राज्य शासनाने मराठा समाजाला हैदराबाद गॅझेटद्वारे आरक्षण देण्याचा निर्णय घेतल्यानंतर आता बंजारा समाजालाही हेच अधिकार दिले जावे अशी मागणी जोर धरू लागली आहे. याच मागणीसाठी धाराशिव जिल्ह्यातील नाईकनगर येथील एका ३२ वर्षीय बेरोजगार तरुणाने भयंकर पाऊल उचलले आहे.पवन गोपीचंद चव्हाण (वय 32) या तरुणाने आज सकाळी गळफास घेत आत्महत्या केली. नातेवाईक आणि स्थानिक जनतेचा दावा आहे की, त्याने सुसाईड नोटमध्ये खास करून हैदराबाद गॅझेट प्रमाणे बंजारा समाजाला अनुसूचित जमाती प्रवर्गातून आरक्षण मिळवून देण्यात यावे, अशी मागणी केली आहे.पवन चव्हाण बी.कॉम पदवीधर असून तो लातूरमधील शाहू कॉलेजमधून शिक्षण घेतला आहे. तो बंजारा समाजाच्या आरक्षणासाठी जनजागृती करत होता आणि जालन्यातील जिंतूर येथे गोर सेना अध्यक्ष संदेश पवार यांच्या नेतृत्वाखाली सुरू असलेल्या आंदोलनातही सहभाग घेतला होता. मात्र, आज सकाळी जिंतूर जाण्यासाठी तयारी करत असतानाच अचानक त्याने घरातच बांबूला गळफास घेत आत्महत्या केली.घटनास्थळी पोलीस सहायक निरीक्षक संदीपान दहिफळे यांनी धाव घेतली. त्याच्या खिशात सापडलेल्या सुसाईड नोटमध्ये त्याने सरकारला हे विनंती पत्र लिहिले होते की, बंजारा समाजालाही हैदराबाद गॅझेट प्रमाणे अनुसूचित जमाती प्रवर्गातून आरक्षण देण्यात यावे.पवनच्या पश्चात आई-वडील, भाऊ, पत्नी, एक मुलगा आणि एक मुलगी अशी एक बहुआयामी कुटुंब राहीली आहे.पोलिसांनी सुसाईड नोट जप्त करून पुढील तपास सुरू केला आहे. स्थानिक प्रशासन आणि पोलिसांनी नागरिकांना अफवा पसरवू नये व शांतता राखण्याचे आवाहन केले आहे.
read also : https://ajinkyabharat.com/religious-sentiments-hurt/
