लातूर – ओबीसी आरक्षणाच्या प्रश्नावरुन संतप्त झालेले मंत्री छगन भुजबळ आज भावनिक झाले. भरत कराड यांच्या कुटुंबाला भेट देताना भुजबळांनी मुलांच्या डोळ्यांवरून हात फिरवत त्यांना सांत्वन दिले. या भेटीत भुजबळांच्या डोळ्यांत अश्रू दिसून आले, आणि घरातील महिलांनी रडू लागल्याचे पाहायला मिळाले.
भुजबळांनी सरकारकडे थेट आवाहन करत म्हटले की, मराठा समाजाला स्वतंत्र आरक्षण देण्यात आले आहे; ओबीसी आरक्षणावर त्यांचा फायदा का दिला जावा? त्यांनी जीआर काढताना सरकारने विश्वासात न घेतल्याचा आरोपही केला.
लातूर जिल्ह्यातील रेणापूर तालुक्यातील वांगदरी येथील भरत कराड या तरुणाने ओबीसी आरक्षण संपुष्टात येत असल्याच्या निषेधार्थ आत्महत्या केली होती. आज भुजबळ या कुटुंबाला धीर देण्यासाठी गावात दाखल झाले, आणि माजी मंत्री धनंजय मुंडेही सोबत होते.
भुजबळांनी या भेटीत सरकारकडे स्पष्ट आवाहन केले की, ओबीसी आरक्षणावर निर्णय घेताना संवेदनशीलतेने आणि न्यायाच्या दृष्टिकोनातून विचार केला जावा, तरुणांचा भवितव्य सुरक्षित राहावे.
read also :https://ajinkyabharat.com/donald-trump-mhanale-hi-muthi-miss/
