रवाशांना सुरक्षितरित्या मोनोरेलमधून बाहेर काढले.
प्रवाशांची हालवास्तव
सकाळी कामावर निघालेल्या नोकरदारांनी मोनोरेलचा पर्याय निवडला असता, अचानक सेवा बंद पडल्याने त्यांना मोठा त्रास सहन करावा लागला. आत एसी आणि लाइट बंद असल्याने लोकांनी गुदमरतोय अशी भावना व्यक्त केली. काहींना चक्कर आली, काहींना मानसिक तणाव जाणवला. आरडाओरडा सुरू झाल्यामुळे वातावरण अत्यंत तणावपूर्ण बनले.
मागील घटना
यंदा मोनोरेल बंद पडण्याची ही दुसरी घटना आहे. मागील महिन्यात १९ ऑगस्ट रोजी सुद्धा मुंबईत मुसळधार पावसाच्या दरम्यान मोनोरेल अचानक बंद पडली होती. त्या दिवशीही प्रवाशांनी मोठा त्रास सहन केला होता. प्रवाशांची संख्या क्षमतेपेक्षा जास्त असल्यामुळे ही सेवा बंद पडल्याचे प्राथमिक कारण समोर आले आहे.
सावधगिरीचे आवाहन
मुंबईतील नागरिकांनी विशेषतः पावसाळ्यात सार्वजनिक वाहतुकीचा पर्याय निवडताना सतर्कता बाळगावी. तात्पुरती सेवा बंद पडण्याच्या शक्यतेमुळे प्रवास वेळापत्रकानुसार नियोजन करावे. प्रशासनाकडूनही मोनोरेलच्या तांत्रिक चाचण्या व देखरेख वेळोवेळी सुनिश्चित करण्याचे आवाहन करण्यात आले आहे.
read also :https://ajinkyabharat.com/today-vayanivar-control-contract/
