पिंपळखुटा : पिंपळखुटा गाव आणि त्याचे आसपासचे क्षेत्र आज विविध आजारांच्या झटक्याखाली आहे. टायफाईड, चिकनगुनिया, मलेरिया आणि इतर आजारांनी गावकऱ्यांची तब्येत गंभीरपणे प्रभावित झाली आहे, मात्र प्राथमिक आरोग्य केंद्र सस्ती आणि चतारीतील ग्रामीण रुग्णालय ही आरोग्य यंत्रणा अपेक्षित कामगिरी दाखवण्यात अपयशी ठरत आहे.ग्रामीण रुग्णालयात आवश्यक सुविधा नसल्यामुळे रुग्णांना खाजगी रुग्णालयात उपचार करावे लागत आहेत, जेथे अत्यंत जास्त दर आकारले जात असल्याचा ग्रामस्थांचा आरोप आहे. अनेक गोरगरीब रुग्ण या परिस्थितीत फसवणुकीला सामोरे जात आहेत.गावातील नागरिकांचे म्हणणे आहे की, प्राथमिक आरोग्य केंद्र सस्ती असूनही गावात कोणत्याही प्रकारचे आरोग्य सर्वेक्षण किंवा जनजागृती केली जात नाही. त्यामुळे आजारांचे प्रमाण वाढत आहे आणि आरोग्य यंत्रणेतून योग्य ती मदत मिळत नाही.सामाजिक कार्यकर्ते रविभाऊ महानकर, महेंद्र वानखडे, सुरज वानखडे, धर्मेंद्र वानखडे, प्रशांत वानखडे, गोपाळ राऊत, विकी दांदळे, राजू माडोकार, रवींद्र देशमुख, रोहित वानखडे आणि अस्लम शाह यांनी सरकारकडे कठोर उपाययोजना करण्याची मागणी केली आहे. त्यांनी इशारा दिला की, जर काही दिवसांत आरोग्य सेवा सुधारणे झाले नाही, तर ग्रामस्थ आरोग्य यंत्रणेच्या विरोधात आंदोलन करण्यास तयार आहेत.गावकऱ्यांनी आरोग्य सेवांमध्ये त्वरित सुधारणा करण्याचे आवाहन करत प्रशासनाकडे लक्ष वेधले आहे.
read also : https://ajinkyabharat.com/india-teaching-ghetlela-engineer-kulman-ghising-dashet/
