अकोला : पातूर तालुक्यातील अंधारसावंगी गावात धर्मांतराचा गंभीर प्रकार उघडकीस आला असून, खळबळ उडाली आहे.
फिर्यादी देवानंद चवरे (जो एका पायाने अपंग असून दम्याच्या त्रासाने ग्रस्त आहेत) यांनी चान्नी पोलिस ठाण्यात तक्रार दिली आहे. त्यानुसार, गावातील सोनाजी शिंदे यांनी त्यांना धर्मांतरणाच्या प्रार्थनेत सहभागी होण्यास सांगितले. तसेच, धर्मांतरण केल्यास त्यांच्या रोगाचे उपचार होण्याचे व ५० हजार ते १ लाख रुपयांचा लाभ मिळेल, अशी आश्वासने दिली असल्याचा आरोप चवरे यांनी केला आहे.
घटनाक्रम –
ही माहिती गावकऱ्यांपर्यंत पोहोचताच त्यांनी सोनाजी शिंदे यांच्या घरी धाव घेतली.
तिथे सुमारे ३५ ते ४० अनोळखी पुरुष व महिला मेणबत्त्या लावून प्रार्थनेत सहभागी होत असल्याचे आढळले.
चान्नी पोलीसांनी त्वरित घटनास्थळी धाव घेत आरोपींना ताब्यात घेत चौकशीसाठी पोलीस ठाण्यात आणले.
गंभीर आरोप –
बळजबरीने धर्मांतरणाचा प्रयत्न
धार्मिक भावना दुखावणे
जातीय तणाव निर्माण करण्याचा आरोप
उपविभागीय पोलीस अधिकारी गजानन पडघन यांच्या मते, ही घटना अत्यंत संवेदनशील असून धार्मिक सलोखा राखणे हे समाजातील प्रत्येकाची जबाबदारी आहे.
महिलांचा युक्तिवाद –
शितल गवई (आरोपित महिला) यांनी स्पष्ट केलं –
“आम्ही फक्त नातेवाईकांच्या प्रार्थनेसाठी आलो होतो. कोणावरही धर्म बदलण्यासाठी दबाव टाकलेला नाही.”
पुढील कारवाई –
पोलिसांकडून सध्या सखोल तपास सुरू असून, पुढील कायदेशीर प्रक्रिया करत आहे.
उपरोक्त प्रकरणावर संपूर्ण जिल्ह्यात दखल घेतली जात आहे.
कायदेशीर दृष्टिकोनातून कारणे –
पण धर्मांतराचा कायदा काय म्हणतो :-
बळजबरीने धर्मांतराचा प्रयत्न (Forced Religious Conversion)
भारतीय Penal Code (IPC) मध्ये बळजबरीने किंवा फसवणूकीने धर्म बदलण्याचा प्रयत्न गुन्हा मानला जातो.
→ IPC अंतर्गत अनुच्छेद 295A (धार्मिक भावना दुखावणे) आणि विशिष्ट राज्यांमध्ये धर्मांतरण विरोधी कायदे लागू आहेत.
फसवणूक (Cheating) आणि प्रलोभन देणे (Offering Temptation),पैशाचे आमिष दाखवून किंवा इतर लाभांची आश्वासने देऊन धर्म बदलवण्याचा प्रयत्न फसवणूकीच्या श्रेणीत येतो. हे अपराध म्हणून समजले जाते.धार्मिक भावना दुखावण्याचा गुन्हा,कोणत्याही व्यक्तीच्या धर्माबाबत दबाव आणणे किंवा त्याच्या धार्मिक स्वातंत्र्यावर आघात करणे हा गुन्हा मानला जातो.
निष्कर्ष –
पैशाचे आमिष दाखवून धर्म बदलण्याचा प्रयत्न हा गंभीर गुन्हा आहे.
संबंधित आरोपींविरुद्ध बळजबरीने धर्मांतरणाचा प्रयत्न, फसवणूक व धार्मिक भावना दुखावल्याचा आरोप पोलिस कारवाईत नोंदवला जातो.
राज्य सरकारकडूनही अनेक ठिकाणी अशा प्रकारच्या गुन्ह्यांविरुद्ध कठोर कायदे आहेत.
या बातमीला आम्ही अजून अपडेट करत आहोत .
read also : https://ajinkyabharat.com/arya-vaiyasya-understanding-introduction/
