डॉल्बी आणि डीजे विरोधात कलावंत ढोल-ताशा पथकाची विशेष मोहीम –

पुणे – पुण्यातील कलावंत ढोल-ताशा पथकाने गणेशोत्सवातील वाढत्या डीजे आणि डॉल्बी साऊंड सिस्टिमच्या वापराविरोधात विशेष मोहीम हाती घेतली आहे. गणपती विसर्जनाच्या मिरवणुकीत आलेल्या खेदजनक अनुभवामुळे कलावंत पथकाने सार्वजनिक उत्सवांमध्ये पारंपारिक ढोल-ताशा वादनाला प्रोत्साहन देण्यासाठी आणि ध्वनी प्रदूषण कमी करण्यासाठी सशक्त आंदोलन राबवण्याचे ठरवले आहे.

प्रमुख मागण्या:
धार्मिक, सांस्कृतिक उत्सव आणि शोभायात्रांमध्ये डीजे/डॉल्बी साऊंड सिस्टिमवर सक्त बंदी
 स्थानिक रहिवाश्यांच्या आरोग्याचे संरक्षण (बहिरेपणा, शारीरिक हानी टाळणे)
वाहतूक कोंडी कमी करणे आणि अनुचित प्रकार टाळणे
पारंपारिक वाद्य व कलाप्रकारांना प्रोत्साहन देणे
 ध्वनी प्रदूषण नियंत्रणासाठी नियम सूची तयार करणे

 स्वाक्षरी मोहिमेचे उद्दिष्ट:
कलावंत ट्रस्टच्या वतीने नागरिकांना ऑनलाइन व ऑफलाइन स्वाक्षरी करण्याचे आवाहन करण्यात येत आहे. संकलित स्वाक्षऱ्या आणि निवेदन महाराष्ट्राचे माननीय मुख्यमंत्री आणि संबंधित प्राधिकरणांना सुपूर्द केले जाणार आहेत. डिजिटल Petition साइन करण्याची सुविधा देखील उपलब्ध केली जाणार आहे.

 पथकाची प्रतिक्रिया:
“मार्केट यार्ड गणेशोत्सव मंडळाच्या विसर्जन मिरवणुकीदरम्यान आम्हाला अत्यंत खेदजनक अनुभव आले. सायंकाळी ६ वाजता तयारी असूनही मिरवणूक वेळेवर न सुरू होऊन रात्री ९ वाजता एका जागी एकदम गजर करून वादन थांबवावे लागले. आता पुढच्या उत्सवात पारंपारिक संस्कृतीला जपण्यासाठी मोहीम राबवणार आहोत.”

 सहभागासाठी आवाहन:
सर्व नागरिकांनी या जनहित मोहिमेत भाग घेऊन मराठी कलासंस्कृतीला साथ द्यावी. आपली स्वाक्षरी करून ध्वनी प्रदूषण विरोधात आणि पारंपारिक वाद्यांना प्रोत्साहन देण्यासाठी पाठिंबा द्यावा, असे कलावंत ट्रस्टने आवाहन केले आहे.

 गणपती बाप्पा मोरया!
पारंपारिक वाद्यांचे गौरव जपण्यासाठी आणि समाजातील सांस्कृतिक मूल्ये टिकवण्यासाठी कलावंत ढोल-ताशा पथकाचे प्रयत्न सतत सुरू राहणार आहेत.

read also :https://ajinkyabharat.com/akot-talukaye-shetkyachaya-perani-adhi/