रिसोड : जिल्ह्यात साथीच्या आजाराचा कहर वाढत असताना, ग्रामीण आरोग्यसेवेची अवस्था चिंताजनक बनली आहे. विशेषतः कोयाळी आरोग्य उपकेंद्रावर तात्काळ उपाययोजना न केल्यामुळे नागरिकांची जीवमालावर भीती निर्माण झाली आहे. त्यामुळे कोयाळी ग्रामस्थांनी जिल्हा आरोग्य अधिकारी, वाशिम यांच्याकडे तातडीने डॉ. निलेश ढोणे यांची बदली करण्याची मागणी करणारे निवेदन सादर केले आहे.ग्रामस्थांच्या तक्रारीनुसार, गेल्या वर्षभरापासून डॉ. निलेश ढोणे कोयाळी आरोग्य उपकेंद्रात कार्यरत असूनही नियमित उपस्थिती नाही. उपकेंद्राचे व्यवस्थापन अतिशय अस्वच्छ असून, संपूर्ण परिसरात घाणेरडे वातावरण पसरले आहे. आरोग्यसेवा ठप्प झाल्यामुळे गावात डेंगू, टायफाइड, ताप इत्यादी आजारांचे रुग्ण वाढले असून, मात्र कुठलाही उपचारात्मक उपाययोजना करण्यात आलेली नाही. धूर फवारणीची सेवा सुद्धा अद्याप लागू झालेली नाही.ग्रामस्थांच्या तक्रारीत म्हटले आहे की, परमनंट नर्सचा अभाव आणि डॉक्टरांच्या अनुपस्थितीमुळे वृद्ध नागरिक, गर्भवती स्त्रिया यांना वेळेवर उपचार मिळत नाहीत. रुग्णांना कोयाळी उपकेंद्रात तितकीशी मदत न मिळताच त्यांना वाशिम शहरात जाऊन उपचार घेण्यास भाग पाडले जात आहे. या परिस्थितीमुळे ग्रामस्थात मोठा संताप आणि असंतोष पसरला आहे.ग्रामपंचायत ठरवाससह सामाजिक कार्यकर्त्यांनी संयुक्तपणे डॉ. निलेश ढोणे यांच्या तात्काळ बदलीचा ठराव मंजूर केला असून जिल्हा आरोग्य अधिकाऱ्यांना निवेदनाद्वारे “जर आठ दिवसांत बदली करण्यात आली नाही, तर कोयाळी येथील नागरिक आमरण उपोषणास बसणार आहेत,” अशी इशारादेखील दिली आहे.या निवेदनाद्वारे ग्रामस्थांनी स्पष्ट केले आहे की, आरोग्य उपकेंद्राचे महत्त्व रुग्णसेवा पुरवण्यात आहे आणि प्रशासनाने त्वरित कारवाई करून सेवा सुरळीत करण्याची जबाबदारी पार पाडावी. परिस्थिती सुधारली नाही, तर ती गंभीर सामाजिक आंदोलनात रुपांतरित होईल, असा इशारा त्यांनी दिला आहे.आता येत्या काळात प्रशासन कोणती प्रतिक्रिया देणार, याकडे सर्वांचे लक्ष लागले आहे.
read also : https://ajinkyabharat.com/reservation-question-question-jayewadawar-defined-vaccine/
